Hechos 4:1 - Kashibo-Kakataibo Biblia

¹ Usaquian Pedrobëtan Juanën camainun ca judíos sacerdotecama ꞌimainun anuxun Nucën Papa Dios rabiti xubunu ꞌicë policíanën cushi ꞌimainun saduceo unicamax uacëxa.

Nukën 'Ibu Diosan ain unikama 'inan ain bana

¹ Usaquian Pedrobëtan Juanën camainun ca judíos sacerdotecama 'imainun anuxun Nucën Papa Dios rabiti xubunu 'icë policíanën cushi 'imainun saduceo unicamax uacëxa.

Hechos 4:1 ပူးပေါင်းရင်းမြစ်များ

Mateo 16:12

Cacëxun ca aín ꞌunánmicë unicaman —Jesusan ca anun pán chamiti ñu ñuiquin caquinbi fariseo unibu ꞌimainun saduceo unibunëan ꞌunánmicë banacama ca asérabi ꞌicë quixun sinánquin a cuatin rabanan bërúancanun nu caxa —quixun ꞌunáncëxa.

Mateo 22:16

Sinántancëxun ca aín uni raíri ꞌimainun axa Herodesmi sináncë unibu Jesús ñucánun quixun xuacëxa. Xucëx cuanxun ca a unicaman Jesús cacëxa: —Cananuna ꞌunanin, min banax ca asérabi ꞌicën. Uisai cara Nucën Papa Diosan uni ꞌiti ꞌicë quixun camina cëmëquinma asérabi ñuin, unían min a bana ñuia cuati cuëëncëbëtanmabi. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin.

Mateo 27:20

Pilátonën —¿ui carana chiquínti ꞌai? —quixun ñucácëxbi ca judíos sacerdotenën cushicama ꞌimainun ampan caniacëcë unicamax anu ꞌicë judíos unicama timëcamëëocë a tsuaquirumi quiacëxa, —Camáxbi cananuna quiti ꞌain, Barrabas chiquíanan ca Jesús ꞌati ꞌicën.

Mateo 27:41

Usaribiti ca sacerdotenën cushicamabë an Moisésnën cuënëo bana ꞌunáncë unicama ꞌimainun fariseo unicama ꞌimainun ampan caniacëcë unicama, acamax Jesús ñui ꞌatimati banai, ami cuai ësai canancëxa:

Mateo 3:7

Juanën bana ñuixunia cuati ꞌitsa uni ricuatsinmainun ca ꞌitsa fariseo uni ꞌimainun ꞌitsa saduceo uniribi an nashiminun quiax anu uacëxa. Aia isquin ca Juanën cacëxa: —Mitsux ꞌatima ꞌixun uni paráncë ꞌaish camina mitsun rara ꞌiásaribiti runu, an uni picë, asa ꞌain. ¿Usa ꞌicë cara anúan Nucën Papa Diosan ꞌaisama unicama atumi nishquin masóti nëtën masócë ꞌitin rabananmi sinananun quixun uin mitsu cax?

Lucas 20:1

Achúshi nëtën anuxun Nucën Papa Dios rabiti xubunuxun unicama bana ꞌunánmianan upí bana anúan uni Nucën Papa Diosnan ꞌiti ñuixunmainun ca judíos sacerdotenën cushicama ꞌimainun an Moisésnën cuënëo bana ꞌunáncë unicama ꞌimainun anpan caniacëcë unicama anu cuanxun

Lucas 22:4

Usai ꞌiquian cuanxun ca ñunshin ꞌatimanën ꞌapun sinánmicëx judíos sacerdotenën cushicama ꞌimainun anuxun Nucën Papa Dios rabiti xubunu ꞌicë suntárucamabë ꞌësë́nanquin —ꞌën cana Jesús mitsu ꞌinánti ꞌai —quixun cacëxa.

Juan 15:20

ꞌËn ësaquin mitsu cacë a camina sináncanti ꞌain, “an uni ñu mëëxuncë uni an ca an a ñu mëëmicë uni inuíma”. ꞌËmi pain nishquin ca unin ꞌë bëtsi bëtsi oia. Usaribi oquin ca ꞌënan cupí mitsu unin bëtsi bëtsi oti ꞌicën. Usa ꞌaínbi ca uni raírinën ꞌën bana cuati ꞌicën. Usaribi oquin ca ꞌënan cupí uni raírinën mitsun bana cuati ꞌicën.

Juan 18:3

Usa ꞌain ca an ꞌunánxun Judasnën, judíos sacerdotenën cushicamabëtan fariseo unicaman xucë policíacëñun suntárucamaribi buáncëxa. Buáncëxun raírinëan buí ërë́ncë buánmainun raírinën anun ꞌacananti manë xëtocë ꞌimainun i tëacë acama buanx ca Jesúsmi bëbacancëxa.

Hechos 4:6

Acamabë ca judíos sacerdotenën cushicaman ꞌapu, Anás, a ꞌimainun Caifás, Juan, Alejandro ꞌimainun judíos sacerdotenën cushicaman aintsi ꞌibucamaribi anu timë́cë ꞌiacëxa.

Hechos 5:17

ꞌAisamaira uni Jesúsmi sinania isi ca judíos sacerdotenën cushicaman ꞌapu ꞌimainun abë ꞌicë saduceo unicama nishacëxa.

Hechos 5:24

Policía quia cuati ca sacerdotenën cushicaman ꞌapu ꞌimainun anuxun Nucën Papa Dios rabiti xubunu ꞌicë guardianën ꞌapu ꞌimainun sacerdotenën cushicamax ratuti canancëxa: —¿Uisashi oquin cara ënë unin nu sináncasmamiti ꞌic?

Hechos 5:26

Ësoquin cacëx cuanxun ca policíacamabëtan aín cushin, anuxun Nucën Papa Dios rabiti xubunu atsínxun, bana unicama ñuixuniabi a unicama biacëxa. Bixunbi ca unicaman maxaxan ꞌati sinani racuë́quin, mëëquinma anua judíos cushicaman ꞌapucama timë́cë anu upí oxuinshi buáncëxa.

Hechos 6:12

Cacëx cuanxun ca camabi uni ñuixuanan caniacëcë unicamaribi ꞌimainun an Moisésnën cuënëo bana ꞌunáncë unicamaribi ñuixunquin tsuácaruacëxa. Tsuácarucëx uxun ca Esteban bibianquin atun cushicaman ꞌapucamanu buáncëxa.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.