Hechos 3:1 - Kashibo-Kakataibo Biblia

¹ Usa ꞌain ca bari cuabúcëbë a las tres ꞌain camabi nëtë́an ꞌicësabi, Pedrobë Juan anuxun Nucën Papa Dios rabiti xubunu abë banai cuancëxa.

Nukën 'Ibu Diosan ain unikama 'inan ain bana

¹ Usa 'ain ca bari cuabúcëbë a las tres 'ain camabi nëtë́an 'icësabi, Pedrobë Juan anuxun Nucën Papa Dios rabiti xubunu abë banai cuancëxa.

Hechos 3:1 ပူးပေါင်းရင်းမြစ်များ

1 Reyes 18:36

Usakin ꞌakin kamabi mëníokë ꞌain ka anun ñuina xaroti hora ꞌikëbë an Dios kikë bana uni ñuixunkë Elías, anuxun ñuina xaroti ꞌurama ai munuma banai ësai kiakëxa: “¡ꞌËn ꞌIbu Dios Abraham, Isaac ꞌimainun Israelnën Dios kamina mix ꞌain: usa ꞌixun kamina bërí unikaman mix kamina Israel unikaman Dios ꞌai kixun unánun, ꞌëx min uni ꞌixun mi ñukákë usokinbi ꞌati ꞌain, min kamina ësokin ënëkama ꞌanu ꞌë kan!

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Daniel 9:21

Kakëbëbi ka Gabriel kakë ángel ꞌën namákësokin iskëbëa ꞌëmi mërakë ax nuánkësakuatsini anu ꞌëx ꞌikë anu uaxa. Ukë anun ka Dios ñuina xaroxunti hora ꞌiti chukúmara pishinkë ꞌain bari kuabuti ꞌiaxa.

Mateo 17:1

Usaquin aín ꞌunánmicë unicama catancëx ca mëcën achúshi ꞌimainun achúshi nëtë ꞌicëbë aín ꞌunánmicë uni raíri ëbiani, Pedrocëñun Jacobo ꞌimainun aín xucën Juan, acamaishi buani Jesús matánu cuancëxa.

Mateo 26:37

Usaquin cabiani Pedro ꞌimainun Zebedeonën bëchicë rabë́, Jacobocëñun Juan, acama buani cuaníbi ca Jesús —uisai carana ꞌiti ꞌai —quixun sinani masá nuituacëxa.

Mateo 27:45

Usa ꞌain ca bari xamárucëbëbi me bëánquiacëxa. Bëánquiax ca rabë́ ꞌimainun achúshi hora bari pëquitëcëancëxa.

Lucas 1:10

Usa ꞌain ca Zacaríasnën tsëpasa ñu xaromainun judíos unicaman ëmánxun Nucën Papa Dios abë banaquin rabiacëxa.

Lucas 18:10

—Uni rabëtax ca Nucën Papa Diosbë banai anuxun a rabiti xubunu cuanxa. Achúshinëxa fariseo uni ꞌimainun ca bëtsix an ꞌapu buánmiti curíqui bicë uni ꞌiaxa.

Lucas 22:8

A nëtë ꞌicëbëtan ca Jesusan Pedrocëñun Juan xuquin cacëxa: —Ënë nëtë́nu a piti ñu pinun camina nu mëníoxuni cuanti ꞌain.

Lucas 24:53

Cuantancëxun ca nëtë camabi anuxun Nucën Papa Dios rabiti xubunu cuanxun cuanxun, a rabiacëxa. Ashi.

Juan 21:7

Usocëbëtan ca aín ꞌunánmicë uni achúshi, aira nuibacë, an —ax ca Nucën ꞌIbu ꞌicë —quixun Pedro cacëxa. Cacëxuinshi pëxúan nancë aín chupa bixun pañutancëx ca Pedro nuntinuax bacanu ꞌibúquiani Jesúsnu cuancëxa.

Hechos 10:3

Usa ꞌixun ca bëtsi nëtën bari cuabutia, a las tres ꞌain, namáquin iscësoquin ángel achúshi Nucën Papa Diosan xucëx anu aia upí oquin isacëxa. Iscëx anua ꞌicënu atsínquin ca —Cornelio —caquin cuëancëxa.

Hechos 10:30

Cacëxun ca Pedro Cornelionën cacëxa: —Rabë́ ꞌimainun rabë́ nëtë ca ꞌëx anun ësañuribi baria cuabúcëbë, ꞌëx ꞌicësabi ñubi piaxma ꞌën xubunuax Nucën Papa Diosbë banaëxancë ꞌicën. Banaquin iscëx ca uni achúshi aín chupa chaba chabaquicë ꞌaish ꞌën bëmánanu niracëxanxa.

Hechos 2:46

Camabi nëtën anuxun Nucën Papa Dios rabiti xubunu a rabinux timë́anan ca atun xubunuribi timë́xun Jesúsmi sinánquin tëcë́npaxun pán pianan bëtsi ñuribi piquianani cuëëni bëtsibë bëtsibë nuibanancëxa.

Hechos 3:3

Usa ꞌixun ca anu tsóxun Pedrocëñun Juan atsini aia isquin, curíqui isa ꞌinánun quixun cacëxa.

Hechos 3:4

Cacëxunbi ca Juanbëtan isquin Pedronën cacëxa: —Nu ca is.

Hechos 4:13

Usa ꞌain ca Pedrobëtan Juanën quirica ꞌunáinracëma ꞌianan ꞌapuma ꞌixunbi racuë́quinma unicama bana ñuixunia isi judíos ꞌapucamax ratúacëxa. Usai ꞌiquin ca —ënë uni rabëtax ca axa Jesúsbë nicë a ꞌicë —quixun sináncëxa.

Hechos 5:25

Usai ꞌia ca uni achúshinën uxun cacëxa: —Minmi sipuoncë unicaman ca anuxun Nucën Papa Dios rabiti xubunuxun unicama bana ñuixunia.

Hechos 8:14

Usa ꞌain ca Samarianu ꞌicë unínribi ca Nucën Papa Diosan bana cuaxa quixuan ñuicania Jesusan aín bana uni ñuixunun caíscë unicaman Jerusalénuxun cuacëxa. Cuaxun ca Pedrocëñun Juan anua cuantánun xuacëxa.

Gálatas 2:9

Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.