Hechos 3:14 - Kashibo-Kakataibo Biblia

¹⁴ Usai ꞌiquin camina axa ñu ꞌatima ꞌacëma ꞌaish upíira sinánñu, a chiquínun caquinma, an uni ꞌacë uni a chiquínun quixun mitsun Pilato can.

Nukën 'Ibu Diosan ain unikama 'inan ain bana

¹⁴ Usai 'iquin camina axa ñu 'atima 'acëma 'aish upíira sinánñu, a chiquínun caquinma, an uni 'acë uni a chiquínun quixun mitsun Pilato can.

Hechos 3:14 ပူးပေါင်းရင်းမြစ်များ

Salmos 16:10

min kamina anu uni ñuia maínkë anu ꞌikëbi ꞌë ëntima ꞌain, ¡usa ꞌain kamina an mi ñu ꞌaxunkë uni uinubi ëntima ꞌain!

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Mateo 27:20

Pilátonën —¿ui carana chiquínti ꞌai? —quixun ñucácëxbi ca judíos sacerdotenën cushicama ꞌimainun ampan caniacëcë unicamax anu ꞌicë judíos unicama timëcamëëocë a tsuaquirumi quiacëxa, —Camáxbi cananuna quiti ꞌain, Barrabas chiquíanan ca Jesús ꞌati ꞌicën.

Marcos 1:24

—Jesús, Nazaretnu ꞌicë, min caina nu uisa oti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë a ꞌain.

Marcos 15:11

Usaquian cacëxunbi ca judíos sacerdotenën cushicaman, anu timëcamëꞌëocë unicama tsuáquirumiquin cacëxa: —Ama, Barrabása chiquínun cananuna cati ꞌain.

Marcos 15:7

Usa ꞌain ca anua ꞌicë sipuacë unicama raíri ami nishi tsuáquiruquian an uni ꞌacë ꞌiacëxa. An uni ꞌacë a unicama achúshi ca Barrabás ꞌiacëxa.

Lucas 1:35

Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti ꞌicën. Manámi ꞌicë Nucën Papa Diosan sinanën camina tuñu ꞌiti ꞌain. Usaquian sinánxuncëxunmi tuacëx ca ax Nucën Papa Diosan iscëx upíira ꞌiti ꞌicën, —ax ca Nucën Papa Diosan Bëchicë ꞌicë —quiax ca unicamax a ñui quiti ꞌicën.

Lucas 23:25

Caxun ca Barrabás, an unicama tsuáquirumianan uni ꞌacë cupí sipuacë uni, a judíos unicaman ñucácësabi oquin chiquíancëxa. Usaquin chiquíanan ca Jesús, judíos unibunën ꞌapucamaxa cuëëncësabi oquian ꞌanun quixun, aín suntárucama cacëxa.

Juan 16:10

ꞌËn Papanu cuancëmi mitsun ꞌë istëcëncëbëtanma ca atun uisai cara ꞌëmi catamëcë ꞌaish uni upí ꞌiti ꞌicë quixun ꞌunánti ꞌicën.

Juan 18:40

Cacëxunbi ca amiribishi munuma cuëncëni banaquin judíos unicaman cacëxa: —A ꞌaxunma ca Barrabásëshi chiquin. Barrabás, ax ca an ñu mëcamacë uni ꞌiacëxa.

Hechos 13:28

Jesús ꞌanuxun sináncancëbëbi ca an ñu ꞌatima ꞌacë ꞌaíma ꞌiacëxa, a cupía ꞌati. Usa ꞌaínbi ca judíos unicaman ainsa Jesús ꞌaminun quixun Pilato cacëxa.

Hechos 22:14

Iscëxun ca ꞌë cacëxa: Nucën Papa Dios, a nucën raracamanribi rabia, an ca mi caísacëxa, añu cara ax cuëënia quixun ꞌunánanmi aín Bëchicë aín sinan upíira aribi ꞌunánan ax banaia cuanun.

Hechos 4:27

David quiásabi oi ca asérabi ënë ëmanuax Herodesbë Poncio Pilato ꞌimainun judíosma unicama ꞌimainun Israel unicamaxribi, min Bëchicë upíira sinánñu, Jesús, ënë menu unúnmi caísa, ami nishi tsuáquirui timë́axa,

Hechos 5:28

—Nun cananuna mitsu amiribishi Jesús ñuiquin bana ñuixunxunma ꞌanun quixun can. Cacëxunbi mitsun nëtë́quinma a bana uni ñuixunia chanioia ca Jersualénu ꞌicë unicaman cuaxa. Usa ꞌaish camina nun isanuna uni Jesús ꞌamia quiaxribi quicanin.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Santiago 5:6

Mitsun camina ꞌuchañuma unibi ꞌuchoquin ꞌan. Usoquinmi ꞌacëxunbi ca atun mitsu cupicëma ꞌicën.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

Apocalipsis 3:7

Usaquin catancëxun ca ësaquinribi cuënëonun Jesusan ꞌë caxa: —An axa Filadelfianuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: A aín chaitiocë David ꞌiásaribi ꞌApu ꞌinun Nucën Papa Diosan ꞌimicë, Jesús, axa ꞌuchañuma ꞌaish aín bana asérabi ꞌice, ax ca an xëcuë bërúancë unisaribi ꞌicën. An xëcuë bërúancë ꞌixuan an xëocaia ca uinu ꞌicë unínbi xëcuë xëputima ꞌicën. ꞌImainun ca an xëpuia uinu ꞌicë unínbi xëcuë xëocatima ꞌicën. Usaribi oquin ca ui unix cara ainan ꞌiti ꞌicë, ui unin cara aín bana unicama ñuixunti ꞌicë, acama ainshi mëníoia. Usoquian an mëníocë ꞌain ca uinu ꞌicë unínbi —usama ca —catima ꞌicën. Ax usa ꞌixun ca ësaquin mi caia: