Hechos 26:29 - Kashibo-Kakataibo Biblia

²⁹ Quia ca Pablonën cacëxa: —Nucën Papa Dios cuëëncësabi oi cana mishima an ꞌëx quia cuacë unicamaxribia, ꞌëx ꞌicësaribiti, bënëtishi Cristonën uni ꞌiti cuëënin. Bënëtishi ꞌiananbia abi munu sinanati Cristonan ꞌiti cana cuëënin. Mix ꞌëx ꞌicësaribiti Cristonan ꞌaíshmi, ꞌëx ꞌicësaribiti manë risin tëcërëcacëma ꞌiti, cana cuëënin.

Nukën 'Ibu Diosan ain unikama 'inan ain bana

²⁹ Quia ca Pablonën cacëxa: —Nucën Papa Dios cuëëncësabi oi cana mishima an 'ëx quia cuacë unicamaxribia, 'ëx 'icësaribiti, bënëtishi Cristonën uni 'iti cuëënin. Bënëtishi 'iananbia abi munu sinanati Cristonan 'iti cana cuëënin. Mix 'ëx 'icësaribiti Cristonan 'aíshmi, 'ëx 'icësaribiti manë risin tëcërëcacëma 'iti, cana cuëënin.

Hechos 26:29 ပူးပေါင်းရင်းမြစ်များ

2 Samuel 18:33

Ësokin kakëx ka ꞌapu ratuakëxa, ratúkiani ka xubu manámi kuaruax xëkuë manámi anua ꞌuxkë anu atsíanx anuax iankëxa. Usai masá nuituti ini kuain bëkini nitsi ka kiakëxa: “¡ꞌËn bakë bëchikë Absalón! ¡ꞌËn bakë bëchikë Absalón! ¡ꞌËn bakë bëchikë Absalónnëxma ꞌëx pain kana ꞌën bakë bëchikë Absalón ꞌinun ꞌëx pain ira bamati ꞌian! ¡ꞌËn bakë bëchikë ꞌibu Absalón ax ka ꞌën bakë bëchikë ꞌikën!” (Ësai ki ka iankëxa.)

2 Reyes 5:3

A xanu xuntakunën ka a ñu mëëxunkë xanu kakëxa: —Min bënën kara Samarianu ꞌikë an Dios kikë bana uni ñuixunkë unin kara an nami chëkimikë aín ꞌinsín pëxkunun ꞌakintima ꞌikë ñukati kuantima ꞌikën.

Éxodo 16:3

Ki ka ësai kanankëxa: Mitsun kamina anu uni ꞌikëma menuax numin ꞌi tëmërai këñunun nukama bëan, uisati kara Nukën ꞌIbun nu Egipto menuaxbi këñunun nu ꞌimikëma ꞌikën, anuxun kananuna ꞌakëñuma pananx tsókima kënti buákakin ꞌarukë puchákin nami nun kuëënkësa okin piakën.

Jeremías 38:20

Kia ka Jeremíasnën kakëxa: —ꞌAínbi ka mix ꞌën ꞌibu ꞌikë atun mi bitima ꞌikën. Usa ꞌain kamina asérabi ꞌën mi Nukën ꞌIbu kikë banakama kakë ënë upíokin kuati ꞌain, usakin ꞌai kamina uisabi okëma ꞌianan ië́kë ꞌiti ꞌain.

Números 11:29

Kiabi ka Moisésnën kakëxa: —¿ꞌËn usakin ñu ꞌati kuëënima kaina usai kin? ¡ꞌËn kana kuëënin Nukën ꞌIbun ain bëru ñunshin ꞌinánkëx ka kamabi unix an aín bana ñuikë unikamasaribi ꞌiti ꞌikën!

Juan 5:34

Uisai cara uni ꞌë ñui quiti ꞌicë usai quicëbëtanbi cana ꞌënbi, ꞌën bana ca asérabi ꞌicë quixun ꞌunanin. ꞌËn cana Juanëxa ꞌë ñui quicë banami sinánun mitsu sinánmin, a bana sinanimi Nucën Papa Diosnan ꞌinux ꞌëmi catamëti ië́nun.

Hechos 12:6

Imë́ishi Heródesnën ñucánuan përcaratamainun ca acëñunbi manë risin mëtëcërëcacë ꞌixuan suntáru rabëtan pararuamainun Pedro ꞌuxacëxa. ꞌUxmainun ca an sipu bërúancë suntáru rabë́ribi xëcuë tanáin chiquitin rabanan bërúain niacëxa.

Hechos 21:33

Usocëbë uquin ca Pablo biquin comandantenën aín suntárucama manë risi rabëtan tëcërëcanun quixun cacëxa. Caquin ca ui cara ax ꞌicë quixun ñucánan añu cara ꞌaxa quixun ñucácëxa.

Hechos 25:14

Cuanx anu ꞌitsa nëtë ꞌia ca Festonën Pablo ñuiquin cacëxa: —Ënu ca sipuacë ꞌicëa Felixnën anubi ëbiancë uni achúshi ꞌicën.

Romanos 10:1

ꞌËn xucë́antu, ësaquin cana mitsu cain, Israel uni judíos unicama Cristomi catamëtia ainan ꞌinun ië́miti cuëënquin cana Nucën Papa Dios ñucáxunin.

1 Corintios 4:8

Mitsun camina ësaquin sinanin, —nun cananuna upí oquin Nucën Papa Diosan Bëru Ñunshin Upitan ꞌunánmicëxun camabi ñu ꞌunanin —quixun. Usa ꞌaish camina nun bëtsi ñu mitsu ꞌunánmiti cuëëniman. Mitsun sinani camina mitsúxbi ꞌapusa ꞌain, Jesucristo utëcëncëma ꞌaínbi. Mitsúxmi ꞌapu ꞌain cananuna nuxribi cuëëni ꞌapu ꞌitsían.

1 Corintios 7:7

ꞌËn sináncëx ca camabi uni ꞌësaribi xanuñuma ꞌiti asábi ꞌicën. Usa ꞌaínbi ca Nucën Papa Diosan achúshi achúshi uni, xanuribi, uisai cara ꞌiti ꞌicë quixun mëníoia.

2 Corintios 11:1

Sinánñuma uni ꞌicësai ꞌëx rabiti banaiabi mitsun ꞌën bana cuati cana cuëënin. Usai banaiabi ꞌën bana cuatibi camina ꞌicanin.

Efesios 6:20

Cristo ñuiquin bana ñuixunuan Nucën Papa Diosan ꞌimicë ꞌaish cana a ñuiquin uni bana ñuixuncë cupí sipuacë ꞌain. Sipuacë ꞌixunbi an ꞌë cacësabi oquin racuë́quinma a bana upí oquin ñuixunun camina ꞌë Nucën Papa Dios ñucáxunti ꞌain.

Colosenses 1:28

Nun cananuna Cristo ashi ñuiquin aín unicama ñuixunin. Ñuixunquin cananuna aín unicaman upí oquin cuanan, Cristonan ꞌaish ax cuëëncësabi oíshi ꞌinun quixun upí oquin ꞌësëquin, aín unicama ꞌunánmin.