Hechos 6:13 - Kashibo-Kakataibo Biblia

¹³ Abë cërúanancë unicaman ca uni raíriribi cëmëi isa Estebanmi manánun quixun cacëxa. Cacëx cuanxun ca ësaquin cacëxa: —Ënë unix ca Nucën Papa Diosan xubu upí ñuianan Moisésnën cuënëo banaribi ñui nëtëtima ꞌatimati banaia.

Nukën 'Ibu Diosan ain unikama 'inan ain bana

¹³ Abë cërúanancë unicaman ca uni raíriribi cëmëi isa Estebanmi manánun quixun cacëxa. Cacëx cuanxun ca ësaquin cacëxa: —Ënë unix ca Nucën Papa Diosan xubu upí ñuianan Moisésnën cuënëo banaribi ñui nëtëtima 'atimati banaia.

Hechos 6:13 ပူးပေါင်းရင်းမြစ်များ

Salmos 27:12

usa ꞌain kamina an kuëënkësa okían ꞌë ꞌakanun ꞌamitima ꞌain, atux ka ꞌëmi ꞌikuaianxa usa ꞌain ka atun këmëi banakin bënë́kinshi ñu ꞌaisa tania.

Mateo 24:15

Usaquin caxun ca Jesusan ësaquinribi aín ꞌunánmicë unicama cacëxa: —An Nucën Papa Dios quicë bana unicama ñuixuncë uni Danielnëan a ñuiquin cuënëo uni ax ca ꞌatimaira ꞌicëa unin timacë ꞌaíshbi aín suntárucamabë uti ꞌicën. Danielnëan ñuia uni ax ca utancëx ami sinanimabi anuxun Nucën Papa Dios rabiti xubu Jerusalénu ꞌicë, anu ꞌiti ꞌicën. An ënë bana iscë uni an ca uisai quice cara quixun ꞌunánti ꞌicën.

Mateo 26:59

Usa ꞌain ca judíos sacerdotenën cushicamabë caniacëcë unicama ꞌimainun camabi judíos unibunën ꞌapucama anu timë́xun, uix caraisa asérabia usai ꞌiánmabi, cëmëi atúan ꞌanun Jesúsmi manánti ꞌicë quixun cuaisa tancëxa.

Hechos 21:28

Bitsi ca munuma cuënishi quicancëxa: —Israel unicama, nu ca ꞌaquin. Ënë unix ca an camabi menu cuanquin judíos unicamamia ꞌinun quixun unicama ñuixuncë a ꞌicën. Usa ꞌixun ca nun cuati bana Moisésnën cuënëo quicësabi oi ꞌiaxma ꞌinun quixun canan, anuxun Nucën Papa Dios rabiti xubu ënë ꞌatimaquin ñuiquinribi unicama caia. Usa ꞌixun ca anuxun Nucën Papa Dios rabiti xubunu judíosma, axa griego banan banacë unicama raíriribi atsínmiaxa. Atsínmixun ca ënë xubu upí ꞌatimamiaxa —quiax.

Hechos 25:8

Usa ꞌain ca Pablonën amia manáncancëxun ësaquin Festo cacëxa: —ꞌËn cana Moisésnëan usai judíos unicama ꞌiti cuënëo bana quicësabi oi ꞌiaxma ꞌinun judíos unicama cacëma ꞌain. Usa ꞌaish cana ꞌëxribi a bana quicësabi oi ꞌian. ꞌIanan cana anuxun Nucën Papa Dios rabiti xubunu judíosma uni atsínmicëma ꞌain, atsínmima ꞌianan cana Romanu ꞌicë ꞌapu, César, aín bana tanxunma ꞌanun uni cacëma ꞌain.

Hechos 6:11

Nëtë́xunbi ca uni raíri ësaquin cacëxa: —Nun mitsu cupíomainun camina Esteban ñuiquin unicama cati ꞌain, nun cuacëx ca ënë uni Moiséscëñun Nucën Papa Dios ñui ꞌatimati banaxa quixun.

Hechos 7:58

Bibianquin ca Jerusalénua buánxun maxaxan ꞌacëxa. Aín cutun pain pëxun bëná uni, Saulo cacë, an bërúanun quixun nantancëxun ca Esteban maxaxan ꞌacëxa.

Hebreos 7:12

Usa ꞌain ca usaquin judíos unicaman ꞌati bana, Levitan rëbúnquicama sacerdote ꞌixun judíos unicama ꞌunánmicë, a ꞌunanibi aín sinan upíma ꞌain, a ënquin bëtsi bana Jesús ñui quicë unin cuanun Nucën Papa Diosan mëníocëxa.