Hechos 3:19 - Kashibo-Kakataibo Biblia

¹⁹ Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Nukën 'Ibu Diosan ain unikama 'inan ain bana

¹⁹ Usa 'ain camina 'atimaquin sinánxunbi sinanaquin mitsun 'uchacama tërë́ncë 'inun Nucën Papa Diosmi sinánti 'ain. Ami sináncëxun ca Nucën 'Ibu Diosan mitsun 'uchacama tërë́anan chuámarua 'inun mitsu cuëënmiti 'icën.

Hechos 3:19 ပူးပေါင်းရင်းမြစ်များ

Salmos 103:12

ꞌIanan ka nux ꞌuchakëkamaribi; nunua ꞌuramikin, bëtsibëa me kuainakëti ꞌurakë usaribi ꞌinun ꞌimiaxa.

Salmos 51:13

usakin ꞌakëxun kana ꞌën uni ꞌatimakama a atun ñu ꞌatima ꞌakë ëni kara uisai tsóti ꞌikë kixun ꞌunánmiti ꞌain, ꞌimainun ka usakin ꞌën ꞌunánmikëx uni ꞌuchañukama ax minan ꞌiti ꞌikën.

Salmos 51:9

ꞌËn ꞌuchakëkama a kamina istima ꞌain ꞌianan kamina ꞌën ñu ꞌatima ꞌati sinánkë a ꞌë tërënxunti ꞌain.

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Isaías 44:22

ꞌËn kana ꞌatima ñu ꞌaimi mitsux ꞌuchakëkama a nëtënxuan mitsun ꞌuchakama tërënxunkin naínu ꞌikë nëtë kuin ꞌikësaia nëtë́nun ꞌimian. Usa ꞌain kamina ꞌëmi sinanatëkënti ꞌain ꞌën kana mi ië́mian.”

Isaías 6:10

Ënë unikama kamina upíokin sinánxuma ꞌanun ꞌimiti ꞌain; ꞌimianan kamina atun pabitan kuakinbia aín pabí xëpúkësa ꞌixuan kuakasmanun ꞌimiti ꞌain; ꞌimianan kamina iskinbia aín bëru bëpankësa ꞌixun iskasmanun ꞌimiti ꞌain. Usa ꞌixun ka kuatima ꞌianan istimabi ꞌikën, usai ꞌikin ka atun ꞌën bana kuatíbi ꞌëmi sinanatima ꞌikën, ꞌën atun ꞌakë ꞌuchakama mëníoxunun.”

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Isaías 61:9

Usa ꞌain ka aín rëbúnkikamax bëtsi bëtsi menu ꞌikë unikaman upíokin ꞌunánkë ꞌiti ꞌikën; usokin ꞌunánkë ka an iskë unikaman, atux ka Nukën ꞌIbunbia aín uni ꞌikë upíokin sinánxukin ꞌakinkë ꞌikë kixun ꞌunánkanti ꞌikën.

Jeremías 36:3

A banakama kuakin sapi ka Judánu ꞌikë unikaman ꞌën atunu ñu ꞌaisama ꞌimiti sinánkë a ꞌunánkin, atuan ñu ꞌatima ꞌati sinánkë a ënti ꞌikën, usakin a banakama kuakin ënia kana atun ñu ꞌatima ꞌai ꞌuchakëkama a mëníoxunti ꞌain.” Kiax ka kiakëxa.

Ezequiel 33:11

Usa ꞌaínbi kana ꞌëx Dios ꞌaish atun tsóti ñui ësai kin, ꞌatima sinánñu unikama ñuti kana ꞌëx kuëëniman usa ꞌain ka atun ꞌakë ñu ëni upitax tsóti ꞌikën. Israel unikama ꞌatima ñu ꞌaimi tsókankë akamina ënti ꞌain. ¿Uisa ꞌaish kara usakin ñu ꞌai ñukanti ꞌik?

Daniel 9:13

Kamabi ñu ꞌatimakama nuxnu ꞌinúkë ax ka Moisésnën kuënëo bananu kikësabi oi ꞌia; usa ꞌaínbi kananuna nun mixmi nun Dios ꞌikë mi barikëma ꞌain, ꞌianan kananuna nun ñu ꞌatima ꞌakëkama abi ënkëma ꞌain, ꞌimainun kananuna min bana kikësoibi ꞌikëma ꞌain.

Oseas 14:2

Usa ꞌain kamina Diosmi sinanatëkënkin ësokin mitsun a ñukáti ꞌain: “Nukaman ꞌuchakama kamina nu mëníoxunti ꞌain, mëníoxunkin kamina mix upí ixun nun mi rabikëxun upíokin kuati ꞌain.

Joel 2:13

¡Amiribishi kamina mitsun ꞌIbu Diosmi sinanatëkënti ꞌain, usai ꞌikin kamina mitsun nuitu mëníokati ꞌain, chupa mëníokë usamaira ꞌikën! Usa ꞌaish ka Nukën ꞌIbu ax munu ñu ꞌai bënëtishi nishkëma ꞌianan nuibanankë ꞌikën, usa ꞌain ka ꞌitsaira ax nuibanania, usa ꞌixun ka ꞌatima oisa tankinbi tënëkin uni nuibatia.

Mateo 13:15

Atun nuitu mëu ꞌunántisama tanan ca judíos unicaman atun pabitan cuaquinbi uisai quicë cara quixun ꞌunántisama tania. Atun bërúnbi ꞌën ꞌaia isquinbi ca ꞌëx cushiira ꞌaínbi ꞌëmi sinántisama tania. ꞌËmi sinanatia cana atu ꞌën uni ꞌinun ië́mitsian. Usa ꞌaínbi ca ꞌiisama tanxa.

Mateo 18:3

—Asérabi cana mitsu cain, mitsux cha ꞌiisa tanquin usaquin ꞌë ñucati camina sinanati ꞌain. Sinanacëma ꞌianan tuácamaxa cha ꞌiti sinanima an a bërúancë unimi catamëcë, usaribiti ꞌëmi catamëcëma ꞌaish camina mitsux Nucën Papa Diosnan ꞌitima ꞌain.

Lucas 1:16

Juan an ca amia manúcë ꞌicëbi Israel unicama upí oquin atun ꞌIbu Diosmi sinántëcënquian a rabinun ꞌunánmiti ꞌicën.

Lucas 22:57

Usai quia ca Pedronën cacëxa: —Mixmi a ñui quicë uni a cana ꞌunaniman.

Hechos 1:6

Usatancëxun ca bëtsi nëtën abë timë́ax bucuxun an uni bana ñuixunun xutia caíscë unicaman Jesús cacëxa: —Nucën ꞌIbu, nux cananuna Israelnën rëbúnqui ꞌain, nun ꞌapu ꞌaíshbi ca nun aintsima ꞌicën. Usa ꞌain ¿caramina bërí nun aintsi achúshi nun ꞌapu ꞌinun mëníoti ꞌain?

Hechos 11:18

Ësaquin Pedronën ñuia cuati ca a ñu catëcënima Nucën Papa Dios rabi quiacëxa: —Bërí cananuna ꞌunanin, judíos unishima, judíosma unicamaribi ca Nucën Papa Diosan ꞌatimaquin sináncë ꞌaíshbi Jesucristomi catamëtia xënibua ꞌaínbi ainan ꞌinun sinanamia —quixun.

Hechos 11:21

Nucën ꞌIbu Diosan cushiocëxuan a unicaman aín bana ñuixuncëxun cuati ca ꞌitsa uni atúan bëráma ñu ꞌaisama ꞌacëcama ënquin sinanati, Nucën ꞌIbu Jesúsmi catamëacëxa.

Hechos 15:3

Xuquian Antioquíanu ꞌicë unicaman —bërúanx ca cuantan —quixun cacëx cuani Fenicia me ꞌabiani cuanan Samaria me ꞌabiani cuanquin ca —judíosma unicamaxribi ca sinanati Jesucristomi catamëaxa —quixun ñuixuancëxa. Usaquian ñuia cuati ca Fenicia ꞌimainun Samarianu ꞌicë axa Jesucristomi catamëcë unicamax cuëë́inra cuëë́ancëxa.

Hechos 17:26

An ca achúshi uni aín rëbúnquicamaxa mecamanu tsónun uniocëxa. Unioquin ca uiti barin cara aín rëbúnquicamax camabi menu tsóti ꞌicë quixun mëníonan, anua aín me sënë́ncëcamaribi mëníoxuancëxa.

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Hechos 28:27

Atun nuitu mëu ꞌunántisama tanan ca judíos unicaman atun pabitan cuaquinbi uisai quicë cara quixun ꞌunántisama tania. Atun bërúnbi ꞌën ꞌaia isquinbi ca ꞌëx cushiira ꞌaínbi ꞌëmi sinántisama tania. ꞌËmi sinanatia cana atu ꞌën uni ꞌinun ië́mitsian. Usa ꞌaínbi ca ꞌiisama tanxa.

Hechos 3:20

Usonan ca Jesús, axbi Cristo ꞌicë, a Nucën ꞌIbu Diosanbi bëráma mëníosabi oi mitsun ꞌapu ꞌinun ënë menu utëcënun quixun xuti ꞌicën.

Hechos 3:21

Ucëma pan ꞌaísha Jesucristo anu ax ꞌicë anu ꞌimainun ca Nucën Papa Diosan, an ax quicë bana uni ñuixuncë unicaman cuënëosabi oquin, camabi ñu sënë́onti ꞌicën.

Romanos 11:25

ꞌËn xucë́antu, mitsux judíosma uni ꞌixun —nux cananuna judíos unían ꞌacësamaira oquin Cristomi catamëquin Nucën Papa Diosan aín unicama ꞌunánmiti ñu ꞌunáncë ꞌai —qui rabíaxma ꞌinun quixun cana ësaquin unin ꞌunáncëma ñu a ñuiquin mitsu cain: Judíosma unibu uicama cara Cristomi catamëti ꞌicë acamax pain ami catamëtamainun ca Nucën Papa Diosan judíos unicama aín patsan Jesucristomi catamëcëma ꞌaish usabi ꞌinun ëanxa.

2 Tesalonicenses 1:10

Usai ca ꞌiti ꞌicën, a nëtë anúan Nucën ꞌIbu Jesucristo uti, aín unicaman —upíira ca Nucën ꞌIbu Jesucristo ꞌicë —quixun ami sinani cuëënquin a rabinun. Mitsúnribi nun aín bana ñuixuncëxun cuati ami catamëcë ꞌixun camina aín unicamabëtanbi cuëënquin a rabiti ꞌain.

2 Tesalonicenses 1:7

Usoquin ꞌanan aín ángelnën cushicamabëtan, tsi rëquirucësa ꞌixuan pëcacë nëbë́tsi, Nucën ꞌIbu Jesús naínuax ucëbëtan, an nucëñun unían tëmëramicë ꞌicëbi mitsu chuámarua ꞌimiti ca asábi ꞌicën.

2 Timoteo 2:25

Usa ꞌixun ca ami nishquinma an Nucën Papa Diosan bana cuaisama tancë unicama munu upí oquin ꞌësëquin ꞌunánmiti ꞌicën. ꞌUnánmiquin ca —Nucën Papa Diosan ꞌimicëx ca sinanati Jesucristomi catamëti ꞌicë —quixun sinánti ꞌicën.

Hebreos 4:1

Usa ꞌain cananuna Nucën Papa Diosan ainan ꞌinun nu ꞌimiti nëtë inúcëma ꞌaínshi, ainan ꞌiti sinánti ꞌain. Mitsu raírinëxmi Nucën Papa Diosnanma ꞌitin rabanan camina bërúancati ꞌain.

1 Pedro 2:25

Carneronëxa ꞌibuñuma ꞌaish ꞌicësari camina mitsux ꞌiacën. Usa ꞌiá ꞌaíshbi camina sinanati Cristomi catamëan. Amia catamëcëxuan aín ꞌibun carnero bëruancësa oquin ca an upími ꞌinun mitsu bërúanquin ꞌaquinia.

2 Pedro 3:8

ꞌËn nuibacë xucë́antu, camina manuquinma ësaquin sinánti ꞌain, Nucën ꞌIbu Diosan, an nëtë́timoi tsócë ꞌixun, tancëx ca nun nu tancë achúshi nëtëx mil barisa ꞌicën. Usaribiti ca nun nu mil barisa tancë ax Nucën Papa Diosan tancëx achúshi nëtësa ꞌicën.

Apocalipsis 21:4

An ca aín unicama aín bëunan mëscutia ini masá nuitutiabi nëtë́miti ꞌicën, aín bëun tërë́nquin. A unicamax ca bamatëcëntima ꞌicën, usai ꞌianan ca rarumatëcëntima ꞌicën, ꞌianan ca intëcëntima ꞌicën, acaman ca paë tantëcëntima ꞌicën. Bëráma usai ꞌiá ꞌaíshbi ca usai ꞌitëcëntima ꞌicën.