Hechos 27:3 - Kashibo-Kakataibo Biblia

³ Usaquiani coonx cananuna Sidón cacë ëmanu bëbacën. Anu bëbaxun ca abë upí ꞌixun Julionën Pablo a ëmanua ꞌicë axa abë nuibanancë unicama isanan abë bananan, atun xubunuxun pitánun quixun cacëxa.

Nukën 'Ibu Diosan ain unikama 'inan ain bana

³ Usaquiani coonx cananuna Sidón cacë ëmanu bëbacën. Anu bëbaxun ca abë upí 'ixun Julionën Pablo a ëmanua 'icë axa abë nuibanancë unicama isanan abë bananan, atun xubunuxun pitánun quixun cacëxa.

Hechos 27:3 ပူးပေါင်းရင်းမြစ်များ

Génesis 10:15

Canaán ax ka rabë́ bëchikëñu ꞌiakëxa aín rëkuën ax ka ꞌiakëxa Sidón, kakë aín ꞌanáka ax ka ꞌiakëxa Het.

Génesis 49:13

Zabulónën rëbúnkin kamax ka parúmpapa kuëbí tsónuxun ꞌaia, anua ꞌaisamaira manë nunti këñuruti butun a urama kamina ꞌinuxun ꞌain. Usa ꞌain ka min me anua Sidón kakë ëma anu sënë́nbi ꞌunántiokë ꞌiti ꞌikën.

Mateo 11:21

—Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Hechos 12:20

Usa ꞌain ca Tiro ꞌimainun Sidón ëmanu ꞌicë unicamami Herodes nishacëxa. Herodes atumi nishcë ꞌixunbi ca a isi cuanti sináncancëxa. Usaquin sinánbiani riquianxun ca an Herodes ñu ꞌaquincë uni, Blasto, abë pain banacëxa. Abë banai mëníonanquin ca ësoquin cacëxa: —Tiro ꞌimainun Sidón ëmanu ꞌicë unicama nux cananuna aín menua piti marui, Herodesbë nuibanani tsótisa tanin. Usa ꞌain cananuna abë banatisa tanin.

Hechos 24:23

Catancëxun ca Felixnën aín capitán cacëxa: —Chiquíti rabanan camina Pablo bërúanti ꞌain. Bërúanquinbi camina añu cara ꞌaisa tania a ꞌamianan axa abë nuibanancë unicaman a istisa tania ismianan añu ñu cara cuëënia a ꞌaxunun ꞌamiti ꞌain.

Hechos 27:1

Usaquin anua César ꞌicë Italia menu nu xuti sinántancëxun ca Agripabëtan Festonën, Pablocëñuan sipuacë uni raíriribi, an buánun quixun Julio cacë capitán a cacëxa. Julio ax ca Augusto cacë suntárucama achúshi ꞌiacëxa.

Hechos 27:43

ꞌAcatsi quiabi ca aín capitán Julionën Pabloribima ꞌaia quixun sinánquin, sipuacë unicama ꞌaxunma ꞌanun quixun aín suntárucama cacëxa. Canan ca an mëñuti ꞌunáncëcamax paían mëñuquianx ꞌirumainuan,

Hechos 28:16

Usari ꞌi cananuna Roma ëmanu bëbacën. Bëbacëbëtan ca capitán Julionën an bëcë sipuacë unicama a guardianën cushi ꞌináncëxa. ꞌInánan ca Pablo bëtsi xubunua ꞌinun canan an bërúanun quixun suntáru achúshi cacëxa.