Hechos 5:26 - Kashibo-Kakataibo Biblia

²⁶ Ësoquin cacëx cuanxun ca policíacamabëtan aín cushin, anuxun Nucën Papa Dios rabiti xubunu atsínxun, bana unicama ñuixuniabi a unicama biacëxa. Bixunbi ca unicaman maxaxan ꞌati sinani racuë́quin, mëëquinma anua judíos cushicaman ꞌapucama timë́cë anu upí oxuinshi buáncëxa.

Nukën 'Ibu Diosan ain unikama 'inan ain bana

²⁶ Ësoquin cacëx cuanxun ca policíacamabëtan aín cushin, anuxun Nucën Papa Dios rabiti xubunu atsínxun, bana unicama ñuixuniabi a unicama biacëxa. Bixunbi ca unicaman maxaxan 'ati sinani racuë́quin, mëëquinma anua judíos cushicaman 'apucama timë́cë anu upí oxuinshi buáncëxa.

Hechos 5:26 ပူးပေါင်းရင်းမြစ်များ

Mateo 14:5

Aín unicaman Juan ꞌanun ꞌamitisa tanquinbi ca camabi unían —Juan an ca Nucën Papa Dios quicë bana nu ñuixunia —quixun sináncë ꞌain —ꞌëmima nishcania —quixun sinánquin ꞌamiama ꞌicën.

Mateo 21:26

Nun nu —unían unicama nashiminun cacë ca Juan ꞌiacëxa —quixun cati, ꞌaíshbi cananuna ꞌapuma unicamami racuëtin. Acaman ca aín bana cuaquin —Nucën Papa Diosan ca asérabi aín bana unicama ñuixunun quixun Juan xuacëxa —quixun sinania.

Mateo 26:5

ꞌËsë́nani ca quicancëxa: —Unicamaxma anun rabanan nëëti tsuáquiruia, usa ꞌain cananuna anun carnero ꞌati nëtën bitima ꞌain.

Mateo 26:58

Jesúsa buántamainun ca ꞌuránxun nuibiantancëx Pedro a xubu rapasu me mëníocënu bërúax suntárucamabë tsoócëxa, uisa cara oia quixun iscatsi quiax.

Lucas 20:19

An naë bërúancë unicama ñuicëbë ca an Moisésnën cuënëo bana ꞌunáncë unicama ꞌimainun judíos sacerdotecamax atubi ñui isa quia quixun ꞌunani Jesúsmi nishacëxa. Nishquin ꞌatimonuxun biisa tanquinbi ca —ꞌitsa unin ca aín bana cuatia, usa ꞌain ca a unicamax numi nishti ꞌicë —quixun sinani atumi racuë́quin biama ꞌicën.

Lucas 20:6

Nun nu, unían unicama nashiminun cacë ca Juan ꞌiacëxa quixun cati, ꞌaínbi ca ꞌapuma unicaman nu maxaxan ꞌati ꞌicën. Acaman ca aín bana cuaquin, Nucën Papa Diosan ca asérabi aín bana unicama ñuixunun quixun Juan xuacëxa quixun sinania.

Lucas 22:2

ca judíos sacerdotenën cushicama ꞌimainun an Moisésnën cuënëo bana ꞌunáncë unicama Jesús ꞌacatsi quixun sinanibi —ꞌapuma unicamax ca aín bana cuacë ꞌaish numi nishti ꞌicë —quixun sinani atumi racuë́quin uisoxun ꞌati cara quixun sinani ꞌësë́nancëxa.

Lucas 22:4

Usai ꞌiquian cuanxun ca ñunshin ꞌatimanën ꞌapun sinánmicëx judíos sacerdotenën cushicama ꞌimainun anuxun Nucën Papa Dios rabiti xubunu ꞌicë suntárucamabë ꞌësë́nanquin —ꞌën cana Jesús mitsu ꞌinánti ꞌai —quixun cacëxa.

Hechos 4:21

Usaquin cacëxun ca ꞌapucaman castícainsa tanquinbi, atun uni pëxcucë cupía unicaman Nucën Papa Dios rabicëbëtan ꞌama ꞌicën. Usa ꞌixun ca —ñuixuntëcënia caranuna mitsu uisoti ꞌai —quixuinshi catancëxun cuantánun ëancëxa.

Hechos 5:13

Anu timë́axa ꞌicëbëbi ca ami racuëti uni raíri atubë ꞌiáma ꞌicën. ꞌIquinmabi ca —atux ca atun nuitu asérabi upí ꞌicë —quixun sináncëxa.

Hechos 5:22

Xucëx cuanxunbi ca policíacaman sipunua mëráma ꞌicën. Usobëtsini utëcënxun

Hechos 5:24

Policía quia cuati ca sacerdotenën cushicaman ꞌapu ꞌimainun anuxun Nucën Papa Dios rabiti xubunu ꞌicë guardianën ꞌapu ꞌimainun sacerdotenën cushicamax ratuti canancëxa: —¿Uisashi oquin cara ënë unin nu sináncasmamiti ꞌic?

Hechos 5:25

Usai ꞌia ca uni achúshinën uxun cacëxa: —Minmi sipuoncë unicaman ca anuxun Nucën Papa Dios rabiti xubunuxun unicama bana ñuixunia.