Hechos 27:11 - Kashibo-Kakataibo Biblia

¹¹ Cacë́xbi ca an manë nunti niquincë unicaman cushi ꞌimainun nunti ꞌibúxribi anu ꞌuran ꞌiisama tanmainun Julionëxribi Pablonën bana cuaisama tani cuancatsi quiax bënë́acëxa.

Nukën 'Ibu Diosan ain unikama 'inan ain bana

¹¹ Cacë́xbi ca an manë nunti niquincë unicaman cushi 'imainun nunti 'ibúxribi anu 'uran 'iisama tanmainun Julionëxribi Pablonën bana cuaisama tani cuancatsi quiax bënë́acëxa.

Hechos 27:11 ပူးပေါင်းရင်းမြစ်များ

2 Reyes 6:10

Usa ꞌain ka Israelnu ꞌikë ꞌapun aín suntárukama a menu kuantanun an Dios kikë bana ñuikë unin kakësabiokin ꞌamo xuakëxa, usakin ꞌakin ka ꞌitsokin axa atumi nishkë Sirionu ꞌikë suntárukaman ꞌati ꞌikëbi atu ië́miakëxa.

Ezequiel 33:4

ꞌAínbi ka uin kara manë banañu banoia kuakinbi kuakëmasa oia ax ka ami nishkë unikaman ami bëbarukin ꞌakëx bamati ꞌikë, ax ka aín ꞌuchabi ꞌiti ꞌikën,

Hechos 27:21

Usa ꞌain ꞌitsa nëtën picëma ꞌain ca Pablonën atu nëbë́tsinuax niruquin unicama cacëxa: —ꞌËn mitsu cacësabi oi Buenos Puertosnubi bërúax cananuna asábi ꞌianan nun ñucama pucëma ꞌitsían.

Hebreos 11:7

Ënë́nsaran nëtë́nmaribi ca Noénën ami catamëquin —Nucën Papa Dios quicësabi oi ca ꞌiti ꞌicë —quixun ꞌunáncëxa. ꞌUnáncë ꞌicë ca Nucën Papa Diosan Noé cacëxa, —camabi uníxa ꞌaisamairai ꞌuchacë cupí cana unían usai ñu ꞌiti sináncëbëtanmabi camabi me baca mapumiquin cëñuti ꞌai —quixun. Nucën Papa Diosan bana ca asérabi ꞌicë quixun ꞌunánquin ca Noénënshi, ꞌitsa ꞌuí ꞌibúcëma pain ꞌaínbi aín manë nunti chaira anua aín aintsi ꞌibucama atsínmiti ꞌacëxa, Nucën Papa Diosan a cacësabi oquin. An usoquin ꞌaia iscë unicama ca —ënë menu ꞌicë unicama ꞌaisamairai ꞌuchacë cupí ca Nucën Papa Diosan cëñuti ꞌicë —quixun Noénën ñuixuancëxa. Nucën Papa Dios quicësabi oi ca ꞌiti ꞌicë quixun sinánquian Noénën, an cacësabi oquin ꞌaia isi ca Nucën Papa Dios cuëëancëxa.

Santiago 3:4

Usaribi ca manë nunti ꞌicën. Chaira ꞌicëbi ca suñun bëcaquin buania. Usa ꞌicëbi ca an niquincë unin, uinu cara cuainsa tania ami oquin anun chibíti axa chairama ꞌaínbi anúinshi puntëbianquin buania.

Apocalipsis 18:17

Usa ꞌaínbi ca bënëtishi a ñu cupíira cupí ax cëñúaxa. Usai quicëbë ca ax manë nuntiñu ꞌicë unicama, ꞌimainun an a nunticama niquincë unicama, ꞌimainun axa a nunticaman cuancë unicama ꞌimainun parúnpapan bëtsi bëtsi nëtënua maruti ñu bënux cuancë unicamaxribi ꞌura sëtë́axa.