Hechos 26:7 - Kashibo-Kakataibo Biblia

⁷ Nucën rara Israel, aín bëchicëcamax ca mëcën rabë́ ꞌimainun rabë́ ꞌiacëxa. Aín bëchicëcaman rëbúnquinën ca anúan Nucën Papa Diosan uni bamacama baísquimiti nëtë cainia. Anúan aturibi baísquimicë ꞌiti nëtë ca uti ꞌicë quixun sinánquin ca nëtë́nbi imë́bi ami sinánquin Nucën Papa Dios rabia. Usa ꞌain cana mi cain, usaribiti ꞌëx ꞌicë cupí ca ënë unicamax ꞌëmi manania.

Nukën 'Ibu Diosan ain unikama 'inan ain bana

⁷ Nucën rara Israel, aín bëchicëcamax ca mëcën rabë́ 'imainun rabë́ 'iacëxa. Aín bëchicëcaman rëbúnquinën ca anúan Nucën Papa Diosan uni bamacama baísquimiti nëtë cainia. Anúan aturibi baísquimicë 'iti nëtë ca uti 'icë quixun sinánquin ca nëtë́nbi imë́bi ami sinánquin Nucën Papa Dios rabia. Usa 'ain cana mi cain, usaribiti 'ëx 'icë cupí ca ënë unicamax 'ëmi manania.

Hechos 26:7 ပူးပေါင်းရင်းမြစ်များ

Esdras 6:17

ꞌAkin ka a nëtën Dios xaroxunkin cien vaca bërí kanikë, ꞌianan doscientos carnero ꞌimainun cuatrocientos carnero bërí kanikë ꞌianan doce chibu, a kamaribi Israel unikama ñakátibi a, achúshi achúshi, ꞌaxuanan kamabi Israel unikaman ꞌucha kupín ꞌakëxa.

Mateo 19:28

Cacëxun ca Jesusan aín ꞌunánmicë unicama cacëxa: —Asérabi cana ꞌën mitsu cain, uni ꞌinux anuax uá, ꞌëx Nucën Papa Diosan mëníosabi oi nëtë iótëcëncëbë ꞌapuira ꞌain camina, asérabi ꞌën bana cuacë ꞌaish mitsun ꞌëbë cushi ꞌixun Israelnën bëchicë mëcën rabë́ ꞌimainun rabë́ aín rëbúnqui judíoscamax cara atúan ñu ꞌacë cupí, uisai ꞌiti ꞌicë quixun cati ꞌain.

Lucas 2:25

Jerusalénu ꞌicë uni achúshi ax ca Simeón caquin anëcë ꞌiacëxa. A unix ca upí nuituñu ꞌixun a rabianan Nucën ꞌIbu Dios quicësabi oquin ꞌacë ꞌiacëxa. Usa ꞌixun ca an Israel unibu chuámashirua ꞌimiti, axa uti caíancëxa. Usa ꞌain ca abë Nucën Papa Diosan Bëru Ñunshin Upí ꞌiacëxa.

Lucas 22:30

Usa ꞌixunmi ꞌën nëtënuxun ꞌëbëtan pianan, Israelnën bëchicë mëcën rabë́ ꞌimainun rabë́, aín rëbúnquicamax cara atun ñu ꞌacë cupí, uisai ꞌiti ꞌicë quixun canun cana mitsu ꞌimiti ꞌain.

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

Hechos 24:15

Atúan sináncësaribi oquin cana, bama ꞌaish ca uni upícama ꞌimainun uni ꞌatimacamaxribi baísquiti ꞌicë quixun sinanin.

Hechos 26:2

—Agripa, ꞌëmia judíos unicamax manáncë banacama ñuiquin uisai carana ꞌia quixun mi cai cana cuëënin.

Hechos 26:3

Min camina judíos unicamaxa usabi ꞌicë ꞌaish, usai ꞌia ꞌunanin. ꞌImainun camina añu ñu ñui cara quia quixunribi ꞌunanin. Usa ꞌixun camina ꞌën mi camainun bënë́quinma cuati ꞌain.

Hechos 28:20

Usa ꞌixun cana mitsu isanan mitsubë banatisa tanquin, ꞌëmi isi unun quixun mitsu camian. Judíos unicaman sináncësaribi oquin cana —bama ꞌaish ca uni baísquiti ꞌicë —quixun sinanin. ꞌËn usaquin sináncë cupí cana manë risi ënën tëcërëcacë ꞌain.

Filipenses 3:11

Usai ꞌitancëx axa bamaxbi baísquiasaribi oi ꞌëx bama ꞌaíshbi asaribi ꞌinux ax utëcëncëbë baísquiti cana sinanin.

1 Tesalonicenses 3:10

Jesucristomi catamëquin aín cuëëncësabi oi ꞌianan upí oquinra a ꞌunánun mitsu ꞌaquini cuanúan nu ꞌiminun quixun cananuna nëtën ꞌanan imë́ribi abë banaquin Nucën Papa Dios ñucatin.

1 Timoteo 5:5

An ñu ꞌaquinti ꞌaíma ꞌain ca xanu casunamëcënëx Nucën Papa Diosmishi catamëtia. Usa ꞌaish nëtë́nbi, imë́bi ëníma abë banaquin ca Nucën Papa Dios raíri uni ñucáxunia.

Santiago 1:1

ꞌËx cana Santiago, an Nucën Papa Dios ꞌimainun Nucën ꞌIbu Jesucristonën cacësabi oquin ñu ꞌacë ꞌain. Israelnën bëchicë mëcën rabë́ ꞌimainun rabë́ aín rëbúnqui ꞌaíshmi bëtsi bëtsi menu tsóti cuan ꞌicë cana mitsu ënë quirica buánmin.