Hechos 27:23 - Kashibo-Kakataibo Biblia

²³ Ënë imë́ cana ainan ꞌixun ꞌën a rabicë, Nucën Papa Diosan xucë́xa ucë ángel isan.

Nukën 'Ibu Diosan ain unikama 'inan ain bana

²³ Ënë imë́ cana ainan 'ixun 'ën a rabicë, Nucën Papa Diosan xucë́xa ucë ángel isan.

Hechos 27:23 ပူးပေါင်းရင်းမြစ်များ

Salmos 116:16

¡ꞌËn ꞌIbu Dios, ꞌëx kana an mi ñu ꞌaxunkë uni a ꞌain! ¡ꞌËx kana an mi ñu ꞌaxunkë xanu aín tuá ꞌain! Min kamina an ꞌë nëakësa oxun ꞌatimamikë ñukama a ꞌë mëníoxuankën.

Éxodo 19:5

Usa ꞌain kana ꞌën kakësabiokin kamabi ñu ꞌatëkënkëbë achúshi ñu ꞌati sinanin, bëtsi unikamaxribi ka ꞌënan ꞌikën, ꞌaínbi kamina mitsuxira ꞌën unibu ꞌain, kamabi mex ka ꞌënan ꞌikën.

Isaías 44:21

“Nukën ꞌIbun ka Israel unibu kakëxa: Jacobnën rëbúnki mitsun kamina sinánti ꞌain, mix kamina ꞌën uni ꞌai kixun kanan; mix kamina ꞌën unio uni a ꞌain kixun kakëxa. Usa ꞌaish kamina Israel unikama mitsux ꞌëmi manútima ꞌain kixun.

Isaías 44:5

Usa ꞌain ka achúshi uni kiti ꞌikën: ꞌËx kana Nukën ꞌIbuna ꞌainꞌ, bëtsíxribi ka ax ka Jacobnën rëbúnki ꞌikë kiax anëti ꞌikën, ꞌimainun ka bëtsínribi aín mëkënnu: ꞌËx kana Nukën ꞌIbunan ꞌai kixun kuënëoti ꞌikënꞌ.” Usai ꞌikin ka aín anëkëñun Israelnën anëribi kuënëoti ꞌikën.

Jeremías 31:33

Usa ꞌain ka achúshi ñu mëníokin ꞌën Israel unikamabëtan anun ꞌati nëtë aia, usa ka ꞌiti ꞌikën: Anun kana ꞌën bana aín nuitu mëu upíokin sinankian manukima aín maxkátan ꞌunánun ꞌamiti ꞌain. ꞌËx kana atun Dios ꞌiti ꞌain, ꞌimainun ka atux ꞌën unikama ꞌiti ꞌikën. ꞌËx mitsun ꞌIbu ꞌaish kana asérabi ësai kiakën.

Ezequiel 36:38

ꞌImainun ka axa ami nishkë unikaman atun ëma masó anua tsókë unikama ax ꞌaisamaira ꞌinun kaiti, ovejakama fiesta ꞌakin anuxun rëxun xaroti Jerusalénnu buánkin timë́kë usaribi ꞌiti ꞌikën. Usakin ꞌakin ka ꞌëx kana Dios ꞌai kixun ꞌë ꞌunánkanti ꞌikën.”

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 3:26

Ësai kiküatsini aí ka ꞌapu Nabucodonosor tsi rëkirukë xëkuë a ꞌurama oi munuma banai kiakëxa: —¡Sadrac, Mesac ꞌimainun Abed-negó, Dios kushiira naínu ꞌikë aín unikama anuax chikíküatsini ka ënu ukan! Usakin kakëx ka uni bënákama ax tsi rëkirukë anuax chikíküatsini uakëxa,

Daniel 3:28

Usa ꞌikë iskëbëshi ka Nabucodonosor munuma banai kiakëxa: “¡Sadrac, Mesac ꞌimainun Abed-negó akaman Dios ax ka rabikë ꞌiti ꞌikën, an ka aín unikama an ënkinma rabikin ꞌapux kikë bana tani aín diosma ꞌain ami rantinpuruni ꞌikëma ꞌikëa bamamiti ꞌaínbi an ië́miti aín ángel xuaxa!

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Daniel 6:22

ꞌËn Diosan ka ꞌë uisabi oima paru ꞌinúankama kuëëtsë́kinun an ꞌimiti ain ángel xuaxa, Diosan ka ꞌëx kana uisa ñu ꞌatimabi ꞌakëma ꞌai kixun ꞌunánan ꞌën kana uisa ñu ꞌatimabi mix ꞌapu ꞌikë ꞌaxunkëma ꞌai kixun ꞌunánxa.

Malaquías 3:17

Kamabi kushiñuira Dios ax ka ësai kia: ꞌËn kana anua a unikama ꞌënan ꞌitëkënti achúshi nëtë mënion. Usakin ꞌakin kana achúshi unían an ñu mëëkinkë aín bëchikë nuibakë usaribi okin atu ꞌën nuibati ꞌain.

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.

Hechos 12:23

Usaía quicancëbëbi ca Herodes: ꞌËx cana diosma ꞌain, ꞌë rabixunma ca Diosëshi rabican —quiama ꞌicën. Usa ꞌain ca unicaman a rabicëbëtan, Nucën ꞌIbu Diosan bënë́nquinshi xucëxuan, aín ángelnën ꞌimicëx Herodes ꞌinsíancëxa. ꞌInsíanx ca xënan picëx bamacëxa.

Hechos 16:17

A xanu xuntacunëx ca Pablocëñun nu nuibiani munuma banai quiacëxa: —Ënë unicaman ca Dios, naínu ꞌicë ꞌApuira a ñu ꞌaxunia. Usa ꞌixun ca anúnmi mitsun ꞌuchacama tërë́ncë ꞌaish ainan ꞌiti bana mitsu ñuixunia.

Hechos 18:9

Usa ꞌain ca Pablonën namáquin cuacësa oquin ësaquian Nucën ꞌIbu Jesusan cacëxun imë́ cuacëxa: —ꞌË cana mibë ꞌain. Usa ꞌain ca uinu ꞌicë unínbi mi paë tanmiquin mëëtima ꞌicën. Ënë ëmanuax ca ꞌaisamaira uni ꞌënan ꞌiti ꞌicën. Usa ꞌain camina racuë́quin ënquinma ꞌën bana ñuixunti ꞌain.

Hechos 23:11

Usaquian ꞌoon ñantánbucëbëtan ca Nucën ꞌIbu Jesusan a rapasu niracëquin Pablo cacëxa: —Masá nuituti bënë́axma ca ꞌit. Jerusalén ënuxunmi ꞌë ñuiquin cacësaribi oquin camina Roma ëmanuxunribi ꞌë ñuiquin unicama bana ñuixunti ꞌain.

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa:

Hechos 8:26

Usaía ꞌian ca Nucën ꞌIbu Diosan xucëxun ángelnën Felipe cacëxa: —Jerusalénuax anun Gaza cacë ëmanu cuanti bai anu camina cuanti ꞌain. Usoquian ángelnën anu cuantánun quixun cacë bai ax ca anun anu uni ꞌicëma menu cuanti bai ꞌiacëxa.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 1:9

ꞌËn cana Nucën Papa Dios cuëëncësabi oquin chiquíshquinma aín Bëchicë ñuiquin unicama bana ñuixunin. An ca ꞌunania, ꞌën cana abë banaquin nëtë camabi mitsu ñucáxunin.

Romanos 6:22

Mitsúnmi ñu ꞌatima ꞌatëcënxunma ꞌanun Nucën Papa Diosan ꞌimicë ꞌixun camina ax cuëëncësabi oquin ꞌain. Usoquin ꞌaia ca Nucën Papa Diosan mitsu an iscëxmi upí ꞌinun ꞌimia. ꞌImianan ca nëtë́timoimi abë ꞌinun mitsu ꞌimia.

1 Corintios 6:20

Nucën Papa Diosan ca mitsúxmi ainainshi ꞌiti oquin aín Bëchicë bamati oquin mëníocëxa. Ainan ꞌaish camina mitsux cuëëncësa oi ꞌima ax cuëëncësabi oíshi ꞌiti ꞌain. Usa ꞌixun camina mitsun nami ꞌimainun mitsun sinan upí ꞌixun Nucën Papa Dios cuëëncësa oquinshi ñu ꞌati ꞌain. Usaími mitsux ꞌia isquin ca raírinën —upí ca Nucën Papa Dios ꞌicë —quixun ꞌunánti ꞌicën.

Deuteronomio 32:9

usakin ka Nukën ꞌIbu Jacobnën rëbúnkikama, aín uni ꞌiti kaisakëxa.

2 Timoteo 1:3

Nucën raracaman ꞌasaribi oquin ꞌënribi asérabi a ꞌinamëcë ꞌixun rabicë, Nucën Papa Dios, a cana imë́bi nëtë́nbi abë banaquin mi ñucáxunquin —asábi ca —quixun cain.

2 Timoteo 2:24

An Nucën ꞌIbu Dios ñu ꞌaxuncë unicaman ca abë cuëbicanánquinma camabi uni upíoti ꞌicën. Nucën Papa Diosan bana ꞌunáncë ꞌixun ca bëtsi uniribi anribia ꞌunánun ꞌunánmiti ꞌicën. ꞌIanan ca ami uni nishcë́xbi axribi unimi nishtima ꞌicën.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Apocalipsis 22:16

ꞌËx cana Jesús ꞌain. Usa ꞌixun cana axa ꞌëmi catamëcë unicaman ënë ñucama ꞌunánun ꞌën ángel mia canun xuan. ꞌËx cana David, axa judíos unibunën ꞌapu ꞌiá, aín rëbúnqui ꞌain. Usa ꞌaíshbi cana ꞌëx David ꞌicëma pan ꞌain ꞌiacën. Pëcaratia xaba ꞌinúan ꞌispon urucë usaribi cana ꞌëx ꞌiti ꞌain.