Hechos 6:10 - Kashibo-Kakataibo Biblia

¹⁰ Usai abë cërúanancëxunbia Estebanën atun ꞌacësama oquin Nucën Papa Diosan Bëru Ñumshin Upitan sinánmicëxun bana ñuia cuati ca nëtë́cancëxa.

Nukën 'Ibu Diosan ain unikama 'inan ain bana

¹⁰ Usai abë cërúanancëxunbia Estebanën atun 'acësama oquin Nucën Papa Diosan Bëru Ñumshin Upitan sinánmicëxun bana ñuia cuati ca nëtë́cancëxa.

Hechos 6:10 ပူးပေါင်းရင်းမြစ်များ

Éxodo 4:12

Usa ꞌain, kamina kuanti ꞌain, ꞌën kana Egipto menuax banakëbë mibë ꞌixun, usakinmi kati bana mi ꞌunánmiti ꞌain.

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Jeremías 15:20

ꞌËn kana mixmi ënë unikamanan achúshi kënë manë panshianën kënëarakin kushiokin nitsinkë usaribi ꞌinun mi ꞌimiti ꞌain. Usa ꞌikë ka mibë ꞌakanankinbi uínbi mi kanantima ꞌikën, ꞌën kana mi bërúankin ië́miti ꞌain. ꞌËx kana Min ꞌIbu ꞌaish usai kin.

Ezequiel 3:27

ꞌAínbi kana ꞌën mi ñu ñuikin kaisatankin amiribishi bananun ꞌimiti ꞌai, usakin ꞌimikëxun kamina ësakin kati ꞌain: Ësai ka Dios kiaxa. Uin kara kuatia an ka kuati ꞌikën, uin kara kuaisama tania an ka kuatima ꞌikën. Atux ka bana kuakëma unibuira ꞌikën.”

Miqueas 3:8

ꞌAínbi ka Diosan an kakësabiokin ꞌaia aín bëru ñunshinan ꞌakinkëx ꞌëx kushiñu ꞌianan rakuëma uni ꞌixun atu ꞌakinun ꞌë ꞌimiaxa, usa ꞌixun kana atu bana ñuixunkin Dios ax ka kushiira ꞌikë kixun Israel unikama kanan atux ami ꞌuchakian an kuëënkëma ñuishi ꞌakë akama kati asábi ꞌain.

Lucas 1:17

Juan ax ca Nucën ꞌIbu Jesúsa unun ax pain rëcuë́ncuatsini uti ꞌicën. Ax ca Elías ꞌiásaribiti Nucën Papa Diosan cushiñu ꞌixun unicaman upí oquin sináncësaribi oquin aín bëchicë sinánun sinánmiti ꞌicën. Sinánmianan ca an aín bana cuaisama tancë unicama sinanamiquin, Nucën Papa Diosmi sinánun ꞌimiti ꞌicën. Usoquian ꞌimicëxun ca axa Nucën ꞌIbu Diosan xucëx ucëbëtan, Israel unibunën upí oquin aín bana cuati ꞌicën.

Juan 7:46

Quixuan cacëxun ca suntárucaman cacëxa: —Axa ënë uni banacësari banacë uni ca ꞌaíma ꞌicën.

Hechos 5:39

ꞌAínbi, Nucën Papa Diosanbi ꞌunánmicëxun bana ñuixuanan ñu ꞌacë ꞌicë camina uisabi ocantima ꞌain. Nucën Papa Diosmi atumina nishcanin ca bërúanracat.

Hechos 6:11

Nëtë́xunbi ca uni raíri ësaquin cacëxa: —Nun mitsu cupíomainun camina Esteban ñuiquin unicama cati ꞌain, nun cuacëx ca ënë uni Moiséscëñun Nucën Papa Dios ñui ꞌatimati banaxa quixun.

Hechos 6:9

Usa ꞌain ca an uni itsin ꞌacëma ñu ꞌaia oi ami nishi, judíos unibunëan ñu mëëmicë ꞌaíshbia chiquícë unicamabë Alejandría, Cilicia, ꞌimainun Asia me acamanuaxa ucë unicamax timë́ax Estebanbë cërúanancëxa.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

1 Corintios 2:4

An ñu ꞌunáncë unían aín sinanënshi sinánquin bana ñuicësa oquin cana Jesucristo ñuiquin mitsu ñuixuncëma ꞌain. Ama, aín Bëru Ñunshin Upitan ꞌaquincëxun cana Nucën Papa Diosan cushínshi ñuixunquin Jesucristomi catamënun mitsu sinanamian.