Hechos 27:1 - Kashibo-Kakataibo Biblia

¹ Usaquin anua César ꞌicë Italia menu nu xuti sinántancëxun ca Agripabëtan Festonën, Pablocëñuan sipuacë uni raíriribi, an buánun quixun Julio cacë capitán a cacëxa. Julio ax ca Augusto cacë suntárucama achúshi ꞌiacëxa.

Nukën 'Ibu Diosan ain unikama 'inan ain bana

¹ Usaquin anua César 'icë Italia menu nu xuti sinántancëxun ca Agripabëtan Festonën, Pablocëñuan sipuacë uni raíriribi, an buánun quixun Julio cacë capitán a cacëxa. Julio ax ca Augusto cacë suntárucama achúshi 'iacëxa.

Hechos 27:1 ပူးပေါင်းရင်းမြစ်များ

Génesis 50:20

Mikaman kamina ꞌë ꞌatima oti sinánkën, usakin mitsun ꞌaiabi ka Nukën ꞌIbu Diosan ꞌatima okin ꞌakë a upíokin bërínu iskë ñukama ënë mëníoxa: usa ꞌain kana ꞌën ꞌitsaira uni bamati ꞌikëbi ꞌakian.

Salmos 33:11

ꞌaínbi ka Nukën ꞌIbun uisakin kara ꞌaisatania usakinbi ñu ꞌakin ax kikësabi oia ꞌinun ꞌimia.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Lucas 23:47

Usaía ꞌicëcama isquin ca Romanu ꞌicë capitán Nucën Papa Dios rabi quiacëxa: —Asérabi ca ënë unix ꞌuchañuma ꞌiaxa.

Lucas 7:2

Capernaúm anu ca Romanu ꞌicë capitán achúshi ꞌiacëxa. An a capitán ñu mëëxuncë unix ca an nuibairacë ꞌaíshbi ꞌinsíanx bamatisa ꞌiacëxa.

Hechos 10:1

Cesárea ëmanu ca uni achúshi, Cornelio cacë, ꞌiacëxa. A unix ca cien suntárucama, Itálica cacë, aín cushi ꞌiacëxa.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

Hechos 16:10

Usoquian Pablon namáquin iscësa oquin isan cananuna nun Macedonia menuxun, Jesucristomi catamëti ca uni ainan ꞌiti ꞌicë quixun bana ñuixuni cuanti ca Nucën Papa Dios cuëënia quixun sináncën. Sinánquin cananuna bënë́nquinshi anu cuanuxun ñu mëníocën.

Hechos 18:2

Cuanx bëbaxun ca judío uni achúshi, Aquila cacë, mëracëxa. Ax ca Ponto cacë menuaxa bacë́an ꞌiacëxa. Usa ꞌaish ca aín xanu Priscilabë Italia menu ꞌicë Roma ëmanu ꞌiacëxa. ꞌIcëbëbia anu ꞌicë ꞌapu Claudio ax —judíos unicamax ca camáxbi Romanuax cuanti ꞌicë —quicëbë ca Corintonu tsoti cuancëxa. Usa ꞌain ca Corintonu bëbatancëx Pablo Aquilacëñun Priscila isi cuancëxa.

Hechos 19:21

Usa ꞌain ca Pablonën Macedonia me ꞌimainun Acaya menu pain cuantancëx Jerusalénu cuanti sináncëxa. Jerusalénu cuanti sinani ca quiacëxa: Anu pain ꞌitancëx cana Roma ëmanuribi cuanti ꞌain.

Hechos 21:32

Usaquin cuaquin aín suntárucamacëñun suntárunën cushicama timëtancëxun abáquianquin buanx ca comandante anua unicama ꞌicë anu bëbacëxa. Bëbaia isquin ca mëëquinbi Pablo ëancëxa.

Hechos 22:26

Ësaía Pablo quia cuabiani cuanxun ca capitanën ësaquin comandante cacëxa: —Ënë unix ca románo ꞌaish quiricañu ꞌicën. Usa ꞌain camina uisaquin caramina ꞌaisa tani usoquin ꞌanuxun upí oquin sinánti ꞌain.

Hechos 23:11

Usaquian ꞌoon ñantánbucëbëtan ca Nucën ꞌIbu Jesusan a rapasu niracëquin Pablo cacëxa: —Masá nuituti bënë́axma ca ꞌit. Jerusalén ënuxunmi ꞌë ñuiquin cacësaribi oquin camina Roma ëmanuxunribi ꞌë ñuiquin unicama bana ñuixunti ꞌain.

Hechos 23:17

Ñuixuncëxun cuaquin cuënxun ca Pablonën capitán achúshi cacëxa: —Ënë xu camina comandantebë ca banatisa tania anu buánti ꞌain.

Hechos 24:23

Catancëxun ca Felixnën aín capitán cacëxa: —Chiquíti rabanan camina Pablo bërúanti ꞌain. Bërúanquinbi camina añu cara ꞌaisa tania a ꞌamianan axa abë nuibanancë unicaman a istisa tania ismianan añu ñu cara cuëënia a ꞌaxunun ꞌamiti ꞌain.

Hechos 25:12

Usaquian cacëxun ca an a ꞌaquincë unicamabë banatancëxun Festonën Pablo cacëxa: —Césarnënbi uisa cupí cara uni mimi manania quixun isti cuëëncë cupí camina Césarnu cuanti ꞌain.

Hechos 25:25

ꞌAínbi ca ꞌën sináncëx a cupí bamati uisa ñubi ꞌacëma ꞌicën. Usa ꞌaínbi cana axbi, César Augustonënbi ca ꞌëmia uni manáncë bana istancëxun uisa cara oti ꞌicë quixun isti ꞌicë quixun ꞌë cacë cupí Césarnu xuti sinan.

Hechos 27:11

Cacë́xbi ca an manë nunti niquincë unicaman cushi ꞌimainun nunti ꞌibúxribi anu ꞌuran ꞌiisama tanmainun Julionëxribi Pablonën bana cuaisama tani cuancatsi quiax bënë́acëxa.

Hechos 27:43

ꞌAcatsi quiabi ca aín capitán Julionën Pabloribima ꞌaia quixun sinánquin, sipuacë unicama ꞌaxunma ꞌanun quixun aín suntárucama cacëxa. Canan ca an mëñuti ꞌunáncëcamax paían mëñuquianx ꞌirumainuan,

Hechos 27:6

Mira ëmanuxun ca a capitanën Alejandría ëmanuax ucë manë nunti isacëxa. Isun ca anúnu nux Italianu cuanun aín ꞌibubëtan mëníocëxa.

Hechos 28:1

Usai camáxbi bacamiquibi ië́xun cananuna —Malta cacë nasí ca ënëx ꞌicë —quixun a isacën.

Hechos 28:16

Usari ꞌi cananuna Roma ëmanu bëbacën. Bëbacëbëtan ca capitán Julionën an bëcë sipuacë unicama a guardianën cushi ꞌináncëxa. ꞌInánan ca Pablo bëtsi xubunua ꞌinun canan an bërúanun quixun suntáru achúshi cacëxa.

Hebreos 13:24

Anu ꞌicë Jesucristomi catamëcë unicama ꞌimainun mitsun cushicama a camina bërúanxa ꞌinun ꞌë caxunti ꞌain. Italianuax ucë unicamanribi ca mitsu bërúanxmi ꞌinun mitsu camia.