Hechos 5:20 - Kashibo-Kakataibo Biblia

²⁰ —Anuxun Nucën Papa Dios rabiti xubunu cuanxun camina Jesúsmi catamëcë ꞌaish ca uni Nucën Papa Diosnan ꞌiti ꞌicë quicë bana unicama ñuixunti ꞌain.

Nukën 'Ibu Diosan ain unikama 'inan ain bana

²⁰ —Anuxun Nucën Papa Dios rabiti xubunu cuanxun camina Jesúsmi catamëcë 'aish ca uni Nucën Papa Diosnan 'iti 'icë quicë bana unicama ñuixunti 'ain.

Hechos 5:20 ပူးပေါင်းရင်းမြစ်များ

Éxodo 24:3

Ësakin Diosan kakëx kuanxun ka Moisésnën kamabi Israel unikama Nukën ꞌIbu kakë banakama ñuixuankëxa: —Ñuixunkëx ka asábi ka usa ꞌain kananuna kamaxunbi Nukën ꞌIbun kikësabiokin ꞌati ꞌain, kiax kikankëxa.

Isaías 58:1

Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Jeremías 26:2

ësokin kakëxa: “Anuxun ꞌë rabiti ꞌën xubunu ꞌikë me mëníokë anu nirakëxun, kamina ꞌën mi kakë banakama axa Judá menu ꞌikë ëmakamanuax anuxun ꞌë rabiti ꞌën xubunu ukë unikama kati ꞌain. Kakin kamina kamabi ꞌën mi kakë banakama a ñuixunkin tëokima kati ꞌain.

Jeremías 36:10

Usai anu ꞌikankë ꞌain ka anuxun Dios rabiti xubu ꞌukëmëu me mëníokë anun kuanx xëpúti ió kakë anun atsínti anua Israel uni Safán suntárunën kushi aín bëchikë Guemarías ax kirika kuënëoi tëkë manámi anu atsíankëxa, anuxun ka Barucnën kamabi unikaman kuanun kirika tarankënua Jeremíasnën kakëxun kuënëokë banakama a isnun ꞌai kiakëxa.

Jeremías 7:2

Anun ꞌë rabi atsínti anu kuantankëx nirakëkin kamina ꞌëx kikë ënë banakama unikama ñuixunti ꞌain: Kamabi Judá menu ꞌikë unikama axa Dios rabi ënë xëpútikaman atsínkë mitsun kamina ënë bana kuati ꞌain.

Ezequiel 33:7

ꞌËn kana an bërúankë unisa ꞌixunmi Israel unikama bërúanun mi ꞌimian. Usa ꞌixun kamina ꞌën kakë banakama kuantankëxun min unikama ñuixunti ꞌain.

Mateo 10:27

ꞌËn mitsu imë́ribi cacë banacama camina camabi unían cuanun ñuiti ꞌain. Ñuianan camina mitsun xubunuxun ꞌën mitsu cacëcamaribi camabi unían cuanun ëmánxun ñuiti ꞌain.

Mateo 21:23

Jerusalénuxun ca Jesusan anuxun Nucën Papa Dios rabiti xubunu atsínxun anu ꞌicë unicama ꞌunánmiacëxa. ꞌUnánmia ca judíos sacerdotenën cushicama ꞌimainun ampan caniacëcë unicaman anu cuanxun ñucáquin Jesús cacëxa: —¿Uin banan caramina min usa ñu ꞌain? ¿Uin cara ësoquinmi ñu ꞌanun mi cax?

Juan 12:50

ꞌËn cana ꞌunanin, an ꞌë cacë bana ax ca anúan uni ainan ꞌaish Nucën Papa Diosbë nëtë́timoi ꞌiti a ꞌicën. Usaquin ꞌunánxun cana ꞌën Papan ꞌë cacësabi oquin bana ñuin.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 18:20

Ñucácëxun ca Jesusan cacëxa: —ꞌËn cana camabi unían cuamainun, anua judíos unicama timë́cë xubucamanuxun ñuixuanan anuxun Nucën Papa Dios rabiti xubu anua judíos unicama timë́cë, anuxunribi unë́quinma unicama bana ñuixuan.

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Juan 6:68

Quixuan cacëxun ca Pedronën cacëxa: —¿Ui uninu caranuna aín bana cuanux cuanti ꞌain? Minshi camina anun nu Nucën Papa Diosbë nëtë́timoi ꞌiti bana nu ñuixunin.

Hechos 11:14

Bëcëx uxun ca uisai caramina min xubunu ꞌicë camabëbi Nucën Papa Diosnan ꞌaish abë ꞌinux ië́ti ꞌai quixun mi cati ꞌicën.

Hechos 13:26

ꞌËn xucë́antu, mitsúxmi Abrahamnën rëbúnqui ꞌaish raírinëx an Nucën Papa Diosan bana sináncë ꞌicë cana mitsu cain, Jesucristomi catamëti ca uni aín ꞌucha tërë́ncë ꞌaish Nucën Papa Diosnan ꞌiti ꞌicë quiáxa quicë bana, ënëx ca mitsúnribimi cuati ꞌicën.