Hechos 3:16 - Kashibo-Kakataibo Biblia

¹⁶ Usa ꞌain ca nux asérabi ami sináncë ꞌixun —Jesusan ca ënë uni pëxcuti ꞌicë —quixunu nun sináncëbë, mitsúnmi a iscë ꞌixun ꞌunáncë uni ënëx upiti pëxcúaxa. Jesucristonëan pëxcutisa tancëbëtan nun ꞌaquincëx ca upitiira pëxcúaxa quixun camina iscanti ꞌain.

Nukën 'Ibu Diosan ain unikama 'inan ain bana

¹⁶ Usa 'ain ca nux asérabi ami sináncë 'ixun —Jesusan ca ënë uni pëxcuti 'icë —quixunu nun sináncëbë, mitsúnmi a iscë 'ixun 'unáncë uni ënëx upiti pëxcúaxa. Jesucristonëan pëxcutisa tancëbëtan nun 'aquincëx ca upitiira pëxcúaxa quixun camina iscanti 'ain.

Hechos 3:16 ပူးပေါင်းရင်းမြစ်များ

Mateo 14:29

Cacëxun ca Jesusan cacëxa: —Ca ut. Cacëx ca Pedro manë nuntinuax ꞌibúquiani parúmpapa camánanën niquiani Jesúsnu cuancëxa.

Mateo 9:22

Ticaia tani niracëti cuainacëquin ca Jesusan a xanu mëraquin cacëxa: —Camina chuámarua ꞌiti ꞌain. ꞌËn cana mi pëxcuti ꞌai quixun asérabi sinani camina pëxcúan. Cacëxëshi ca pëxcúacëxa.

Juan 14:12

Asérabi cana ꞌën mitsu cain, ꞌëx Nucën Papa Diosnu cuancë cupí ca axa ꞌëmi catamëcë uni, an ꞌën ꞌacë ñuribi ꞌati ꞌicën, ꞌanan ca ꞌën ꞌacësamaira oquin ñu ꞌati ꞌicën.

Juan 7:23

¿Mitsun bëtsi nëtën ꞌacësaribi oquin anun ñu mëëtima nëtë́nribi Moisés quicësabi oquin ꞌati cupí, tuá judío ꞌicë ꞌunánti ocë ꞌaíshbi caramina uisa cupí anun ñu mëëtima nëtën ꞌën uni pëxcucëbë ꞌëmi nishin?

Hechos 14:9

Usa ꞌixun ca a unin tsóxun Pablonëan bana ñuia cuacëxa. Cuatia isquin ca Pablonën, ënë unin ca —Nucën Papa Diosan ca ꞌë pëxcuti ꞌicë —quixun sinania quixun ꞌunáncëxa.

Hechos 16:18

Usai quiquin ca ꞌitsa nëtën nu nuiacëxa. Usoquin ꞌuran ubíocëx cuainacë́quin ca Pablonën ñunshin ꞌatima cacëxa: —Jesucristonëan quimicëxun cana mi cain, ënë xanunuax ca chiquit. Quixuan cacëxëshi ca bënëtishi ñunshin ꞌatima chiquíacëxa.

Hechos 3:6

Caíncëxunbi ca Pedronën cacëxa: —Curíquiñuma cana ꞌain. Usa ꞌaínbi cana bëtsi ñun mi ꞌaquinti ꞌain. Jesucristo, Nazaretnu ꞌicë, an ꞌë ꞌamicëxun cana mi cain, niruquiani ca cuantan.

Hechos 3:8

Pëxcutishi munuma niruishi nitsi cuëëni chirini, Pedro ꞌimainun Juanbë anuxun a rabiti xubunu atsínquin ca Nucën Papa Dios rabiacëxa.

Hechos 4:10

Usa ꞌain cananuna Israel unicaman ꞌunánun mitsu cain, Jesucristo, Nazaretnu ꞌicë mitsúnmi i curúsocënu matásmicëx bamacëbia Nucën Papa Diosan baísquimicë, an ꞌimicëx ca mitsúnmi iscë ënë uni pëxcúonxa.

Hechos 4:30

ꞌAquianan camina min Bëchicë upíira sinánñu, Jesús, aín cushin, uni ꞌinsíncë pëxcüanan uni itsin ꞌacëma ñu ꞌanun nu ꞌamiti ꞌain.

Hechos 4:7

Anu timë́xun ca Juancëñun Pedro sipunua bënun quixun suntáru xuacëxa. Xucëxuan chiquínbëtsinquin bëxun suntárunën axa timë́cë unicama nëbë́tsi nitsíncë ca anu ꞌicë ꞌapucaman ñucácëxa: —¿Uían ꞌamicëxun caramina aín niti bëtsicë uni pëxcüan? ¿Uisa cushiñu ꞌixun caramina ꞌan?

Romanos 3:22

Camabi uni an Jesucristomi catamëquin —aín quicësabi oquin ca ꞌën ꞌuchacama tërë́nti ꞌicë —quixun ꞌunáncë, acama ca Nucën Papa Diosan upí isia. Jesucristomi catamëcë cupíshi ca an judíos uni ꞌimainun judíosma uniribi upí isia.

1 Corintios 13:2

ꞌËn Nucën Papa Diosan a sinánmicë ñu ñuiquin unicama ñuixuanan, camabi ñu ꞌunánquin uni itsin ꞌunáncëma ñuribi ꞌunánan, —Nucën Papa Diosan ca ꞌë ꞌaquinti ꞌicë —quixun sinánquin aín cushin aín bashibi amanu tacuiabi, ca uni itsi nuibaquin ꞌacëma ꞌicë Nucën Papa Diosan ꞌë upí isima.

Deuteronomio 32:4

Ax ka an nu bërúankë ꞌikën; an ꞌakë ñux ka upíira upí ꞌikën, an ꞌakë ñux ka asérabi upí ꞌikën. Ax ka Dios ꞌaish këmëima asérabi banaia, ¡an ka uínsaranbi an ñu ꞌatima ꞌakë uni abi ꞌatima oima ꞌaínbi ka ënkinma a unikama ꞌatima onuxun ꞌaia!