Hechos 3:13 - Kashibo-Kakataibo Biblia

¹³ Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.

Nukën 'Ibu Diosan ain unikama 'inan ain bana

¹³ Usama ca. Nucën Papa Dios, aira nucën rara Abraham, Isaac, Jacob acama 'imainun nucën raracama 'imainun nucën chaitiocëcaman rabia, an ca aín Bëchicë Jesús asaribi cushi 'inun 'imiaxa. Usa 'icëbi camina uni isa 'aminun quixun mitsun 'apucama 'ináncan. 'Ináncëa Pilatonën ëinsa tancëbëbi camina mitsux cuëëncëma 'ain.

Hechos 3:13 ပူးပေါင်းရင်းမြစ်များ

Éxodo 3:13

ꞌAínbi ka Moisésnën kakëxa: —Asabi ka ꞌaínbi ka anu kuantankëxun ꞌën Israel unibu: Mitsun chaitiokë kaman Diosan ka mitsunu ꞌë xuaxa kixun, kakëxunbi ka atun ꞌë ñukáti ꞌikën: ¿Uisa kara aín anë ꞌik? Ësakin ñukákëxun, ¿karana ꞌën uisakin kati ꞌain?

Éxodo 3:15

Kanan ka ësokinribi Diosan Moisés kakëxa: —Ënëx ka ꞌën anë uínsarabi nëtë́tima a ꞌikën, ënëx ka ꞌën anë uínsaran nëtënbi xënibua ꞌaínbi këñutima a ꞌikën. ꞌËx kana mitsun chaitiokëkama Abraham, Isaac, Jacob, akaman Dios a ꞌain, an ka mitsu kanun ꞌë xuaxa. ꞌËn anë ënëx ka këñutima a ꞌikën; ënëx ka ꞌën anë axa xënibua ꞌaínbi nëtë́tima a ꞌikën.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 22:32

“ꞌËx cana Abraham, Isaac, Jacob acaman rabicë Dios a ꞌain”. A bana cuënëo isquin cananuna ꞌunanin, Nucën Papa Dios ax ca bama ꞌaísha baísquitima unicaman Diosma ꞌicën. Ax ca camabi aín unicaman rabicë Dios a ꞌicën.

Mateo 27:2

Usai quitancëxun nëaxun ca Poncio Pilato, a nëtënu ꞌicë unicaman cushi, anu buáncëxa.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Marcos 15:11

Usaquian cacëxunbi ca judíos sacerdotenën cushicaman, anu timëcamëꞌëocë unicama tsuáquirumiquin cacëxa: —Ama, Barrabása chiquínun cananuna cati ꞌain.

Lucas 22:57

Usai quia ca Pedronën cacëxa: —Mixmi a ñui quicë uni a cana ꞌunaniman.

Lucas 23:4

Jesusan cacëxun cuaquin ca Pilátonën sacerdotenën cushicama ꞌimainun anu timë́cë unicama cacëxa: —ꞌËn iscëx ca ënë uni ꞌatima ñu ꞌacëma ꞌicën.

Lucas 6:37

Bëtsi uni ami manánquin ꞌuchocëma ꞌicë ca Nucën Papa Diosan mitsuribi ꞌuchotima ꞌicën. ꞌImainun ca ꞌuchoquinmi uni, bëtsi uni castícanmicëma ꞌicë Nucën Papa Diosan mitsuribi ꞌuchoquin castícantima ꞌicën. Uni itsíxa mitsumi ꞌuchacëxunbi camina abë mëníonanquin manumiti ꞌain. Usoquin ꞌaími unibë mëníonania ca Nucën Papa Diosan mitsux ami ꞌuchacëxunbi mitsun ꞌucha tërë́nquin manuti ꞌicën.

Juan 12:16

Usai ꞌia isquinbi ca aín ꞌunánmicë unicaman, a ñuiquin cuënëo bana quiásabi oi ca ꞌia quixun ꞌunánma ꞌicën. Baísquitancëxa Jesús naínu cuantëcëan cuni ca a ñuiquian, usai ca ꞌiti ꞌicë quixun cuënëosabi oi ca ꞌiaxa quixun ꞌunáncancëxa.

Juan 18:40

Cacëxunbi ca amiribishi munuma cuëncëni banaquin judíos unicaman cacëxa: —A ꞌaxunma ca Barrabásëshi chiquin. Barrabás, ax ca an ñu mëcamacë uni ꞌiacëxa.

Juan 19:11

Cacëxun ca Jesusan cacëxa: —Naínu ꞌicë Nucën Papa Dios cuëëncëbëtanma camina min ꞌë uisabi otsíama. Usa ꞌain ca an mi ꞌë ꞌináncë unicama ax mix ꞌicësamairai ꞌuchaxa.

Juan 19:12

Usoquian Jesusan cacëxuan Pilátonën Jesús chiquínti sinaniabi ca judíos unicaman munuma cuëníshoquin cacëxa: —Min ënë uni chiquíanx camina Romanu ꞌicë ꞌapu Césarbë upí ꞌitima ꞌain. Uinu ꞌicë unix cara —ꞌëx cana ꞌapu ꞌai —quia, ax ca Césarbë nishanancësa ꞌiti ꞌicën.

Juan 19:15

Cacëxun ca cuëníshoquin cacëxa: —Ca bamati ꞌicën, ca bamati ꞌicën. I curúsocënu ca matas. Cacëxun ca Pilátonën cacëxa: —¿ꞌËn carana mitsun ꞌapu i curúsocënu matásmiti ꞌain? Quia ca sacerdotenën cushicaman cacëxa: —Nun ꞌapu itsi ca ꞌaíma ꞌicën. Césarnëxëshi ca nun ꞌapu ꞌicën.

Juan 7:39

Nucën Papa Diosan Bëru Ñunshin Upí ca axa ami catamëcë unicamanu uti ꞌicë quixuan ꞌunánun ca Jesusan usaquin unicama cacëxa. Ax bamatancëx baísquitancëx naínu cuancëma pain ꞌaían Nucën Papa Diosan aín Bëru Ñunshin Upí aín unicamabë ꞌinun xucëma pain ꞌain ca Jesusan usaquin unicama cacëxa.

Hechos 22:14

Iscëxun ca ꞌë cacëxa: Nucën Papa Dios, a nucën raracamanribi rabia, an ca mi caísacëxa, añu cara ax cuëënia quixun ꞌunánanmi aín Bëchicë aín sinan upíira aribi ꞌunánan ax banaia cuanun.

Hechos 24:14

Usa ꞌain cana mi cain, Nucën Papa Dios a ꞌën raracaman rabia, a cana ꞌënribi rabin. Aín bana, Moisésnën cuënëo ꞌimainun an Nucën Papa Dios quicë bana uni ñuixuncë unicamanribi cuënëo, a banacamax ca asérabi ꞌicë quixun cana ꞌunan. Usa ꞌaish cana a banacama quicësabi oía uá aín Bëchicë amia ax ꞌëbë sináncë unicamabë ami catamëtin, judíos unicama raírinëxa ami sinántisama tancëbëbi.

Hechos 3:12

Usaria isquin ca Pedronën anu timë́cëcama cacëxa: —Israel unicama, ¿uisacatsi caramina ënë isi ratutin? ¿Uisacasquin caramina nu ñachaira ñachain? Nun cushínbi isanuna ꞌa quixun sapi camina sináncanin. Nux upí ꞌixun isanuna ënë uni nimia quixun sapi camina sináncanin.

Hechos 3:26

Nucën Papa Diosan ca aín Bëchicë bamacëbi baísquimitancëxun judíos unicama mitsunu pain xuaxa, mitsúnmi a isi ami sinanaquin ñu ꞌatima ꞌati ënun quixun.

Hechos 4:27

David quiásabi oi ca asérabi ënë ëmanuax Herodesbë Poncio Pilato ꞌimainun judíosma unicama ꞌimainun Israel unicamaxribi, min Bëchicë upíira sinánñu, Jesús, ënë menu unúnmi caísa, ami nishi tsuáquirui timë́axa,

Hechos 4:30

ꞌAquianan camina min Bëchicë upíira sinánñu, Jesús, aín cushin, uni ꞌinsíncë pëxcüanan uni itsin ꞌacëma ñu ꞌanun nu ꞌamiti ꞌain.

Hechos 7:32

“ꞌËx cana min raracama aín Dios ꞌain. Abraham, Isaac, Jacob acaman Dios cana ꞌëx ꞌain”. Ësai quia cuati racuëti bërëruquin ca Moisésnën istisama tancëxa.

Romanos 9:5

Israel unicamax ca Abraham ꞌimainun Isaac ꞌimainun Jacob, Israelribi cacë, acaman rëbúnqui ꞌicën. Uni ꞌaish ca Cristonën ꞌunánpaparibi Israelnën rëbúnqui ꞌiacëxa. Ax Diosribi ꞌaish ca camabi uni, camabi ñun ꞌibu ꞌianan ángelcaman ꞌiburibi ꞌicën. A ca camabi unin xënibua ꞌaínbi rabiti ꞌicën. Usai ca ꞌiti ꞌicën.

Hebreos 2:9

Usa ꞌaínbi cananuna Jesús ꞌunanin. A ca Nucën Papa Diosan, usabi ꞌinuxmabi ënë menu uni ꞌaish ángelcama meura ꞌinun xuacëxa. Unicama nuibaquian Nucën Papa Diosan sinánsabi oi ca ax camabi unin ꞌucha cupí bamacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,