Hechos 4:26 - Kashibo-Kakataibo Biblia

²⁶ Nucën ꞌIbu Diosmi ꞌianan ca aín Bëchicë Jesucristomiribi ꞌi ënë menu ꞌicë ꞌapucama tsuáquiruaxa, aín tucuricucamaxribi ca ami ꞌi timë́axa.

Nukën 'Ibu Diosan ain unikama 'inan ain bana

²⁶ Nucën 'Ibu Diosmi 'ianan ca aín Bëchicë Jesucristomiribi 'i ënë menu 'icë 'apucama tsuáquiruaxa, aín tucuricucamaxribi ca ami 'i timë́axa.

Hechos 4:26 ပူးပေါင်းရင်းမြစ်များ

Salmos 2:1

¿Uisakatsi kara uni ꞌuchañukama tsuákiruax Diosmi banain? ¿Usai ꞌikin kara usokin ꞌanuxumabi uisakin ꞌati kara ñu ꞌikë kixun sinánkanin?

Salmos 2:2

Ënë menu ꞌikë ꞌapukama an bana mëníokën ka atúnbi timë́xun uisakin kara, ꞌain ꞌIbukëñun an kaískë ꞌapu ꞌati ꞌikë kixun sinánkania.

Isaías 7:7

ꞌAínbi ka Dios ësai kiaxa: ¡Atun sinánkësa okin ka uínsaranbi atun ñu ꞌatima ꞌikën!

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Lucas 4:18

Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.

Hebreos 1:9

Unían upí ñuishi ꞌati cuëëanan camina atúan ꞌaisa tancë ꞌatima ñu a cuëëncëma ꞌain. Usa ꞌicë cana ꞌëx Dios ꞌaish min Dios ꞌixun, unicama ꞌimainun ángelcamaribi ꞌacësamaira oquin, cuëëinra cuëënun mi ꞌimian.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 12:10

Usaía ꞌicëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, ꞌatimaquin ñuiquin nëtë́quinma nëtë́nbi ꞌimë́bi Nucën Papa Dios manóncë, ax ca ënua chiquíncë ꞌicën. Usa ꞌain ca bërí an aín cushínbi ainan ꞌinun uni ië́micë, Nucën Papa Dios, ainshi asérabi aín ꞌApu ꞌixun, aín unicama bërúanan Cristo atun ꞌIbu ꞌinun ꞌimiaxa.

Apocalipsis 17:17

Usaía ꞌinun ca Nucën Papa Diosan a mëcën rabë́ ꞌapucama bëtsin sináncësaribi oquían sinánun ꞌimiaxa. Nucën Papa Diosan ꞌimicëxun ca atun, anua a xanu tsócë ñuinacanꞌëon cacësabi oquin ꞌanan atúan ꞌibuacë unicama usaribi oquin ꞌanun ꞌamiaxa. Aín banacama sënë́ntamainun usai ꞌinun ca Nucën Papa Diosan ꞌimiaxa.