Hechos 4:34 - Kashibo-Kakataibo Biblia

³⁴ Uinu ꞌicë uníxbi ca anun aín piti aín chupa marutiñuma ꞌiáma ꞌicën. Naëñu unicaman atun naë marumainun ca xubuñu unicamanribi atun xubu maruacëxa.

Nukën 'Ibu Diosan ain unikama 'inan ain bana

³⁴ Uinu 'icë uníxbi ca anun aín piti aín chupa marutiñuma 'iáma 'icën. Naëñu unicaman atun naë marumainun ca xubuñu unicamanribi atun xubu maruacëxa.

Hechos 4:34 ပူးပေါင်းရင်းမြစ်များ

Mateo 19:21

Cacëxun ca Jesusan cacëxa: —Mix Nucën Papa Dios cuëëncësabi oi ꞌiisa tanquin camina cuanxun min ñucama maruquin curíqui bixun ñuñuma unicama ꞌinánti ꞌain. Usotancëx camina mix ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Marcos 10:21

Cacëxun ca Jesúsan a isquin nuibaquin cacëxa: —Usari camina ꞌin. ꞌIxunbi camina achúshi ñuishi ꞌacëma ꞌain. Ca cuantan. Cuanxun camina min ñucama maruquin curíqui bixun ñuñuma unicama ꞌinánti ꞌain. Usotancëx camina ñuñushi ꞌiti sinanima ꞌëmi sinani ꞌënan cupí bamanuxbi ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Lucas 12:33

Mitsun ñu maruquin curíqui bixun camina ñuñuma uni ꞌinánti ꞌain. Ënë nëtënuaxa ꞌicësai ca Nucën Papa Diosan nëtë naínu ꞌicë ñucamax ꞌatimati cëñutíma, an ñu mëcamacë uni ca ꞌaíma ꞌicën, ꞌimainun ca an cëñuti nacuáxbi anu ꞌaíma ꞌicën. Usa ꞌain camina mitsux ñuñushi ꞌiti sinánquinma ax cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacëcama cupíoquin chuámarua aíshmi xënibua ꞌaínbi cuëënun mitsu ꞌimiti ꞌicën.

Lucas 16:9

ꞌËn cana mitsu cain, mitsun curíqui anun camina uni itsi ꞌaquinsa ꞌicë ꞌaquinti ꞌain. ꞌAquincëx mitsubë nuibanancë ꞌianan ꞌënan ꞌaish bamatancëxun ca mitsúxribimi ꞌëbë ꞌinun, ꞌën ꞌiti anuxun mitsu caínti ꞌicën.

Lucas 22:35

Jesusan ca aín ꞌunánmicë unicama ësaquin cacëxa: —ꞌËn mitsu uni bana ñuixunun xuquin, burasa, curíqui, taxaca, acama buanima camina cuanti ꞌai quixun cacëx cuanx camina ñancáishi ꞌicëma ꞌain, ¿usa cat? Cacëxun ca —ca usa ꞌicën, ñancáishi cananuna ꞌicëma ꞌai —quixun cacëxa.

Hechos 2:45

Usai ꞌiquin ca atun ñu maruanan aín me maruxun curíqui bixun ñuñuma unicama ꞌináncëxa.

Hechos 4:37

Usa ꞌixun ca Bernabénën aín naë maruxun curíqui bixun bëxun Jesusan caíscë unicama ꞌináncëxa.

2 Corintios 8:14

Usa ꞌain camina mitsux bërí ñuñu ꞌixun ñuñuma unicama ꞌinánti ꞌain. Usaribi oquin ca atúxribi ñuñu ꞌixun mitsu ñuñuma ꞌicë ꞌinánti ꞌicën. Usai ꞌi ca camabi uni ñuñu ꞌiti ꞌicën.

1 Tesalonicenses 4:12

Usai ꞌi camina axa Jesucristomi sináncëma unicaman upí uni ꞌicë ꞌunáncë ꞌianan, ñuñumaribi ꞌicantima ꞌain.

1 Timoteo 6:19

Usoquin ꞌacë ꞌaish ca ñuñu uni ax Jesucristonën ꞌacësaribi oquin sináncë ꞌaish ënë menuxun pain Nucën Papa Dios cuëënmitancëx, bamatancëxribi xënibua ꞌaínbi chuámarua abë ꞌiti ꞌicën.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.