Hechos 5:13 - Kashibo-Kakataibo Biblia

¹³ Anu timë́axa ꞌicëbëbi ca ami racuëti uni raíri atubë ꞌiáma ꞌicën. ꞌIquinmabi ca —atux ca atun nuitu asérabi upí ꞌicë —quixun sináncëxa.

Nukën 'Ibu Diosan ain unikama 'inan ain bana

¹³ Anu timë́axa 'icëbëbi ca ami racuëti uni raíri atubë 'iáma 'icën. 'Iquinmabi ca —atux ca atun nuitu asérabi upí 'icë —quixun sináncëxa.

Hechos 5:13 ပူးပေါင်းရင်းမြစ်များ

1 Reyes 17:18

Usaia aín tuá ꞌian ka kasunamëkë xanu an ësokin Elías kakëxa: —¿Añu karana ꞌën mixmi Diosan uni ꞌain, mibëtan ꞌati ꞌain? ¿Mix kaina ꞌën ꞌucha kupín ꞌuchañu kamina ꞌai ꞌë kakin ꞌën tuá ñumiti kupín ënu uan?

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Lucas 19:48

Usai ꞌësë́nanquinbi ca ꞌapuma unicama aín bana cuati ami sináncë ꞌain uisoxun ꞌati cara quiax sináncasmacëxa.

Juan 12:42

Usa ꞌaínbi ca ꞌitsaira judíos uni ꞌimainun aín ꞌapu raírinënribi Jesús, ax ca Cristo, axa utia atun caíncë, a ꞌicë quixun sináncëxa. Atun nuitu mëu usaquin sinaníbi ca chiquiracëti banama ꞌicën, fariseo unicamami racuëti —atun sapi ca anua judíos unicama timë́ti xubunu nu atsínmitëcëntima ꞌicë —quixun sinani.

Juan 19:38

Arimatea ëmanu ꞌicë uni, José, an ca Jesusan bana cuacë ꞌixunbi judíos unicamami racuë́quin uíbi —ꞌëx cana Jesusan bana cuacë ꞌai —quixun cáma ꞌicën. Usa ꞌixun ca bamacë Jesús buántisa tanquin Piláto —¿asábi cara ꞌiti ꞌic? —quixun ñucácëxa. Ñucácëxun ca Pilátonën, —asábi ca, ca buántan —quixun cacëxa. Cacëxun ca bamacë bibianquin Jesús buáncëxa.

Juan 9:22

Judíos unicamaxa bëráma ꞌësënani —uinu ꞌicë unin cara, Jesús ax ca Cristo, ax utia judíos unicaman caíncë, a ꞌicë quixun ñuia, ax ca anua judíos unicama timë́ti xubunua atsíntëcëntima oquin chiquíncë ꞌiti ꞌicë —quia ꞌunánxun ca usoquin cacëxa.

Hechos 19:17

Usoquian ꞌacëa ñuia ca Efesonu ꞌicë judíos unicama ꞌimainun judíosma unicamanribi cuacëxa. Cuati racuë́quin ca: —Nucën ꞌIbu Jesús, ax ca cushiira ꞌicë —quiquin a rabiacëxa.

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Hechos 4:21

Usaquin cacëxun ca ꞌapucaman castícainsa tanquinbi, atun uni pëxcucë cupía unicaman Nucën Papa Dios rabicëbëtan ꞌama ꞌicën. Usa ꞌixun ca —ñuixuntëcënia caranuna mitsu uisoti ꞌai —quixuinshi catancëxun cuantánun ëancëxa.

Hechos 5:26

Ësoquin cacëx cuanxun ca policíacamabëtan aín cushin, anuxun Nucën Papa Dios rabiti xubunu atsínxun, bana unicama ñuixuniabi a unicama biacëxa. Bixunbi ca unicaman maxaxan ꞌati sinani racuë́quin, mëëquinma anua judíos cushicaman ꞌapucama timë́cë anu upí oxuinshi buáncëxa.

Hechos 5:5

Ësai quia cuatishi ca Ananías nipacëti bamacëxa. An usai bamacë ñuicania cuacë unicamax ca racuë́iracëxa.

2 Corintios 10:15

Bëtsi unin ꞌaquincë cupía uni Jesucristomi sinania cananuna —ꞌën bana ñuixuncë cupíshi ca usai ꞌiaxa —quixun caiman. Usa ꞌaínbi cananuna mitsúnmi Cristomi catamëquin ënquinma ax quicësabi oquin ꞌacë cupí, aín bana mitsu ꞌunánmitëcëni cuainsa tanin, Nucën Papa Dios cuëëncëbë.