Hechos 5:16 - Kashibo-Kakataibo Biblia

¹⁶ Usomainun ca Jerusalén ꞌurama ꞌicë ëmanu ꞌicë unicamanribi uni ꞌinsíncë ꞌimainun uni ñumshin ꞌatimañu a camabi bëacëxa. Bëcëx ca pëxcúcancëxa.

Nukën 'Ibu Diosan ain unikama 'inan ain bana

¹⁶ Usomainun ca Jerusalén 'urama 'icë ëmanu 'icë unicamanribi uni 'insíncë 'imainun uni ñumshin 'atimañu a camabi bëacëxa. Bëcëx ca pëxcúcancëxa.

Hechos 5:16 ပူးပေါင်းရင်းမြစ်များ

Mateo 2:16

Usa ꞌain ca —an ñu ꞌunáncë unicaman ca ꞌë paránxa —quiax Herodes ꞌaisamairai nishacëxa. Nishquin ca an ñu ꞌunáncë unin ñuicë bana sinánquin Jesús isa rabë́ baritia aín bacë́ncë ꞌicë quixun sináncëxa. Sinánxun ca aín uni xuacëxa, camabi Belénu ꞌicë rabë́ baritiañu bëbu tuácama ꞌanan rabë́ baritiañuma bëbu tuácamaribi ꞌabianxun a ꞌurama ꞌicë ëmacamanuaribi bariquin cëñunun quixun.

Mateo 4:24

Usoquian ꞌaia Jesús chanioia cuaquin ca Siria nëtënu ꞌicë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama ꞌimainun ñunshin ꞌatimanën ꞌibuacë unicama ꞌimainun uni ñucë nirucuainquinbi tancëma, ꞌimainun aín nami nimëti saquiquicë acama anu buáncëxun ca Jesusan pëxcüacëxa.

Mateo 8:16

A nëtë́nbi ca bari cuabúcëbëa bëbáquishbucëbëtan a ëmanu ꞌicë unicaman ñunshin ꞌatimañu unicama an pëxcunun Jesúsnu bëacëxa. Bëia ca Jesusan aín banáinshi ñunshin ꞌatimacama uninua chiquíanan uni ñucëcamaribi pëxcüacëxa.

Lucas 5:17

Nëtë itsían xubunuxun Jesusan bana ñuixuncëbë ca fariseo unicama ꞌimainun an Moisésnën cuënëo bana uni ꞌunánmicë unicamaribi anu tsócë ꞌiacëxa. Acamax ca Galilea menu ꞌicë ëmacama ꞌimainun Judea menu ꞌicë ëmacama ꞌimainun Jerusalénuaxribi ricuatsincë ꞌiacëxa. Usa ꞌain ca bana ñuixuanan ꞌinsíncë unicama pëxcunun Nucën Papa Diosan cushiocë Jesús ꞌiacëxa.

Lucas 6:18

Acamaxa Jesusan bana ñuia cuati timëcamëꞌëomainun ca ꞌinsíncë unicamaxribi Jesusan pëxcunun quiax uacëxa. Timëtia pëxcüanan ca Jesusan ñunshin ꞌatimanën ubíocë unicamaribi pëxcüacëxa.

Lucas 9:11

Usa ꞌain ca —anu ca Jesús ꞌicë —quixuan chanioia cuabiani, a nuibiani cuanx ꞌaisamaira uni anua Jesús ꞌicë anu cuancëxa. Usaía ꞌitsa uni riquiania ca Jesusan acama nuibaquin, Nucën Papa Diosan ca axa ꞌëmi catamëcë unicama ainan ꞌimiti ꞌicë quixun ñuixuancëxa. Ñuixuanan ca ꞌinsíncë unicama pëxcüacëxa.

Juan 14:12

Asérabi cana ꞌën mitsu cain, ꞌëx Nucën Papa Diosnu cuancë cupí ca axa ꞌëmi catamëcë uni, an ꞌën ꞌacë ñuribi ꞌati ꞌicën, ꞌanan ca ꞌën ꞌacësamaira oquin ñu ꞌati ꞌicën.

Hechos 4:30

ꞌAquianan camina min Bëchicë upíira sinánñu, Jesús, aín cushin, uni ꞌinsíncë pëxcüanan uni itsin ꞌacëma ñu ꞌanun nu ꞌamiti ꞌain.

Hechos 5:15

Usa ꞌain ca camabi unin, uni ꞌinsíncëcama aín bacë́tinën bëxun bëxun, anúan Pedro uti bainu nancëxa, Pedro cuaíncëbëtan aín tupë́oncëinshi pëxcúnun quixun.

Hechos 5:17

ꞌAisamaira uni Jesúsmi sinania isi ca judíos sacerdotenën cushicaman ꞌapu ꞌimainun abë ꞌicë saduceo unicama nishacëxa.

1 Corintios 12:9

Nucën Papa Diosan ca aín Bëru Ñunshin Upitan ꞌimicëxuan uni raírin ami catamëquin —Nucën Papa Diosan ca asérabi ꞌë ꞌaquinia —quixun ꞌunánquin upí ñu ꞌanun ꞌamia. ꞌAmianan ca aín Bëru Ñunshin Upitan ꞌamicëxuan bëtsi bëtsi unin uni ꞌinsíncë pëxcunun quixun ꞌamia.

Santiago 5:16

Usa ꞌain camina mitsúnmi min ꞌatimaquin sináncë a ñuixuananquin abëmi Jesucristomi catamëcë uni raíribë mia usa ñucama mëníoxunun Nucën Papa Dios ñucáxuananti ꞌain. Upíira oquin sinánquin ñucácë cupí ca Nucën Papa Diosan upí oquin uni ꞌaquinti ꞌicën.