Hechos 4:20 - Kashibo-Kakataibo Biblia

²⁰ An ñu ꞌaia isananu nun cuacë Jesusan bana ënë cananuna unicama ñuixuntëcënti ëntima ꞌain.

Nukën 'Ibu Diosan ain unikama 'inan ain bana

²⁰ An ñu 'aia isananu nun cuacë Jesusan bana ënë cananuna unicama ñuixuntëcënti ëntima 'ain.

Hechos 4:20 ပူးပေါင်းရင်းမြစ်များ

2 Samuel 23:2

Ësai ꞌëx banakë ax ka ꞌënbi sinanx ꞌikëma ꞌikën ax ka Diosan bëru ñunshin an ꞌë sinánmikëx banakë ꞌikën, uisai kinun kara ꞌë sinánmia usaibi ki kana kantain.

Jeremías 1:7

ꞌAínbi ka Diosan ꞌë kaxa: Uni bëná pain kana ꞌain kamina kitima ꞌain. Mix kamina uinu kuanun karana ꞌën mi xuti anubi kuanti ꞌain, usa ꞌain kamina kuanxun ꞌën mi kakësabiokin atu kati ꞌain.

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Ezequiel 3:11

Anu kuanxun kamina min aintsikama mi këñunbia ñatanbiankin buan, akama min kakëxun kara kuati ꞌikë, kara kuaisama tanti ꞌikë abi. Ësai ka Nukën ꞌIbu kiaxa kati ꞌain.”

Amós 3:8

Uínsaran kara paru ꞌinúan kuëruia anun kara ¿uix rakuë́ti bërëima ꞌiti ꞌik? Ka rakuë́ti ꞌikën. ¿Uin kara Dios kamabi kushiñu axa kuërukësa ꞌinun banakëbëtan tënëti ꞌik? Uínbi ka ꞌatima ꞌikën.

Miqueas 3:8

ꞌAínbi ka Diosan an kakësabiokin ꞌaia aín bëru ñunshinan ꞌakinkëx ꞌëx kushiñu ꞌianan rakuëma uni ꞌixun atu ꞌakinun ꞌë ꞌimiaxa, usa ꞌixun kana atu bana ñuixunkin Dios ax ka kushiira ꞌikë kixun Israel unikama kanan atux ami ꞌuchakian an kuëënkëma ñuishi ꞌakë akama kati asábi ꞌain.

Números 22:38

Kakëxun ka Balaamnën kakëxa: —Ënu kana ꞌain min kamikëx kana uan. ꞌAínbi kana ꞌën kushínbi mi katima ꞌain; usa ꞌixun kana uisa okin kara Diosan ꞌë kaia a banaishi mi kati ꞌain.

Números 23:20

Diosan ka Israel unikama upíokin sinánxunun ꞌë kaxa: Usa ꞌain kana Diosan upíokin sinánxunia ꞌën usama ka kixun katima ꞌain.

Hechos 1:22

Usa ꞌaish ca atux Juanëan nashimia ꞌaísha ax naínu cuantamainun nubë ꞌiaxa. Usa cupí ca a unicama achúshinëxa Jesús ax ca bamatancëx baísquitëcëanxa quixun nun ꞌacësaribi oquin unicama ñuixunux nubë birananti asábi ꞌicën.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 18:5

Usa ꞌain ca Timoteobëa Silas Macedonianuax Corintonu bëban Pablonën bëtsi ñu mëëti ꞌaquinma Jesús ñui quicë banaishi ñuixuancëxa. Ñuixuanan ca judíos unicama, Jesús ax ca asérabi Cristo axa utia atun caíncë a ꞌicë quixun upí oquin ñuixuancëxa.

Hechos 2:32

Davidnën cuënëo bana quicësabi oquin ca Nucën Papa Diosan Jesús bamacëbi baísquimiaxa quixun cananuna nucamanbi ꞌunan.

Hechos 2:4

Usacëbëshi ca Nucën Papa Diosmi cushii aín Bëru Ñumshin Upitan ꞌimicëx anu ꞌicë unicamax bëtsi bëtsi banan banacëxa.

Hechos 22:15

Usa ꞌixun camina min ami iscë ñucama ꞌimainun usaquian mi cacëxunmi cuacë banacamaribi camabi menu ꞌicë unicama ñuixunti ꞌain.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Hechos 5:32

Ax ca asérabi usa ꞌicë quixun cananuna nun camabi uni cain. Nucën Papa Diosan aín bana cuacë unicama ꞌináncë aín Bëru Ñunshin Upí, anribi ca —asérabi ca usa ꞌicë —quixun uni ꞌunánmia.