Hechos 5:38 - Kashibo-Kakataibo Biblia

³⁸ Usai ꞌia sinánquin cana mitsu cain, ënë unicama camina isëshiti ꞌicanin. Anbi sináncë banaishi uni ñuixuncë ꞌaish ca ñancáishi ꞌiti ꞌicën.

Nukën 'Ibu Diosan ain unikama 'inan ain bana

³⁸ Usai 'ia sinánquin cana mitsu cain, ënë unicama camina isëshiti 'icanin. Anbi sináncë banaishi uni ñuixuncë 'aish ca ñancáishi 'iti 'icën.

Hechos 5:38 ပူးပေါင်းရင်းမြစ်များ

Nehemías 4:15

Usai nu ꞌakatsikia kuati mëníokakë ꞌain ka axa numi nishkë unikamax asérabi ka nu Diosan atun ꞌakinia, usa ꞌain kananuna nun sinánkësokin ꞌatima ꞌai, atux kikëbëtan kananuna abi nun tëëti ënkinma ꞌakën.

Mateo 15:13

Cacëxun ca Jeususan cacëxa: —Uicamax cara Nucën Papa Dios naínu ꞌicë an ainan ꞌimicëma ꞌicë, acamax ca asérabi ainanma ꞌaish abëma ꞌiti ꞌicën, aín tapúncëñunbi ëchícëxa i ꞌicësaribiti ñancáishi ꞌiti ꞌicën.

Marcos 11:30

¿Uin cara Juan unicama nashiminun cacëx? ¿Nucën Papa Diosan cara cacëx? ¿Unin cara usaquian ꞌanun cacëx? Ca ꞌë ñuixun.

Juan 11:48

Nun nu an usoquin ñu ꞌaia isëshicëbëtanbi ca camabi unin ami catamëquin aín bana cuati ꞌicën. Usocëbë uxun ca Romanu ꞌicë unin anuxun nun Nucën Papa Dios rabiti xubu rurupanan nu bëtsi bëtsi oquin nun aintsicamaribi bëtsi bëtsi nëtënua cuanun tsuáquirumiti ꞌicën.

Hechos 5:35

Cacëxuan chiquíncëbëtan ca ësoquin ꞌapucama cacëxa: —Israel unicama, ënë unicama ꞌanuxun camina upí oquin pain sinánti ꞌain.

1 Corintios 3:19

Abia unin sináncë bana ax ca Nucën Papa Diosan iscëx ñancáishi ꞌicën. Nucën Papa Diosan bana aín unin cuënëo, ax ca ësai quia: “Ui unin cara bëtsi uni parania, a uni ca Nucën Papa Diosan ꞌamicëxun bëtsi unínribi usaribi oquin cupiti ꞌicën”.