Hechos 28:7 - Kashibo-Kakataibo Biblia

⁷ Anunu ꞌicë a ꞌurama ca a nasínu ꞌicë Publio cacë uni aín tucuricu aín me ꞌiacëxa. Usa ꞌain ca a unin bitancëxun aín xubunu ꞌinun quixun nu cacëxa. Cacëx anu rabë́ ꞌimainun achúshi nëtën abë ꞌia ca pimianan nu ꞌaquiancëxa.

Nukën 'Ibu Diosan ain unikama 'inan ain bana

⁷ Anunu 'icë a 'urama ca a nasínu 'icë Publio cacë uni aín tucuricu aín me 'iacëxa. Usa 'ain ca a unin bitancëxun aín xubunu 'inun quixun nu cacëxa. Cacëx anu rabë́ 'imainun achúshi nëtën abë 'ia ca pimianan nu 'aquiancëxa.

Hechos 28:7 ပူးပေါင်းရင်းမြစ်များ

Hechos 13:7

Barjesús ax ca aín anë itsi Elimas cacë ꞌiacëxa. Elimas quicë ax ca ñubë́ qui quicë bana ꞌiacëxa. Barjesús ax ca Sergio Paulo cacë ꞌapu an ñu mëëxuncë uni ꞌiacëxa. Usa ꞌain ca Sergio Paulonën sinánñuira ꞌixun Nucën Papa Diosan bana cuaisa tanquin Bernabécëñun Saulo unun quixun camiacëxa. Sergio Paulonëan Nucën Papa Diosan bana sinántisa taniabi ca Barjesúsnën a bana sinánxma ꞌinun quixun cacëxa.

Hechos 18:12

Usaquian ñuixuncëbëbi ca Galión, axa Acaya menu ꞌicë unicaman ꞌapu ꞌain, judíos unicamax Pablomi nishi tsuáquiruacëxa. Tsuáquiruquin bibianquin ca an uníxa unimi manania cuacë unicama timë́cë anu buáncëxa.

Hechos 23:24

ꞌImainun camina anúan Pablo cuanun bëtsi caballoribi mëníoti ꞌain, anúnmi unínma ꞌaia bërúanxun, Pablo gobernador Felix anu buánun.

Hechos 28:2

A nasínu ꞌicë unicaman ca nu nuibaquin, ꞌuí ꞌimainun matsi ꞌain, ami nux sënamënun quixun tsi tícaquin ërë́nruacëxa.

Hechos 28:6

Usai ꞌia isquin ca aín mëcën ca uáti ꞌicë quixun anu ꞌicë unicaman sináncëxa. Sinánan ca —ca bamati ꞌicë —quixun sináncëxa. Sinánxun ꞌuran caíncëxbia uatima ꞌianan bamaiama oi ca bëtsi oquin sinani —ënë unix ca dios achúshi ꞌicë —quiacëxa.

Hechos 28:8

Nux anu ꞌain ca Publionën papa ꞌinsinan ꞌianan chixutanribi ꞌi, racácë ꞌiacëxa. Usa ꞌicëa ñuia cuati ca Pablo a isi cuancëxa. Cuanxun ca Nucën Papa Diosbë banatancëxun aín mëcënan ramëquin pëxcüacëxa.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.

Hebreos 13:2

Mitsun ꞌunáncëma unibi camina mitsun xubunu bëbaia cuëënquin biti ꞌain. Usai ꞌiquin ca raírinën ꞌunánquinmabi ángel, unisaribi ꞌicë, biacëxa.