Hechos 3:17 - Kashibo-Kakataibo Biblia

¹⁷ Ësoquin catancëxun ca Pedronën amiribishi cacëxa: —ꞌËn xucë́antu, cana mitsu cain, ꞌën cana ꞌunanin, asérabi ca ax Nucën Papa Diosan Bëchicë ꞌicë quixun ꞌunánxunmaishi camina mitsun ꞌapucamabëtanbi, mitsun Jesús uni ꞌamian,

Nukën 'Ibu Diosan ain unikama 'inan ain bana

¹⁷ Ësoquin catancëxun ca Pedronën amiribishi cacëxa: —'Ën xucë́antu, cana mitsu cain, 'ën cana 'unanin, asérabi ca ax Nucën Papa Diosan Bëchicë 'icë quixun 'unánxunmaishi camina mitsun 'apucamabëtanbi, mitsun Jesús uni 'amian,

Hechos 3:17 ပူးပေါင်းရင်းမြစ်များ

Génesis 21:26

Usokian kakëxun kuatankëxun ka Abimélecnënribi kakëxa: —Min kamina ꞌë bërámabi kakëma ꞌain, usa ꞌain kana ꞌën bërí ꞌunanin bëríbi kamina ꞌë kain.

Génesis 39:8

Kakëxunbi ka kuëënkima Josénën ësokin kakëxa: —Ka kuat, min bënën ka kamabi aín ñukama ꞌëmi ëanxa, usa ꞌain ka ꞌëx ënu ꞌain, aín ñukamami sinántima ꞌikën.

Génesis 44:15

usai ꞌia ka akamabi Josénën kakëxa: —¿Añu kaina mikaman ꞌan? ¿Mitsun kaina ꞌunan achúshi uni ꞌësaribinën kara ñu tanti ꞌik?

Éxodo 32:1

Usai Moisés aín bashinu kuanxbi panáirakëbëtan ka Israel unibunën anu rikianxun Aarón kakëxa: —Moisésnën ka nu Egipto menua chikínbëtsinkin bëaxa. ꞌAínbi kananuna uisai kara ꞌiaxa kixun ꞌunanima, usa ꞌain kamina achúshi dios an nu bërúanxun buánti ꞌaxúnti ꞌai kixun ka kakankëxa.

Números 22:6

Usa ꞌain kamina bënëti uxun ënë unibu ꞌatima okin sinánxuni uti ꞌain, atux ka nubë sënë́nma kushiirabu ꞌikën. Usakinmi ꞌaia sapi kana abë ꞌakanankin ënë menua ꞌën chikínti ꞌain. ꞌËn kana ꞌunan minmi upíokin sinánxunkëx ka uni upitax bukuia, ꞌimainun min këñutanun sinánxunkëx ka uni mix kikësabi ꞌí këñutia.

Lucas 23:13

Usa ꞌain ca Pilatonën, judíos sacerdotenën cushicama ꞌimainun judíos ꞌapucama ꞌimainun unicama camiacëxa.

Lucas 23:34

Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Juan 15:21

Nucën Papa Dios an ꞌë xuá a ꞌunáncëma ꞌixun ca ꞌënan cupí raíri unin mitsu bëtsi bëtsi onuxun ꞌaia.

Juan 16:3

Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Juan 7:52

Cacëxun ca sacerdotenën cushicamabëtan fariseo unicaman Nicodemo cacëxa: —¿Mixribi caramina Galilea menu ꞌicë uni ꞌain? Nucën Papa Diosan bana cuënëo upí oquin isquin camina isti ꞌain, uisa ꞌaíshbi ca an Nucën Papa Dios quicë bana unicama ñuixuncë uni Galilea menu ꞌicë uni ꞌicëma ꞌicën.

Hechos 13:27

Ësaquinribi ca Pablonën Pisidia menu ꞌicë ëma, Antioquíanu ꞌicë anua judíos unicama timë́ti xubunuxun cacëxa: —Jerusalénu ꞌicë unicamabëtan ca aín cushicamanribi Jesús, ax ca Cristo, axa uti atun caíncë, a ꞌicë quixun ꞌunánma ꞌicën. Anun ñu mëëtima nëtën ꞌicëbë timë́xun an Nucën Papa Dios quicë bana uni ñuixuncë unicaman cuënëo bana iscë ꞌixunbi ca uisai quicë cara quixun ꞌunanimabi —ax ca bamati ꞌicë —quiacëxa, a bana quicësabi oi.

Hechos 22:5

Sacerdotnën cushicaman ꞌapubëtan ca caniacëcë unicamanribi ꞌunánxa, atun ca Damasconu ꞌicë judíos unicama ꞌinani cuanun quirica ꞌë ꞌináncëxa quixun. ꞌInáncëx cana axa Jesucristomi sináncë unicama Jerusalén ënuxun tëmëraminuxun bitsi cuancën.

Hechos 26:9

Catancëxun ca ësaquinribi Pablonën cacëxa: —ꞌËn cana sináncën, ꞌën Jesús Nazaretnu ꞌicë ami catamëcë unicama bëtsi bëtsi oti isa Nucën Papa Diosan iscëx upí ꞌicë quixun.

Hechos 28:21

Usaía quia ca anua ꞌicë judíos unicaman Pablo cacëxa: —Nun cananuna Judea menuxuan bëmicë quirica mi ñuiquian ꞌacë achúshiratsubi bicëma ꞌain. ꞌImainun ca anuax ucë judíos unicamax mi ñuiquin, min isamina ñu ꞌatima ꞌai quixun nu cacëma ꞌicën.

Hechos 7:40

Sinánquin ca Moisésnën xucën, Aarón, a cacancëxa: “An nu Egipto menua bëcë Moisés cara uisaxa cananuna ꞌunaniman. Usa ꞌain camina dios raíri min nu unioxunti ꞌain, an nu rëcuë́nxunbianun”.

Romanos 11:2

Bëráma ca Israelnën rëbúnqui judíos unibu ainan ꞌinun Nucën Papa Diosan caísacëxa. Usaquin ꞌá ꞌixun ca a unicama —ꞌën unima ca —quiax ami manúcëma ꞌicën. Nucën Papa Diosan bana cuënëo isquin camina ꞌunanin, Nucën Papa Diosbë banai ca Elías Israel unibumi manani ësai quiacëxa:

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

2 Corintios 3:14

Israel unibunën ca uisashi oquin cara Nucën Papa Diosan atu upí ꞌimitisa tancëxunbi ꞌunánma ꞌicën. Usa ꞌaish ca bëmápucucësa ꞌiacëxa. Bërí nëtë́nribi ca a bana isquinbi cuatima. Cristomi catamëquin cuni ca unin, uisashi oquin cara Nucën Papa Diosan Moisés ꞌinan bana quicësabi oi ꞌinun aín unicama ꞌimiti ꞌicë quixun ꞌunánti ꞌicën.

Efesios 4:18

Usa ꞌaish ca bëánquibucë ꞌain mancasmatia uni bënë́cësaribi oi ꞌia. Cristo ñui quicë bana cuaisama tancë ꞌixun ca ainan ꞌiti ꞌunáncëma ꞌaish Nucën Papa Diosnan ꞌitsianxbi ainanma ꞌicën.

Filipenses 1:22

Usa ꞌaínbi cana ꞌëx bamacëma pain ꞌixun uni Cristo ñuiquin bana ñuixunquin ëniman. Usoquin ꞌën ñuixuncëx ca uni Cristomi sinanati ꞌicën. Usa ꞌain cana uisairai ꞌiti carana cuëëni quixun ꞌunaniman.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.