Hechos 5:12 - Kashibo-Kakataibo Biblia

¹² Usa ꞌain ca Jerusalénu ꞌicë unicaman, ax ca atubë ꞌicë quixun ꞌunánun Nucën Papa Diosan ꞌamicëxun, Jesusan caíscë unicaman uni itsin ꞌacëma ñu ꞌacëxa. Usocëbë ca axa Jesúsmi catamëcë unicamax Salomón cacë anun uni nicë, anubi ꞌi anuxun Nucën Papa Dios rabiti xubunu camabi nëtën timë́acëxa.

Nukën 'Ibu Diosan ain unikama 'inan ain bana

¹² Usa 'ain ca Jerusalénu 'icë unicaman, ax ca atubë 'icë quixun 'unánun Nucën Papa Diosan 'amicëxun, Jesusan caíscë unicaman uni itsin 'acëma ñu 'acëxa. Usocëbë ca axa Jesúsmi catamëcë unicamax Salomón cacë anun uni nicë, anubi 'i anuxun Nucën Papa Dios rabiti xubunu camabi nëtën timë́acëxa.

Hechos 5:12 ပူးပေါင်းရင်းမြစ်များ

Jeremías 26:9

¿Uisa ꞌaish kaina mix rakuë́timaishi Nukën ꞌIbun anë ñui anuxun a rabiti xubu ënëx ka Silónu ꞌikë ax ꞌiásaribiti ꞌiti ꞌikë, kianan ënë ëmaxribisa anu uni ꞌikëmasa ꞌitánun masókë ꞌiti ꞌikë kiax kin?” Usai kiax sënë́nkë ka kamabi unikaman anuxun Dios rabiti xubunu Jeremías bëararakankëxa.

Marcos 16:20

Usai ꞌian camabi menu cuanquin ca aín ꞌunánmicë unicaman —Nucën ꞌIbu Jesucristomi catamëti aín ꞌucha tërë́ncë ꞌaish ca uni Nucën Papa Diosnan ꞌiti ꞌicë —quixun bana ñuixuancëxa. Usaquin bana ñuixunia ca Nucën ꞌIbu Jesucristonënbi ꞌaquinquin, atúan ñuixuncë banax ca asérabi ꞌicë quixuan unin ꞌunánun, uni itsin ꞌacëma ñu ꞌamiacëxa. Ashi.

Juan 10:23

Usa ꞌain ca Jesús anuxun Nucën Papa Dios rabiti xubu amo ꞌicë, anua uni niti, Salomón cacë, anun niacëxa.

Juan 4:48

Cacëxun ca Jesusan cacëxa: —Mitsun camina ꞌën, uni itsin ꞌacëma ñu ꞌaiashi istisa tanin. ꞌËn usa ñu ꞌacëbëtanma camina, ëx cana asérabi Nucën Papa Diosnuaxa uá a ꞌai quixun sinántisama tanin.

Hechos 1:14

A unicamax ca atúxa ꞌicësabi oi ꞌi, Jesusan xucë́antu ꞌimainun aín tita María ꞌimainun bëtsi xanucamabëribi timë́ax ami sinani Nucën Papa Diosbë banacëxa.

Hechos 14:3

Usaía ꞌicancëbë ca Pablobë Bernabé anu pain atubë ꞌiacëxa. ꞌIxun ca Nucën ꞌIbu Jesúsmi catamëti racuë́quinma a ñuiquin upí oquin bana ñuixuancëxa. Ñuixuanan ca —nu nuibaquin ca Nucën Papa Diosan ainan ꞌinun nu ië́minun aín Bëchicë xuacëxa —quixun cacëxa. Usoquin an atu ñuixuncë banax ca asérabi ꞌicë quixuan camabi unin ꞌunánun ca Nucën ꞌIbu Jesusan ꞌamicëxun uni itsin ꞌacëma ñu a rabëtan ꞌacëxa.

Hechos 16:18

Usai quiquin ca ꞌitsa nëtën nu nuiacëxa. Usoquin ꞌuran ubíocëx cuainacë́quin ca Pablonën ñunshin ꞌatima cacëxa: —Jesucristonëan quimicëxun cana mi cain, ënë xanunuax ca chiquit. Quixuan cacëxëshi ca bënëtishi ñunshin ꞌatima chiquíacëxa.

Hechos 19:11

Cuacëbëtan ca Pablonën anuxun Nucën Papa Diosan ꞌamicëxun uni itsin ꞌacëma ñu ꞌacëxa.

Hechos 2:46

Camabi nëtën anuxun Nucën Papa Dios rabiti xubunu a rabinux timë́anan ca atun xubunuribi timë́xun Jesúsmi sinánquin tëcë́npaxun pán pianan bëtsi ñuribi piquianani cuëëni bëtsibë bëtsibë nuibanancëxa.

Hechos 28:9

Usocëbëa anu aia ca Pablonën a nasínua ꞌicë uni ñucëcamaribi pëxcüacëxa.

Hechos 3:11

A unin ca Pedrocëñun Juan ënquinma ꞌaracaraishiacëxa. Usa ꞌaísha anuxun Nucën Papa Dios rabiti xubu amo anun uni nicë, Salomón cacë, anu a rabë́bëbi cuania isi ca ratuti abáquiani cuanx anu timë́cancëxa.

Hechos 4:30

ꞌAquianan camina min Bëchicë upíira sinánñu, Jesús, aín cushin, uni ꞌinsíncë pëxcüanan uni itsin ꞌacëma ñu ꞌanun nu ꞌamiti ꞌain.

Hechos 9:33

A ëmanuxun ca uni achúshi, Eneas cacë, ñuá ꞌaish nirucuaínquinbi tancëma ꞌaísha ocho baritia aín anu ꞌuxtinubi racácë, a mëracëxa.

Hechos 9:40

Ismicëxun anu ꞌicë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

2 Corintios 12:12

Mitsubë ꞌixun cana tëmëraquinbi tanshiquin, Cristo ñuiquin bana ñuixuanan, uni itsin ꞌacëma ñu ꞌacën. ꞌËn ꞌaia isquin camina, ꞌëx cana asérabi Nucën Papa Diosan aín bana ñuixunun caíscë ꞌai quixun ꞌunancën.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.