Hechos 26:4 - Kashibo-Kakataibo Biblia

⁴ Judíos unicaman ca uisai ꞌi carana ꞌën nëtënuax cania quixun ꞌunánan uisai carana Jerusalénuaxribi ꞌia quixun ꞌë ꞌunánxa.

Nukën 'Ibu Diosan ain unikama 'inan ain bana

⁴ Judíos unicaman ca uisai 'i carana 'ën nëtënuax cania quixun 'unánan uisai carana Jerusalénuaxribi 'ia quixun 'ë 'unánxa.

Hechos 26:4 ပူးပေါင်းရင်းမြစ်များ

Hechos 22:3

—ꞌËx cana judíos uni, Cilicia menua ꞌicë ëma Tarso, anuax bacë́an ꞌain. Usa ꞌixunbi cana Jerusalén ënuax caniquin, an uni ꞌunánmicë uni, Gamaliel, an ꞌunánmicëxun quirica ꞌunánquin, nucën raracaman cuatia Moisésnën cuënëo bana upí oquin ꞌunáncën. ꞌImainun cana mitsúxmi ꞌicësaribiti Nucën Papa Diosan bana quicësabi oquin ꞌati cuëëancën.

Hechos 24:14

Usa ꞌain cana mi cain, Nucën Papa Dios a ꞌën raracaman rabia, a cana ꞌënribi rabin. Aín bana, Moisésnën cuënëo ꞌimainun an Nucën Papa Dios quicë bana uni ñuixuncë unicamanribi cuënëo, a banacamax ca asérabi ꞌicë quixun cana ꞌunan. Usa ꞌaish cana a banacama quicësabi oía uá aín Bëchicë amia ax ꞌëbë sináncë unicamabë ami catamëtin, judíos unicama raírinëxa ami sinántisama tancëbëbi.

Gálatas 1:13

ꞌËn judíos unicama cuëëncësa oquin ñu ꞌaia unin ñuia camina cuacën. ꞌËn cana axa Jesucristomi catamëcë unicama ꞌaisamaira oquin bëtsi bëtsi ocën, Jesucristomi sinánti bana ënun quixun.

Filipenses 3:5

ꞌËx mëcën achúshi ꞌimainun rabë́ ꞌimainun achúshi nëtë ꞌicë ca judíos unin bëchicë ꞌicë ꞌë ꞌunántiocëxa. Usa ꞌaish cana Benjamínën rëbúnqui ꞌaish ꞌën aintsi ꞌicësaribiti hebreo banan banain, ꞌën papa ꞌën tita ꞌicësaribiti. Usa ꞌaish cana ꞌëx Moisésnën cuënëo bana fariseo unicaman ꞌunánmicësabi oi ꞌiacën.

2 Timoteo 3:10

Min camina ꞌën bana ñuia upí oquin cuanan uisai carana ꞌëx ꞌi abi ꞌunánan añu carana ꞌaisa tani quixun ꞌunan. ꞌUnánan camina ꞌunan, ꞌën cana Nucën Papa Diosmi catamëquin, aín bana cuaisama taniabi ami nishquinma uni upí oxuinshi bana ñuixuan quixun. Camina ꞌunan, tëmëraquinbi ënquinma cana atu nuibaquin Nucën Papa Diosan banaishi sinánquin unicama ñuixuan.