Hechos 3:20 - Kashibo-Kakataibo Biblia

²⁰ Usonan ca Jesús, axbi Cristo ꞌicë, a Nucën ꞌIbu Diosanbi bëráma mëníosabi oi mitsun ꞌapu ꞌinun ënë menu utëcënun quixun xuti ꞌicën.

Nukën 'Ibu Diosan ain unikama 'inan ain bana

²⁰ Usonan ca Jesús, axbi Cristo 'icë, a Nucën 'Ibu Diosanbi bëráma mëníosabi oi mitsun 'apu 'inun ënë menu utëcënun quixun xuti 'icën.

Hechos 3:20 ပူးပေါင်းရင်းမြစ်များ

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 24:3

Usaquin atu cabiani cuanx matá me Olivos cacë anu tsóbutia ca uni ꞌaíma ꞌain, aín ꞌunánmicë unicaman a nëbë́tsioraquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu aín maxáxcama rurupacë ꞌiti ꞌic? ¿Mix anun utëcënti nëtë anúan ënë mecama cëñúti, a nëtëx ca ꞌuramacuatsinia quixun ꞌunánuxun caranuna uisa ñu ꞌia isti ꞌain? A camina nu ñuixunti ꞌain.

Marcos 13:26

Usaía ꞌicëbëtan ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia unicaman isnuxun ꞌaia.

Lucas 19:11

Usa ꞌain ca Jesusan Zaqueo caia cuaquin, Jerusalén ꞌurama ꞌain, abë ꞌicë unicaman sináncëxa, —Jerusalénu bëbatancëx ca Nucën Papa Diosan ꞌimicëx Jesúsëshi judíos unibunën ꞌapu ꞌiti ꞌicë —quixun.

Lucas 21:27

Usai ꞌicëbëtan ca uni ꞌinux Nucën Papa Diosnuax uá ꞌixun ꞌën, nëtë cuin mëúxun, ꞌën cushin pëcabëtsinia, camabi unicaman isnuxun ꞌaia.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Hechos 3:21

Ucëma pan ꞌaísha Jesucristo anu ax ꞌicë anu ꞌimainun ca Nucën Papa Diosan, an ax quicë bana uni ñuixuncë unicaman cuënëosabi oquin, camabi ñu sënë́onti ꞌicën.

2 Tesalonicenses 2:2

Aín uti nëtë ñuiquin ca unin —Nucën Papa Diosan ꞌunánmicëxun cana ꞌunanin, anúan Jesucristo uti nëtë ca uaxa —quixun mitsu cati ꞌicën. Camainun ca raírinënribi —aín uti nëtë ca asérabi sënënia —quixun bana ñuixunquin mitsu cati ꞌicën. Raírinënribishi ca —Pablonën ca nu, anúan Nucën ꞌIbu Jesucristo uti nëtë ca sënënia quixun quirica bëmiaxa —quixun mitsu cati ꞌicën. Usaquian cacëxbi camina bënëti ratuti sináncasmatima ꞌain.

2 Tesalonicenses 2:8

Usoquin ëncëx pain aia cëmën tapun ꞌatima uni a camabi unin isiabi ca Nucën ꞌIbu Jesusan axira uquin aín cuëbitan uíncënëinshi ꞌaquin aín cushían pëcabëtsincë anúinshi cëñuti ꞌicën.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

Apocalipsis 1:7

Ca is, Cristo, ax ca naí cuin mëu bëbacuatsini unuxun ꞌaia. Aia ca camabi unicaman isti ꞌicën, an manë xëtocën taro, acamánbi ca aia isti ꞌicën. Ax ucëbë ca camabi menu ꞌicë unicama ami sináncëma ꞌaish masá nuituti inti ꞌicën. Asérabi ca usai ꞌiti ꞌicën.