Hechos 27:41 - Kashibo-Kakataibo Biblia

⁴¹ Chupa buánrucëbë bëqui, ami ꞌi cushiquin buánxun, ca suñun baca xobucë rabë́ nëbë́tsia ꞌicë masinu ráncaisama oquin manë nunti ꞌaruacëxa. Usa ꞌain ca ráncaisama ꞌain ami ꞌi cushi xuquiquin bacan manë nunti tsipun tucapacëxa.

Nukën 'Ibu Diosan ain unikama 'inan ain bana

⁴¹ Chupa buánrucëbë bëqui, ami 'i cushiquin buánxun, ca suñun baca xobucë rabë́ nëbë́tsia 'icë masinu ráncaisama oquin manë nunti 'aruacëxa. Usa 'ain ca ráncaisama 'ain ami 'i cushi xuquiquin bacan manë nunti tsipun tucapacëxa.

Hechos 27:41 ပူးပေါင်းရင်းမြစ်များ

Hechos 27:17

Bëxun cananuna manë nunti chanu ꞌaruacën. ꞌArutancëxun ca an manë nunti niquincë unicaman manë nunti cushioquin aín amo camabi runucaxun nëacëxa. Nëatancëxun ca sináncëxa, Sirte cacë masi ꞌurama sapi cananuna ꞌai quixun. Uinu ꞌicë unin cara a masi amatia, ax ca anu pëánquiax ëchiquitima ꞌicë quixun sinani ca anu cuainsama tancëxa. Usa ꞌain ca racuëti amiquisama tanquin, chupa ami suñu bëquicë, an nunti niquincë unin buánpacëxa. Buánpaquin ca suñúinshia nu buántanun quixun sináncëxa.

Hechos 27:30

Caínquin ca an nunti niquincë unicaman manë nunti rëbunuxun tësë itsin tëcërëcaxun manë nipácësa ꞌitánun, nunti chucúmara a anun menu cuanuxun nanpácatsi quixun sináncëxa.

Hechos 27:40

Sinánxun ca anun tëcërëcacë itsi tëaquin manëa nipácë a parúnpapanubi ëancëxa. Ëanan ca anun puntëbianquin buánti manë nunti tsipúnua ꞌicë inti, a anun tëcërëcacë itsicama tubuacëxa. Tubutancëxun ca manë nunti rëbunu nitsíncë iimi, ami ꞌiquian suñun manë nunti buánun quixun chupa buánruacëxa.

Hechos 27:42

Tucapacëbëtan ca sipuacë unicama mëñuquianx abáti rabanan suntárucaman ꞌacatsi quiacëxa.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.