Hechos 3:24 - Kashibo-Kakataibo Biblia

²⁴ Moisésnëan usaquin cuënëosabi oquin ca Samuelnën pan ꞌacëbëtan an Nucën Papa Dios quicë bana uni ñuixuncë uni raírinënribi, Cristo uti nëtë ñuiquin unicama ñuixuancëxa.

Nukën 'Ibu Diosan ain unikama 'inan ain bana

²⁴ Moisésnëan usaquin cuënëosabi oquin ca Samuelnën pan 'acëbëtan an Nucën Papa Dios quicë bana uni ñuixuncë uni raírinënribi, Cristo uti nëtë ñuiquin unicama ñuixuancëxa.

Hechos 3:24 ပူးပေါင်းရင်းမြစ်များ

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Lucas 24:27

Caxun ca Moisésnëan cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana, uisa banacama cara a ñui quicë ꞌicë, a banaxa quicësabi oi ca ꞌiaxa quixun a uni rabë́ ñuixuancëxa.

Hechos 13:20

Usaquin ꞌatancëxun ca cuatrocientos cincuenta barin Nucën Papa Diosan bëtsix paían ꞌiá ꞌain, ꞌaían ꞌinun achúshi achúshi uni atun cushi ꞌimiacëxa, Samuelnëan anun axa quicë bana unicama ñuixunti nëtëa ꞌitámainun.

Hechos 17:3

Cuënëo bananu ñuicësabi oquin ꞌunánmianan ca —a bana quicësabi oi ꞌiti ꞌaish ca Cristo paë tantancëx bamatancëx baísquiaxa —quixun canan ca —ꞌën mitsu ñuixuncë Jesús abi ca axa uti nun caíncë Cristo ax ꞌicë quixun ñuixuancëxa.

Hechos 26:23

A banax ca ësai quia: Tëmëratancëx ca Cristo bamati ꞌicën. Bamatancëxa baísquia ꞌain ca usaribiti camabi uni bama ꞌaíshbi Cristo utëcëncëbë baísquiti ꞌicën. Usai baísquia ꞌixun ca Jesusan judíos unicamaishima judíosma unicamaribi sinanati ami catamëtía aín sinan upí ꞌinun ꞌimiti ꞌicën.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Hechos 3:21

Ucëma pan ꞌaísha Jesucristo anu ax ꞌicë anu ꞌimainun ca Nucën Papa Diosan, an ax quicë bana uni ñuixuncë unicaman cuënëosabi oquin, camabi ñu sënë́onti ꞌicën.

Romanos 3:21

Moisésnën usai judíos unicama ꞌiti cuënëo bana ꞌacë cupíma Cristo cupíshi ca usaira oquin Nucën Papa Diosan uni upí ꞌimia quixun ca bërí camabi unin upí oquin ꞌunánti ꞌicën. Ca usai ꞌiti ꞌicë quixun ca Moisés ꞌimainun an Nucën Papa Dios quicë bana uni ñuixuncë unicamanribi cuënëocëxa.

1 Samuel 2:18

Usokia atun ꞌamainun ka, bëná ꞌixun Samuelnën efod kakë chupa upíira lino ꞌakë a pañukë ꞌixun Nukën ꞌIbun ñu mëëti ënkinma abi ꞌakëxa.

1 Samuel 3:1

Samuelnën ka uni bëná ꞌixun Elínën ꞌamikëxun Nukën ꞌIbun ñu mëëti ꞌakëxa. A nëtë kaman ka ꞌitsaira abë banakin uibi bana ñuixuanan namákësa okían isnun Nukën ꞌIbun ismiama ꞌikën.

1 Samuel 3:20

ꞌImainun ka kamabi Israelkaman ꞌunánmainun Dan kakë ëma anuxun ꞌunánmainun, Beerseba anuxunribi Samuelnën ka këmëkinma asérabi Dios kikë bana uni ñuixunia kixun ꞌunánkankëxa.