Hechos 28:8 - Kashibo-Kakataibo Biblia

⁸ Nux anu ꞌain ca Publionën papa ꞌinsinan ꞌianan chixutanribi ꞌi, racácë ꞌiacëxa. Usa ꞌicëa ñuia cuati ca Pablo a isi cuancëxa. Cuanxun ca Nucën Papa Diosbë banatancëxun aín mëcënan ramëquin pëxcüacëxa.

Nukën 'Ibu Diosan ain unikama 'inan ain bana

⁸ Nux anu 'ain ca Publionën papa 'insinan 'ianan chixutanribi 'i, racácë 'iacëxa. Usa 'icëa ñuia cuati ca Pablo a isi cuancëxa. Cuanxun ca Nucën Papa Diosbë banatancëxun aín mëcënan ramëquin pëxcüacëxa.

Hechos 28:8 ပူးပေါင်းရင်းမြစ်များ

Mateo 10:1

Usa ꞌain ca Jeusasan aín ꞌunánmicë uni mëcën rabë́ ꞌimainun rabë́ a timëxun cacëxa: —ꞌËn cushi cana mitsu ꞌinanin. Anun camina ñunshin ꞌatima uninua chiquíanan uni ꞌinsíncëcamaribi pëxcuti ꞌain.

Mateo 10:8

Ñuixuanan camina ꞌinsíncë unicama pëxcüanan uni bamacë baísquimianan an aín nami chëquímicë ꞌinsínñu uni asábi ꞌitëcënun pëxcüanan uninua ñunshin ꞌatima chiquínti ꞌain. ꞌËn cana anúnmi uni ꞌaquinun cushi ꞌinánquin mitsu cupíomicëma ꞌain. Usa ꞌain camina mitsúnmi ꞌaquincë uni cupí ñucátima ꞌain.

Mateo 12:13

Catancëxun ca Jesusan, uni aín mëcë́nmi ñucë cacëxa: —Ca mëshpat. Cacëx mëshpatishi ca mëpëxcüacëxa, aín mëcën itsisaribi upí ꞌitánun.

Mateo 9:18

Juanën ꞌunánmicë unibubëa Jesús banacëbëbi ca anua judíos unicama timë́cë xubunu ꞌicë ꞌapu, Jairo cacë, ax uacëxa. Uquin ca aín bëmánon rantin purúnquin Jesús cacëxa: —ꞌËn ini bëchicë ca bërí bamaxa. Bamacëbi camina mix ꞌëbë cuanxun a ramëti ꞌain. Min ramëcëxëshi ca asábi ꞌinux baísquiti ꞌicën.

Marcos 16:18

Usai ꞌianan aín mëcënan bicëxunbi ca runun ꞌatima ꞌicën. ꞌImainun ca muca ñua xëacëxunbi uisabi otima ꞌicën. ꞌImainun ca aín mëcënan ramëcëx uni ñucë pëxcúti ꞌicën.

Marcos 5:23

tsóbuquin ca Jesús cacëxa: —ꞌËn ini bëchicë ca bamaia. Usa ꞌain camina min mëcënan ramëquin pëxcuxuni ꞌëbë cuanti ꞌain.

Marcos 6:5

Usaquian ax quicësabi oquin aín bana cuatiama ca Jesusan, uni itsían ꞌacëma ñu anu ꞌicë unicama ꞌaxuanma ꞌicën. Uni ꞌinsíncë ꞌitsama, ashi cuni ca aín mëcënan ramëquin pëxcüacëxa.

Marcos 7:32

Cuanía bëbacëbëtan ca pabë ꞌaish banaibi upitiira banacëma uni bëxun unicaman Jesús aín mëcënan isa ramënun quixun cacëxa.

Lucas 13:13

Caquian ramëcëxëshi ca chairui asábi ꞌiacëxa. Usai ꞌiquin ca Nucën Papa Dios rabiacëxa.

Lucas 4:40

Bari cuabucëbëa bëbaquíshbucëbëtan ca a ëmanu ꞌicë unicaman, uni ꞌinsíncëcama bëtsi bëtsi ꞌinsínñu an pëxcunun Jesúsnu bëacëxa. Bëia ca camabi, aín mëcënan ramëquin, pëxcüacëxa.

Hechos 28:7

Anunu ꞌicë a ꞌurama ca a nasínu ꞌicë Publio cacë uni aín tucuricu aín me ꞌiacëxa. Usa ꞌain ca a unin bitancëxun aín xubunu ꞌinun quixun nu cacëxa. Cacëx anu rabë́ ꞌimainun achúshi nëtën abë ꞌia ca pimianan nu ꞌaquiancëxa.

Hechos 28:9

Usocëbëa anu aia ca Pablonën a nasínua ꞌicë uni ñucëcamaribi pëxcüacëxa.

Hechos 9:40

Ismicëxun anu ꞌicë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.

1 Corintios 12:28

Nucën Papa Diosan mëníosabi oquin ca axa Jesucristomi catamëcë unicaman bëtsi bëtsi ñu ꞌaia. Raíri unix ca aín bana ñuixunuan Jesucristonën caíscë ꞌia. Raíri unin ca Nucën Papa Dios quicë bana unicama ñuixunia. Raíri unin ca axa Jesúsmi catamëcë unicama aín bana ꞌunánmia. Raíri unin ca uni itsin ꞌacëma ñu ꞌaia. Raíri unínribi ca uni ñucë pëxcuia, raíri unin ca unicama ꞌaquinia, raíri unix ca Nucën Papa Diosan bana cuatia timë́cë unicama aín cushi ꞌia, raíri uníxribi ca Nucën Papa Dios rabi unían cuatima banan banaia.

1 Corintios 12:9

Nucën Papa Diosan ca aín Bëru Ñunshin Upitan ꞌimicëxuan uni raírin ami catamëquin —Nucën Papa Diosan ca asérabi ꞌë ꞌaquinia —quixun ꞌunánquin upí ñu ꞌanun ꞌamia. ꞌAmianan ca aín Bëru Ñunshin Upitan ꞌamicëxuan bëtsi bëtsi unin uni ꞌinsíncë pëxcunun quixun ꞌamia.