Hechos 4:19 - Kashibo-Kakataibo Biblia

¹⁹ Cacëxunbi ca Pedrobëtan Juanën atu cacëxa: —Mitsúnbi ca sinan, ¿Nucën Papa Dios cara cuëënti ꞌic, nun nu aín bana manuanan mitsun banaishi cuati?

Nukën 'Ibu Diosan ain unikama 'inan ain bana

¹⁹ Cacëxunbi ca Pedrobëtan Juanën atu cacëxa: —Mitsúnbi ca sinan, ¿Nucën Papa Dios cara cuëënti 'ic, nun nu aín bana manuanan mitsun banaishi cuati?

Hechos 4:19 ပူးပေါင်းရင်းမြစ်များ

1 Reyes 12:30

Usokin ꞌaxun ka Israel unikama ꞌuchamiakëxa, usa ꞌain ka a rabi Betelnu kuanan Dan kakë anuribi a rabi kuankankëxa, usai ꞌikin ka Jerusalénnu Dios rabi kuankë a ënkankëxa.

1 Reyes 21:11

Usokin kakëxun ka anua Nabot tsókë ëma Jezreelnu ꞌikë aín ꞌapukama ꞌimainun aín tukurikubu an Jezabelnën atu kirika xuxunkin kakësabiokin ꞌakankëxa:

1 Reyes 22:14

Kakëxunbi ka Micaíasnën kakëxa: —¡ꞌËx kana asérabi Nukën ꞌIbun ismainunbi kin, usa ꞌain kana uisakin kanun kara an ꞌë kaia usakinshi kati ꞌain!

Éxodo 1:17

Usakian kakëxunbi ka an nachikitia xanukama ꞌakinkë Sifrá ꞌimainun Puá an Diosmi rakuë́kin ꞌapu faraónën kakësabiokin akinma bëbu tuákama kanitanun ëankëxa.

Jeremías 26:12

Usai kitankëxa atux sënë́nkëbëtan ka Jeremíasnën aín kushikama ꞌimainun kamabi uni timë́kë a ësokin kakëxa: “Nukën ꞌIbunbi ka ꞌë xuaxa aín anë ñui rakuë́timaishi bananun, ꞌianan anuxun a rabiti xubu ñui kianan ënë ëma ñui kinun, mitsúnbi kamina ꞌëx kikë bana a kuakan.

Daniel 3:18

ꞌAínbi kamina nun ꞌakëbëtanmabi mix ꞌapu ꞌixun upíokin ꞌunánti ꞌain, nun kananuna min rabikë dioskama rabianan kurimi ñu tankin ꞌamixun nitsínkë aribi ami rantipuruni tsóbukin rabitima ꞌain.

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Oseas 5:11

Israelnën rëbúnkikama an ka bëtsi dioskama rabia usa ꞌikë ka uínbi atun bana tankin usa ka atux ꞌikë kixun katima ꞌikën.

Amós 7:16

Usa ꞌain kamina, ësai ka Dios kiaxa aín bana kuati ꞌain. Diosan bana ñuikin kamina Israel unikama katima ꞌain, ꞌianan kamina Isaacnën rëbúnkikamaribi ñui uisa bananbi banatima ꞌain.

Mateo 22:21

Cacëxun ca atun cacëxa: —Ax ca Césarnën bëmánan tanquian ꞌacë ꞌimainun Césarnën anë ꞌicën. Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain.

Lucas 22:8

A nëtë ꞌicëbëtan ca Jesusan Pedrocëñun Juan xuquin cacëxa: —Ënë nëtë́nu a piti ñu pinun camina nu mëníoxuni cuanti ꞌain.

Juan 7:24

Bëtsi unían ñu ꞌaia isi camina bënëtishi —an ca ñu ꞌatima ꞌaia —quiax quitima ꞌain. Usai ꞌiquinma camina munu upí oquin sinánquin ꞌunánti ꞌain, usoquin ꞌati cara asábi ꞌicë, cara asábima ꞌicë quixun.

Hechos 4:13

Usa ꞌain ca Pedrobëtan Juanën quirica ꞌunáinracëma ꞌianan ꞌapuma ꞌixunbi racuë́quinma unicama bana ñuixunia isi judíos ꞌapucamax ratúacëxa. Usai ꞌiquin ca —ënë uni rabëtax ca axa Jesúsbë nicë a ꞌicë —quixun sináncëxa.

Hechos 5:28

—Nun cananuna mitsu amiribishi Jesús ñuiquin bana ñuixunxunma ꞌanun quixun can. Cacëxunbi mitsun nëtë́quinma a bana uni ñuixunia chanioia ca Jersualénu ꞌicë unicaman cuaxa. Usa ꞌaish camina nun isanuna uni Jesús ꞌamia quiaxribi quicanin.

Hechos 5:29

Ësai quia ca Pedrobëtan Jesusan aín bana ñuixunun caíscë unicaman cacëxa: —Unin cacësa oquin ꞌaquinbi cananuna Nucën Papa Dios, a ꞌati cuëëncëma ñu a ꞌaquinma, a ꞌatia ax cuëëncë, a ñu cuni ꞌati ꞌain.

1 Corintios 10:15

Mitsúxmi sinánñu uni ꞌicë cana usaquin mitsu cain. Usa ꞌixun camina ꞌën mitsu cacëxun cuaquin ënë banax ca asérabi ꞌicë quixun ꞌunánti ꞌain.

2 Corintios 4:2

Uni itsimi unë́xunu ꞌacë ñucama ënquin cananuna a ꞌaínu rabínti ñu ꞌatimaribi ꞌaiman. Uni paránti sinánquinma cananuna Nucën Papa Diosan banaribi bëtsi oquinma ax asérabi quicë banaishi uni ñuixunin. Usaquin ñuixunia cuaquin ca camabi unin ꞌunánti ꞌicën, Nucën Papa Diosan iscëxun cananuna ax quicësabi oquin aín bana ñuixuni quixun.

Efesios 6:1

Papañu titañu tuácama, ësaquin cana mitsu cain, min papan bana, min titan bana cuaquin camina an mi cacësabi oquin ꞌati ꞌain, Nucën ꞌIbu Jesucristo cuëëncësabi oquin. Mitsux usai ꞌiti ca asábi ꞌicën.

1 Timoteo 2:3

Usoquin Nucën Papa Dios camabi uni ñucáxunti ca asábi ꞌicën. Nucën Papa Dios, an nu ainan ꞌinun ië́micë, ax ca usoquian aín unicaman ꞌati cuëënia.

Hebreos 11:23

ꞌItsa baritia Egipto menu Jacobnën rëbúnquicama ꞌicëbë ca a menu ꞌicë ꞌapu, Faraón cacë, ax Jacobnën rëbúnquimi nishacëxa. Nishi ca bëbu tuácama bërí bacë́ncë —ax ca bamati ꞌicë —quiacëxa. Quicëbëtanbi ca achúshi bëbu tuá, Moisés cacë, aín papabë aín tita Nucën Papa Diosmi catamëti, Faraónmi racuë́quinma —ënë tuá ca upíira upí ꞌicën, usa ꞌain cananuna ꞌapun bana tanquinma unëti ꞌai —quixun sináncëxa. Usaquin sinánxun ca rabë́ ꞌimainun achúshi ꞌuxën Moisés unëacëxa.

Santiago 2:4

Usoquin ꞌaquin camina camabi uni sënën nuibaquinma ꞌatima sinánñu ꞌixun raírishi nuibanan raíri uni ꞌatimoin.