Hechos 5:2 - Kashibo-Kakataibo Biblia

² Bixunbi ca aín xanúan ꞌunáncëbi, naë cupí bicë curíqui mësú ainanbi ꞌinun nanan acamaishi isa biaxa quixun paránquin mësúishi buánxun Jesusan caíscë unicama ꞌináncëxa.

Nukën 'Ibu Diosan ain unikama 'inan ain bana

² Bixunbi ca aín xanúan 'unáncëbi, naë cupí bicë curíqui mësú ainanbi 'inun nanan acamaishi isa biaxa quixun paránquin mësúishi buánxun Jesusan caíscë unicama 'ináncëxa.

Hechos 5:2 ပူးပေါင်းရင်းမြစ်များ

Malaquías 1:14

¡Usa ꞌain ka ꞌatima okë ꞌiti ꞌikë uni an ꞌë paránkin aín ꞌarakakë ñuina upí ꞌaxunkatsi kixun sinánxunbi aín ñuina ꞌatimakë xaroxunkë a uni ax ꞌiti ꞌikën! ꞌËx kana ꞌapuira a ꞌain, usa ꞌain ka kamabi menu ꞌikë unikama ꞌëmi rakuë́tia.” Ësai ka Dios kamabi kushiñuira ax kiaxa.

Mateo 23:5

Añu ñu cara ꞌaia a ꞌaquin ca unicaman axira isa upí ꞌicë quixun sinánquinsa unin a rabinun quixun ꞌaia. ꞌAnan ca bëtsi unisama isa ax ꞌicë quixuan camabi unin isnun quixun chupa aín cuëbí chooquin cuëcápuncë pañuia. Pañuanan ca cuënëo bana aín bëmánanu ꞌanan aín pëñan mëmiu tëcërëcaia, a unicamax ca a bana cuacë ꞌicë quixuan unin sinánun quixun.

Juan 12:6

Asérabi ñuñuma unicama nuibati sinani ca usai Judas quiáma ꞌicën. Ax an curíqui mëcamacë uni ꞌixun, anua Jesusan aín ꞌunánmicë unicamabëtan curíqui ꞌarucë burasa bërúanquin, anua curíqui mëcamacë ꞌaish ca usai quiacëxa.

Hechos 2:44

Usomainun ca axa —asérabi ca Jesusan cushínbi ñu ꞌaia —quixun sinani Jesucristomi catamëcë unicamax bëtsibë bëtsibë nuibanani camáxbi ñuñu ꞌinux atun ñu ꞌinánani ꞌaquianancëxa.

Hechos 4:37

Usa ꞌixun ca Bernabénën aín naë maruxun curíqui bixun bëxun Jesusan caíscë unicama ꞌináncëxa.

Hechos 5:1

Usa ꞌaínbi ca bëtsi uni, Ananías cacë, aín xanu, Safira cacë, abëtan aín naë maruquin curíqui biacëxa.

Hechos 5:3

ꞌInania ca Pedronën cacëxa: —Ananías, ¿uisacasquin cara ñumshin ꞌatimanën ꞌapu, Satanás, an ꞌibuaquin, Nucën Papa Diosan Bëru Ñunshin Upí paráncësa ꞌixunmi me cupími bicë curíqui mësú binun mi sinánmiax?

Hechos 5:8

Atsinia ca Pedronën cacëxa: —ꞌË ca ñuixun. ¿Min me cupí caramina ënë curíquicamaishi bian? Cacëxun ca xanun cacëxa: —Usa ca aín cupí ꞌiaxa, ashi cananuna bian.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

1 Timoteo 6:10

Axa ñuñu ꞌianan ꞌaisamaira curíquiñu ꞌiti cuëëncë uni an ca masáquin sinan sinánquin, uisa ñu cara upíma ꞌicë abi ꞌaisama sinánñu ꞌixun ꞌaia. Usa ꞌain ca raíri unin Jesucristomi sináncë ꞌixunbi ꞌaisamaira ñu biti cuëënquin, Jesucristo manubianxun ñu ꞌaisama ꞌaia. Usa ꞌaish ca masá nuituti nitsia.