Hechos 4:2 - Kashibo-Kakataibo Biblia

² An —bamaxbia Jesús baísquicë ꞌain ca camabi uníxribi bama ꞌaíshbi baísquiti ꞌicë —quixun unicama ñuixuncë cupí ca axa ucë unicamax Pedro ꞌimainun Juanmi nishacëxa.

Nukën 'Ibu Diosan ain unikama 'inan ain bana

² An —bamaxbia Jesús baísquicë 'ain ca camabi uníxribi bama 'aíshbi baísquiti 'icë —quixun unicama ñuixuncë cupí ca axa ucë unicamax Pedro 'imainun Juanmi nishacëxa.

Hechos 4:2 ပူးပေါင်းရင်းမြစ်များ

Nehemías 2:10

ꞌAínbi ka ꞌëx anu bëbakë kuati ka Sambalat Horónnu ꞌikë a ꞌimainun Tobías amonitakaman ꞌapu israel unikama an ꞌakinsatankë unikama ka atunu bëbaxa kixun ñuikania kuati kuëënima ꞌitsaira nishakëxa.

Hechos 13:45

Usaía ꞌitsaira uni timë́cë isi ca judíos unicamax pishui Pablomi nishacëxa. Ami nishi ca —cëmëi ca quia —quiax ꞌatimati Pablomi banacëxa.

Hechos 17:18

Cananmainun ca raíri unicama usa isa uni ꞌiti icë quixun epicúreo cacë unicaman bana ñuia cuacë, ꞌimainun estoico cacë unicamanribia bëtsi bana ñuia cuacë, a unicamaxribi uax Pablobë banacëxa. Abë banatancëx ca raírinëx quiacëxa: —¿Añu cara banañuira ꞌixun ënë unin nu ñuixuinsa tanin? Quicëbë ca raírinëx Pablonëan Jesús ñuianan —bama ꞌaish ca uni baísquiti ꞌicë —quixun cacëxun cuax quiacëxa: —Nun rabicë diosma, bëtsi dios ñui sapi ca quia.

Hechos 19:23

Efesonuaxa Pablo cuancëma pan ꞌain ca Jesucristo ñuicë bana cuaisama tani, a ëmanu ꞌicë unicamax tsuáquiruacëxa.

Hechos 24:21

Caquin ca, ꞌapucaman cuamainun, bama ꞌaish ca Cristo utëcëncëbë unicama baísquiti ꞌicë quixun ꞌën sináncë ꞌain camina ꞌëmi manáncani quiax ꞌëx quiixancë bana mi ñuixunti ꞌicën.

Hechos 26:23

A banax ca ësai quia: Tëmëratancëx ca Cristo bamati ꞌicën. Bamatancëxa baísquia ꞌain ca usaribiti camabi uni bama ꞌaíshbi Cristo utëcëncëbë baísquiti ꞌicën. Usai baísquia ꞌixun ca Jesusan judíos unicamaishima judíosma unicamaribi sinanati ami catamëtía aín sinan upí ꞌinun ꞌimiti ꞌicën.

Hechos 26:8

Mitsúnribi camina, Nucën Papa Diosan ca uni bamacama baísquimiti ꞌicë quixun sinanin. ¿Usa cat?

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Hechos 5:17

ꞌAisamaira uni Jesúsmi sinania isi ca judíos sacerdotenën cushicaman ꞌapu ꞌimainun abë ꞌicë saduceo unicama nishacëxa.

Romanos 8:11

Nucën Papa Dios, an Jesús bamacëbi baísquimia, aín Bëru Ñunshin Upí mitsubë ꞌixun ca an Cristo Jesús bamacëbi baísquimia anbi mitsuribi bamacëbi Cristo utëcëncëbëtan baísquimiti ꞌicën, aín Bëru Ñunshin Upí mitsubë ꞌain.

1 Corintios 15:23

Nucën Papa Diosan mëníosabi oi ca Cristo pain baísquiacëxa. Baísquitancëx naínu cuan ꞌaísha ax utëcëncëbë ca aín unicama baísquiti ꞌicën.