Hechos 4:12 - Kashibo-Kakataibo Biblia

¹² Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

Nukën 'Ibu Diosan ain unikama 'inan ain bana

¹² Nucën Papa Diosan ca nuxnu nun 'uchacama tërë́ncë 'aish abë 'inúan an nu ië́minun Jesúsëshi 'imiaxa. Usa 'ain ca an Nucën Papa Diosnan 'inun nu ië́miti bëtsi uni 'aíma 'icën.

Hechos 4:12 ပူးပေါင်းရင်းမြစ်များ

Génesis 7:19

Chaiira bakan tita ꞌëkin ka aín bashi chairukë abi mapurukin me ꞌaíma ꞌitánun mapuakëxa;

Job 41:11

¿Uix kara Leviatánbë ꞌakanantankëx uisaibi ꞌikëma asábi ꞌiti ꞌik? Uixi ka kamabi menu ꞌikë unikama usai ꞌitima ꞌikë ax ka ꞌën unio ꞌikën.

Mateo 1:21

Ax ca tuá achúshi bacë́nti ꞌicën. Bacënia camina min a tuá Jesús caquin anëti ꞌain. Ainshi ca uni aín ꞌucha tërë́nquin Nucën Papa Diosan iscë́xa upí ꞌinun ië́miti ꞌicën. Usa ꞌain camina a tuá Jesús caquin anëti ꞌain.

Lucas 24:47

Usa ꞌain ca aín unicaman Jerusalénuxun pain aín bana ñuitancëxun camabi menu cuanquin ësoquin caquin unicama ñuixunti ꞌicën, Nucën Papa Diosan atun ꞌatima ñu ꞌacëcama tërë́ncë ꞌinuxun ca sinanaquin bëtsi oquin sinánti ꞌicë quixun. Ësaía a ñui cuënëo bana quicë a ñuixuntancëxun ca Jesusan atu cacëxa:

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Juan 3:36

Axa aín Bëchicëmi catamëcë uni, ax ca ainan ꞌaish Nucën Papa Diosbë nëtë́timoi ꞌia. Usa ꞌaínbi ca axa Nucën Papa Diosan Bëchicëmi sinántisama tancë uni, ax ainanma ꞌaish Nucën Papa Diosbë nëtë́timoi ꞌima. A uni ca Nucën Papa Diosan aín ꞌucha cupí ꞌaisamaira oquin castícancë ꞌiti ꞌicën.

Hechos 13:26

ꞌËn xucë́antu, mitsúxmi Abrahamnën rëbúnqui ꞌaish raírinëx an Nucën Papa Diosan bana sináncë ꞌicë cana mitsu cain, Jesucristomi catamëti ca uni aín ꞌucha tërë́ncë ꞌaish Nucën Papa Diosnan ꞌiti ꞌicë quiáxa quicë bana, ënëx ca mitsúnribimi cuati ꞌicën.

Hechos 2:5

Usa ꞌain ca axa Nucën Papa Dios cuëëncësabi oi ꞌiisa tancë judíos unicama, ax bëtsi bëtsi menuax Judea menu uax Jerusalénu tsoócëxa.

1 Corintios 3:11

Unían bëtsi bana ñuixuncëxbi ca ꞌën a ñuiquin ñuixuncë banaishi cuati Jesucristomi catamëti uni Nucën Papa Diosnan ꞌiti ꞌicën.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

Hebreos 2:3

¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.