Hechos 27:24 - Kashibo-Kakataibo Biblia

²⁴ Iscëxun ca ꞌë caxa: Pablo, camina racuë́tima ꞌain. Mi cupí ca micëñun axa mibë manë nuntinu ꞌicë unicamaribi bacamiquiti ꞌicëbi Nucën Papa Diosan ië́miti ꞌicën. Ië́micëx cuanx camina Romanu ꞌicë ꞌapu, Césarnu bëbati ꞌain.

Nukën 'Ibu Diosan ain unikama 'inan ain bana

²⁴ Iscëxun ca 'ë caxa: Pablo, camina racuë́tima 'ain. Mi cupí ca micëñun axa mibë manë nuntinu 'icë unicamaribi bacamiquiti 'icëbi Nucën Papa Diosan ië́miti 'icën. Ië́micëx cuanx camina Romanu 'icë 'apu, Césarnu bëbati 'ain.

Hechos 27:24 ပူးပေါင်းရင်းမြစ်များ

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Génesis 19:29

Ësokin ka Nukën ꞌIbu Diosan ëma rabë́ anua Lot ꞌikë këñuakëxa, usakin a këñukinbi ka Abrahammi sinánkin aín piaka Lot ashi a ëmanua chikíankëxa.

Génesis 30:27

Kakëxunbi ka aín kuku Labánën kakëxa: —Usama ka ꞌëbëbi ꞌi kamina bërúti ꞌain. ꞌËn kana ꞌunanin Nukën ꞌIbun ka ꞌën sinánkëxun mix ënu ꞌëbë ꞌain ꞌitsaira ꞌë ꞌakinia usa ꞌain.

Génesis 39:23

usakin ꞌamainun an sipu bërúankë aín kushi an Josénën ꞌakë ñukama isama ꞌikën, usakin ka Nukën ꞌIbun ꞌakinkëxun aín ñu mëëtikama upíokin ꞌakëxa.

Génesis 39:5

Anúan Potifarnën José aín xubu ꞌimainun aín ñukama bërúanun ënkë nëtëkaman ka Nukën ꞌIbun Potifarmi upíokin sinánkin ꞌakiankëxa aín xubu ꞌimainun aín ñu ꞌapákë kamabi upí ꞌinun.

Génesis 46:3

Kakëxun ka Diosan kakëxa: —ꞌËx kana Dios min papan rabia a ꞌain. Usa ꞌain kamina Egipto menu kuanti rakuë́tima ꞌain: Anuxun kana ꞌën min rëbúnkikama achúshi ëma kushiira ꞌianan chaiira ꞌitánun ꞌuákamë ꞌëomiti ꞌain.

1 Reyes 17:13

Ësokin kakëxunbi ka Elíasnën kakëxa: —Kamina bamaiman usa ꞌain kamina rakuë́tima ꞌain. Kuantankëxun kamina ami ñuikë piti a ꞌai kuanti ꞌain. ꞌAínbi kamina ꞌë pain min ñuikë harina a pán chukúma ꞌitánun ꞌabëtsinkin bëxúnti ꞌain, usakin ꞌë pain bëxuntankëxun kamina minan ꞌanan min tuáribi pán ꞌaxúnti ꞌain.

2 Reyes 6:16

Kixuan kakëxun ka Eliseonën kakëxa: —Kamina rakuë́tima ꞌain, axa nubë ꞌikë ax ka ꞌitsaira ꞌaish atubëa ꞌikë abëtan sënë́nmaira ꞌikën.

Daniel 2:24

Usai Diosbë banakiani ka Daniel Arioc kakë uni ꞌapuan sinánñuira unikama Babilonia menu ꞌaminun kakë abë banai kuanxun ësokin kakëxa: —Sinánñuira unikama a kamina ꞌamitima ꞌain, ꞌë kamina uinu kara ꞌapu ꞌia anu buánti ꞌain, ꞌën kana an namákëkama a uisakin namákë kara ax ꞌikë kixun ñuixunti ꞌain.

Miqueas 5:7

Usa ꞌain ka Israel unikamax bëtsi bëtsi ëmanu ꞌikë unikamasamaira ꞌaish, nibí ꞌimainun ꞌuí Diosan menu ꞌibúmikëxua, xubi komikë usaribikin ka unixa usai ꞌiti ꞌikë kixun sinánkë ꞌaímabi ꞌiti ꞌikën.

Mateo 10:18

ꞌËn bana uni ñuixuncë cupí ca unin mitsumi nishquin judíosma unibunën ꞌapunu mitsu buánti ꞌicën, ami mitsu ñui manánuxun. Usocëxunbi camina a ꞌapucama ꞌimainun judíosma uniburibi ꞌën mitsu ꞌunánmicë banacama ñuixunti ꞌain.

Mateo 10:28

An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.

Juan 11:9

Quixuan cacëxun ca Jesusan cacëxa: —Achushi nëtëx ca doce horas ꞌicën, ¿usa cat? Barían pëcarupuncëbë xabá ꞌain ca unin upí oquin isquin chacáquinma upí oquin ñu mëëia.

Hechos 19:21

Usa ꞌain ca Pablonën Macedonia me ꞌimainun Acaya menu pain cuantancëx Jerusalénu cuanti sináncëxa. Jerusalénu cuanti sinani ca quiacëxa: Anu pain ꞌitancëx cana Roma ëmanuribi cuanti ꞌain.

Hechos 23:11

Usaquian ꞌoon ñantánbucëbëtan ca Nucën ꞌIbu Jesusan a rapasu niracëquin Pablo cacëxa: —Masá nuituti bënë́axma ca ꞌit. Jerusalén ënuxunmi ꞌë ñuiquin cacësaribi oquin camina Roma ëmanuxunribi ꞌë ñuiquin unicama bana ñuixunti ꞌain.

Hechos 25:11

Axa quicësabi oquin nun ꞌati bana quicësa oquin ꞌacëma ꞌicëa unin ꞌë bamamiti ca asábi ꞌitsíanxa. Usa ꞌaínbi ca uisa ñubi ꞌuchacëma ꞌicë atúxa ꞌë ñui quicë bana asérabima ꞌain, uinu ꞌicë unínbi atúan ꞌanun judios unicama ꞌë ꞌinántima ꞌicën. Usa ꞌain cana Romanu ꞌicë ꞌapu Césarnënbia uisa cupí cara uni ꞌëmi manania quixun isti cuëënin.

Hechos 27:31

Usoquian a unicaman ꞌaia oquin ca Pablonën Capitán Juliocëñun aín suntárucama cacëxa: —Ënë unicama manë nuntinu bërúcëbëma camina mitsux bacamiquiti ꞌain.

Hechos 27:37

Manë nuntinua ꞌicë unicamax cananuna doscientos setenta y seis uni ꞌiacën.

Hechos 27:42

Tucapacëbëtan ca sipuacë unicama mëñuquianx abáti rabanan suntárucaman ꞌacatsi quiacëxa.

Hechos 27:44

an mëñuti ꞌunáncëma unicamaxribi manë nunti panatan mëñuquianx caman ꞌirutanun quixun cacëxa. Capitán Julionën cacësabi oi mëñuquiani cuanx ca camáxbi caman ꞌirui cëñúruacëxa.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Filemón 1:22

Nucën Papa Diosmi ꞌë ñucáxuncëx cana mitsu isi cuanti ꞌai quixun cana sinanin. Usa ꞌain camina anu ꞌëx ꞌi cuanti ꞌë meníoxunti ꞌain.

Santiago 5:16

Usa ꞌain camina mitsúnmi min ꞌatimaquin sináncë a ñuixuananquin abëmi Jesucristomi catamëcë uni raíribë mia usa ñucama mëníoxunun Nucën Papa Dios ñucáxuananti ꞌain. Upíira oquin sinánquin ñucácë cupí ca Nucën Papa Diosan upí oquin uni ꞌaquinti ꞌicën.

Apocalipsis 1:17

Usa isi cana racuëtan bamai a tanáin nipacëan. Nipacëtia ca aín mëcën mëqueunën ramëquin ꞌë caxa: —Racuëaxma ca ꞌit. ꞌËx cana ñu ꞌaíma pan ꞌain ꞌiacën. Usa ꞌaish cana camabi ñu cëñúcëbë usabi ꞌiti ꞌain.