Hechos 4:10 - Kashibo-Kakataibo Biblia

¹⁰ Usa ꞌain cananuna Israel unicaman ꞌunánun mitsu cain, Jesucristo, Nazaretnu ꞌicë mitsúnmi i curúsocënu matásmicëx bamacëbia Nucën Papa Diosan baísquimicë, an ꞌimicëx ca mitsúnmi iscë ënë uni pëxcúonxa.

Nukën 'Ibu Diosan ain unikama 'inan ain bana

¹⁰ Usa 'ain cananuna Israel unicaman 'unánun mitsu cain, Jesucristo, Nazaretnu 'icë mitsúnmi i curúsocënu matásmicëx bamacëbia Nucën Papa Diosan baísquimicë, an 'imicëx ca mitsúnmi iscë ënë uni pëxcúonxa.

Hechos 4:10 ပူးပေါင်းရင်းမြစ်များ

Daniel 3:18

ꞌAínbi kamina nun ꞌakëbëtanmabi mix ꞌapu ꞌixun upíokin ꞌunánti ꞌain, nun kananuna min rabikë dioskama rabianan kurimi ñu tankin ꞌamixun nitsínkë aribi ami rantipuruni tsóbukin rabitima ꞌain.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Lucas 18:37

Ñucácëxun ca cacancëxa: —Nazaretnu ꞌicë uni, Jesús, ax ca uaxa, a cënë cuania.

Hechos 2:32

Davidnën cuënëo bana quicësabi oquin ca Nucën Papa Diosan Jesús bamacëbi baísquimiaxa quixun cananuna nucamanbi ꞌunan.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

Hechos 28:28

Camina ꞌunánti ꞌain, ꞌën mitsu ñuixuncë bana, Jesucristomi catamëtishi ca uni Nucën Papa Diosnan ꞌiti ꞌicë quiax quicë, a bana ñuixunia ca judíosma unicaman cuaxa. Usa ꞌaish ca atux a bana quicësabi oi ꞌiti ꞌicën.

Hechos 3:6

Caíncëxunbi ca Pedronën cacëxa: —Curíquiñuma cana ꞌain. Usa ꞌaínbi cana bëtsi ñun mi ꞌaquinti ꞌain. Jesucristo, Nazaretnu ꞌicë, an ꞌë ꞌamicëxun cana mi cain, niruquiani ca cuantan.

Romanos 1:4

Usa ꞌicëbi ca bamatancëx baísquicë cupía, Nucën Papa Diosan Bëru Ñunshin Upitan ꞌamicëxun unin ꞌunánti ꞌicën, Nucën ꞌIbu Jesucristo ax ca Nucën Papa Diosan Bëchicë ꞌianan asaribi upí ꞌaish cushiira ꞌicë quixun.