Hechos 5:14 - Kashibo-Kakataibo Biblia

¹⁴ Usaía ꞌimainun ca bëtsi unicamaxribi ꞌitsaira, xanubëbi bëbucamaxribi Nucën ꞌIbu Jesúsmi catamëacëxa.

Nukën 'Ibu Diosan ain unikama 'inan ain bana

¹⁴ Usaía 'imainun ca bëtsi unicamaxribi 'itsaira, xanubëbi bëbucamaxribi Nucën 'Ibu Jesúsmi catamëacëxa.

Hechos 5:14 ပူးပေါင်းရင်းမြစ်များ

2 Samuel 6:19

usai kia David sënë́nkëbëtan ka kamabi israel uni bëbu ꞌimainun xanukamanribi pán harina akë a ꞌimainun cha okían batokin ꞌakë akama këñun nami xuikë tëxëkë akama ꞌimainun uvas ëskakë akamabi mëtikanankëxa. Usakin ꞌatankëx ka kamáxbi atun xubunu rikiankëxa.

Nehemías 8:2

Anúan mapai achúshi ꞌimainun rabë́ ꞌuxë ax achúshi nëtë ꞌitabati ꞌirukë anun ka sacerdote Esdrasnën anúan usai Israel unikama ꞌiti kuënëo a kirikanua kuënëo bana kamabi unibëbia xanukama ꞌimainun tuá xumabu an bana kuakë akamanbia uisai kara kia kuati bëakëxa;

Isaías 45:24

kiti ꞌikën: Nukën ꞌIbun ka ax kushiira ꞌixun kamabi axa ami nishkë unikama ꞌati ꞌikën. Usa ꞌain ka uikamax kara ꞌëmi nishi ꞌë istisama tania akamami uni kuaiti ꞌikën.

Hechos 11:24

Ax upí nuituñu ꞌianan Jesucristomi catamëcë ꞌaish Nucën Papa Diosan Bëru Ñumshin Upíñu ꞌixuan Bernabénën usaquin cacëxun cuati ca ꞌitsaira uni Nucën ꞌIbu Jesúsmi catamëacëxa.

Hechos 2:41

Usaquian Pedronën cacëxun cuaquin ca ꞌitsa unin —asérabi ca a bana ꞌicë —quixun sináncëxa. Sinani ca a nëtë́nbi nashimicë ꞌaish tres mil uniribishi axa Jesúsmi sináncë unicamabë ꞌiacëxa.

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Hechos 22:4

Usa ꞌixun cana axa Jesucristomi sináncë unicama bëtsi bëtsi ocën. Bëtsi bëtsi oquin ꞌanan cana bëbu ꞌimainun xanuribi nëaxun tëmëramianan sipuanuxun buáncën.

Hechos 4:4

Usa ꞌaínbi ca an a ñuiquin bana ñuixuncëxun cuati Jesúsmi catamëcë unicamax ꞌitsaira ꞌiacëxa. Acamax ca xanucëñunma nucë bënëcamaishi tupúncëx cinco milsa ꞌiacëxa.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

Hechos 8:12

Usa ꞌaínbi ca Felipenën —Jesucristomi catamëti ca uni Nucën Papa Diosnan ꞌiti ꞌicë —quixun ñuixuncëxun cuati —a banax ca asérabi ꞌicë —quixun sinani ꞌitsa uni ꞌimainun ꞌitsa xanuribi nashimicë ꞌiacëxa.

Hechos 8:3

Usa ꞌain ca Saulonën Jesucristomi catamëcë unicama cëñutisa tanquin xubucama oi atsínquin bëbu ꞌimainun xanuribi nirínbianquin sipuanuxun buáncëxa.

Hechos 9:2

—Damasco ëmanuaxa ax Jesúsmi catamëcë unicama ꞌimainun xanucamaribi bixun nëaxun, Jerusalénu bënun camina quirica ꞌaxun ꞌë ꞌinánti ꞌain. ꞌInáncëxun cana Damasconu cuanxun anua judíos unicama timë́ti xubucamanu cuanquin atu bariti ꞌain.

Hechos 9:31

Usa ꞌain ca Judea menu ꞌimainun Galilea menu ꞌimainun Samaria menuribi, axa Jesucristomi catamëcë unicama uínbi ubíocëma ꞌaish chuámarua bucüacëxa, usai ꞌi ca Jesucristomi catamëti ꞌitsarui cushiacëxa. Usaía ꞌicëbë ca raíri uniribi abë timëti Nucën ꞌIbu Diosan bana upí oquin cuati, aín Bëru Ñumshin Upitan ꞌaquincëx ꞌitsarui Jesúsmi sináncëxa.

Hechos 9:35

Usai ꞌiáxa Eneas nitsia isi ca Lida ëma ꞌimainun Sarona menu ꞌicë unicama, usama ꞌaíshbi sinanati Nucën ꞌIbu Jesucristomi catamëacëxa.

Hechos 9:42

Usoquin ꞌacëa cuacoia ca camabi unin Jope ëmanuxun cuacëxa. Cuati ca ꞌitsa uni Nucën ꞌIbu Jesúsmi sinani ami catamëacëxa.

2 Corintios 6:15

¿Cristonën cara ñunshin ꞌatimanën ꞌapúan sináncësa oquin sinanin? Usaquin ca sinaníma. ¿Axa Cristomi catamëcë unin cara axa Cristomi catamëcëma unin sináncësaribi oquin sinanin? Usaquin ca sinaníma.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.