Hechos 6:1 - Kashibo-Kakataibo Biblia

¹ Usomainun ca amiribi amiribi an Nucën Papa Diosan bana cuati unicamax ꞌitsacëxa. Griego banan banacë unicama ꞌimainun hebreo banan banacë judíos unicamaribi ca Jesucristomi catamëacëxa. Usa ꞌaish ca axa hebreo banan banacë unicama ñui ësai griego banan banacë unicamax quiacëxa: —Camabi nëtën piti mëtícaquinbi ca nun aintsi xanu casunamëcë a piti ꞌinanima.

Nukën 'Ibu Diosan ain unikama 'inan ain bana

¹ Usomainun ca amiribi amiribi an Nucën Papa Diosan bana cuati unicamax 'itsacëxa. Griego banan banacë unicama 'imainun hebreo banan banacë judíos unicamaribi ca Jesucristomi catamëacëxa. Usa 'aish ca axa hebreo banan banacë unicama ñui ësai griego banan banacë unicamax quiacëxa: —Camabi nëtën piti mëtícaquinbi ca nun aintsi xanu casunamëcë a piti 'inanima.

Hechos 6:1 ပူးပေါင်းရင်းမြစ်များ

Job 31:16

Uisaxunbi kana ꞌën uni ñuñuma an kuëënkë ñu ꞌinanima ꞌiama ꞌain, ꞌimainun kana kasunamëkë xanukamaribi pitiñuma ꞌaísh numin ꞌi tsotia isëshiama ꞌain.

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

Salmos 72:16

¡Usa ꞌain ka a menu ꞌaisamaira trigo ꞌiti ꞌikën, ꞌianan ka bashi rëbu anubi trigo ꞌaisamaira ꞌiti ꞌikën! Usa ꞌain ka Líbano menu trigo ꞌapákëxa bimikë usaira aín bimi ꞌi xubi koia iskë usaira ꞌiti ꞌikën!

Isaías 1:17

¡Ñu ꞌupíshi ꞌati kamina ꞌunánkanti ꞌain, ꞌianan kamina abi sinani kushikin ñu ꞌupíshi ꞌanan, bëtsi unikaman ꞌatimoiabi bëtsi ꞌakinti ꞌain, ꞌakianan kamina ꞌibuñumakë tuákama aturibi ꞌakinti ꞌain, ꞌanan kamina kasunamëkë xanu bëtsi unin ꞌatima oiabi anun rabanan në́kin ꞌakinti ꞌain!”

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Mateo 23:13

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Uisa cara oti ꞌicë usoquin ca Nucën Papa Diosan mitsu ꞌati ꞌicën. Mitsun camina Nucën Papa Diosan bana ꞌunáncë ꞌixunbi a bana quicësabi oquian ꞌanun ꞌaquinquinma unicama a bana bëtsi oquin ñuixunin. Mitsun camina a bana quicësabi oquin ꞌaiman. ꞌAquinma camina uni itsínribia a bana quicësabi oquin ꞌaxunma ꞌanun ꞌunánmin.

Hechos 11:20

Ñuixunmainun ca Chipre ꞌimainun Cirene menuaxa Jesucristomi catamëcë uni raíri anribishi Antioquía ëmanu cuanx bëbaxun, Nucën ꞌIbu Jesúsmi catamëti ca uni Nucën Papa Diosnan ꞌiti ꞌicë quixun, judíosma uniribi bana ñuixuancëxa.

Hechos 11:26

Bëax achúshi baritian anu ꞌiquin ca Saulobëtan Bernabénën axa Jesucristomi catamëcë unicamabë timë́quin atu ꞌunánmiacëxa. Usa ꞌain ca Antioquíanuxun pain uni raírinën axa Jesucristomi catamëcë unicama Cristonën uni caquin anëacëxa.

Hechos 11:29

Usai ꞌicëbëa Judeanu ꞌicë axa Jesucristomi catamëcë unicamax atun piti ñuñuma ꞌicë ñuicania cuaxun ca Antioquíanu ꞌicë unicaman curíqui atu buánmiti sináncëxa, axa ꞌitsa curíquiñucaman uiti cara nainsa tania ꞌati nanmainun uicamax cara ꞌitsamashi curíquiñu ꞌicë acamanribi uiti cara nainsa tania ꞌati nantancëxun.

Hechos 2:41

Usaquian Pedronën cacëxun cuaquin ca ꞌitsa unin —asérabi ca a bana ꞌicë —quixun sináncëxa. Sinani ca a nëtë́nbi nashimicë ꞌaish tres mil uniribishi axa Jesúsmi sináncë unicamabë ꞌiacëxa.

Hechos 2:45

Usai ꞌiquin ca atun ñu maruanan aín me maruxun curíqui bixun ñuñuma unicama ꞌináncëxa.

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Hechos 4:35

Maruxun curíqui bixun ca Jesusan aín bana ñuixunun caíscë unicama ꞌináncëxa. ꞌInáncëxun bixun ca atun uinu ꞌicë unix cara anun aín piti, aín chupa maruti ꞌaíma ꞌicë, a curíqui mëtícaquin ꞌináncëxa. ꞌInáncëx ca uni achúshiratsubi ñuñuma ꞌiáma ꞌicën.

Hechos 4:4

Usa ꞌaínbi ca an a ñuiquin bana ñuixuncëxun cuati Jesúsmi catamëcë unicamax ꞌitsaira ꞌiacëxa. Acamax ca xanucëñunma nucë bënëcamaishi tupúncëx cinco milsa ꞌiacëxa.

Hechos 5:14

Usaía ꞌimainun ca bëtsi unicamaxribi ꞌitsaira, xanubëbi bëbucamaxribi Nucën ꞌIbu Jesúsmi catamëacëxa.

Hechos 5:28

—Nun cananuna mitsu amiribishi Jesús ñuiquin bana ñuixunxunma ꞌanun quixun can. Cacëxunbi mitsun nëtë́quinma a bana uni ñuixunia chanioia ca Jersualénu ꞌicë unicaman cuaxa. Usa ꞌaish camina nun isanuna uni Jesús ꞌamia quiaxribi quicanin.

Hechos 6:2

Ësai quia cuaquin ca Jesusan aín bana uni ñuixunun caíscë uni mëcën rabë́ ꞌimainun rabë́ an, axa Jesucristomi catamëcë unicama camicë́xa timëtia, cacëxa: —Nun Jesucristo ñuiquin Nucën Papa Diosan bana ñuixunquinma uni piti mëtícati ca upíma ꞌicën.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

Hechos 9:29

Ñuixunquin ca axa griego banan banacë judíos unicamabëribi bananan cuëbicananquin racuë́quinma —Jesús ax ca asérabi Cristo ꞌicë —quixun cacëxa. Usoquian cacëxun ca a ꞌacatsi quixun sináncancëxa.

Hechos 9:39

Xucëx cuanxuan cacëxëshi ca Pedro uni rabë́ abëbi Jopenu cuancëxa. Cuanx bëbaxa anu Dorcas racáncënu buáncancëx atsinia ca xanu casunamëcëcaman nëbë́tsioracëxa. Nëbë́tsiorati inquin ca ñutisama pan ꞌixúan Dorcasnën ꞌacë cutúncëñun chupacama Pedro ismiacëxa.

Hechos 9:41

Usariashi ca Pedronën mëínquin biruacëxa. Birutancëxun ca axa Jesucristomi catamëcë unicamacëñunbi casunamëcë xanucamaribi cuënxun axa baísquicë xanu atu ismiacëxa.

Romanos 12:7

Nun uni raíri ꞌaquinun an ꞌimicë ꞌixun cananuna upí oquin ꞌaquinti ꞌain. Aín bana unicama ꞌunánminun an ꞌimicë ꞌixun cananuna upí oquin unicama ꞌunánmiti ꞌain.

1 Corintios 10:10

Usaribitia a unicama raírinëx a ñui ꞌatimati banaia ca Nucën Papa Diosan cëñúmiacëxa. A unicama ꞌiásaribiti cananuna Nucën Papa Dios ñui ꞌatimati banatima ꞌain.

2 Corintios 11:22

¿Atúxëshi cara hebreo banan banacë uni ꞌic? ꞌËxribi cana usaribi ꞌain. ¿Atúxëshi cara Israelnën rëbúnqui ꞌic? ꞌËxribi cana usaribi ꞌain. ¿Atúxëshi cara Abrahamnën rëbúnqui ꞌic? ꞌËxribi cana usaribi ꞌain.

Deuteronomio 26:12

Usa ꞌain ka Moisésnën Israelkama usaía ꞌiti bana ñuixunkin katëkëankëxa: Achúshi achúshi bari ꞌikëbëtan kamina mitsun ñu ꞌapákë tsinasatia bimikë a bixun kamaira ꞌinankimabi Dios achúshi achúshi unin ami ꞌinánkë këñúkëbëtan ꞌinánti ꞌikën, ꞌaínbi kamina uínsaran kara rabë́ ꞌimainun achúshi baritia ꞌia anun ñuñuma unikama ꞌianan levita, ꞌimainun mitsubë tsókë bëtsi menu ꞌikë uni, papañuma tuá xanu raëmëkë akamabi ꞌinánti ꞌain, ax ka uinu ꞌikë ëmanu kara ꞌia anuxunbia atun piti ꞌiti ꞌikën,

Filipenses 3:5

ꞌËx mëcën achúshi ꞌimainun rabë́ ꞌimainun achúshi nëtë ꞌicë ca judíos unin bëchicë ꞌicë ꞌë ꞌunántiocëxa. Usa ꞌaish cana Benjamínën rëbúnqui ꞌaish ꞌën aintsi ꞌicësaribiti hebreo banan banain, ꞌën papa ꞌën tita ꞌicësaribiti. Usa ꞌaish cana ꞌëx Moisésnën cuënëo bana fariseo unicaman ꞌunánmicësabi oi ꞌiacën.

1 Timoteo 5:3

Casunamëcë xanucama camina an ñu ꞌaquinti ꞌaíma ꞌain, ꞌaquinti ꞌain.

1 Timoteo 5:9

An ñu ꞌaquintia ꞌaíma ꞌain ca xanu casunamëcë, axa Jesucristomi catamëcë unicaman ꞌaquinti ꞌicën. ꞌAquincëxun ca atúinshia ñu ꞌaxunun caínquinma, anribi axa Jesucristomi catamëcë unicama ꞌaquinti ꞌicën. Usaquian ꞌanun aín anë quiricanu ꞌacë xanu, ax ca sesenta baritiañuma pan ꞌitima ꞌicën. Casunamëcëma ꞌaish achúshi bënëñuishi ꞌiá ca ꞌiti ꞌicën.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

Santiago 5:9

ꞌËn xucë́antu, Nucën Papa Diosan anun camabi uni aín nuitu ꞌunánquin uisoquin cara ñu ꞌaxa quixun isti nëtë ꞌurama ꞌain, camina mitsúxmi an ꞌuchocëma ꞌinun, uni raíribë ñuianani nishanantima ꞌain.