Hechos 26:16 - Kashibo-Kakataibo Biblia

¹⁶ Ca nirut. Minmi ꞌë ñuiquin, unicama canan bërími ꞌë iscë ñuianan, minmi ꞌën ꞌaia isti ñucamaribi ñuiquin, unicama canun cana mi cain.

Nukën 'Ibu Diosan ain unikama 'inan ain bana

¹⁶ Ca nirut. Minmi 'ë ñuiquin, unicama canan bërími 'ë iscë ñuianan, minmi 'ën 'aia isti ñucamaribi ñuiquin, unicama canun cana mi cain.

Hechos 26:16 ပူးပေါင်းရင်းမြစ်များ

Ezequiel 2:1

Mi kana unin bëchikë ꞌikë kain: “Usa ꞌain kamina ꞌën kakëxun kuati niruti ꞌain.”

Hechos 1:17

Judas ax ca nucamacëñunbia Jesusan aín bana ñuixunun caístancëxun ꞌunánmicë ꞌiaxa.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 21:19

ꞌIcë —¿uisa caina ꞌai? —quixun catancëx atubë banaquin ca Pablonën uisaira oquin cara Nucën Papa Diosan ꞌamicëxun, anua judíosma unicama ꞌicë ëmacamanuxun ñu ꞌaxa quixun ñuixuancëxa.

Hechos 22:10

Ësaquian cacëxun cana cacën: “Mix camina ꞌën ꞌIbu ꞌain. ¿Usa ꞌaish caramina añu ꞌën ꞌati cuëënin?” Cacëxun ca ꞌë cacëxa: “Niruquiani camina Damasconu cuanti ꞌain. Anuxun ca uisa ñu caramina ꞌati ꞌai quixun mi unin cati ꞌicën”.

Hechos 23:11

Usaquian ꞌoon ñantánbucëbëtan ca Nucën ꞌIbu Jesusan a rapasu niracëquin Pablo cacëxa: —Masá nuituti bënë́axma ca ꞌit. Jerusalén ënuxunmi ꞌë ñuiquin cacësaribi oquin camina Roma ëmanuxunribi ꞌë ñuiquin unicama bana ñuixunti ꞌain.

Hechos 26:15

Ësai quia cana cacën: “¿Ui caramina ꞌain? Nucën ꞌIbu Dios sapi camina ꞌain”. Cacëxun ca ꞌë cacëxa: “ꞌËx cana Jesús, ami bëtsi bëtsi ocë, a ꞌain.

Hechos 6:4

Usocëbëtan cananuna nun abë banaquin Nucën Papa Dios unicama ñucáxuanan aín bana ñuixunti ꞌain.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 15:16

aín bana judíosma unibu ñuixunun quixun ꞌë cacëxa. Nucën Papa Diosan ca axa Jesucristomi catamëcë unicama ainan ꞌinun ië́mia quixun judíosma uniburibi ꞌunánminun ca an ꞌë ꞌimiacëxa. Nucën Papa Diosan ꞌë usaquin ꞌanun casabi oquin cana judíosma unicama, mitsuribi a bana ñuixunin, aín Bëru Ñunshin Upitan sinánmicëxunmi upiti ami catamëquin a rabinun.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

2 Corintios 5:18

Nucën Papa Diosan ꞌimicëx ca axa Cristomi catamëcë uni usai ꞌia. Cristo cupí nux abë upí ꞌinun ca Nucën Papa Diosan nu ꞌimiacëxa. ꞌImianan ca camabi uníxa abë upí ꞌinun aín bana ñuixunun nu ꞌimiacëxa.

Gálatas 1:12

A bana cana unin ñuia cuacëma ꞌain. Uinu ꞌicë unínbi ca a bana ꞌë ꞌunánmicëma ꞌicën. Jesucristonënshi ca a bana ꞌë ꞌunánmiaxa.

Gálatas 2:2

Nucën Papa Diosan ꞌë sinánmicësabi oi Jerusalénu cuanx bëbax cana anu ꞌicë axa Jesucristomi catamëcë unin cushicamabëshi banacën. Banaquin cana ꞌën judíosma unicama Jesucristo ñuiquin ñuixuncë banacama ñuixuancën, usaquin cana unicama ca quixun caquin. ꞌËn usaquin bana ñuixunti cara atun sináncëx asábi ꞌicë quixun ꞌunánuxun cana ꞌën judíosma uni ñuixuncë banacama chiquinaquin cacën, ꞌën uni ñuixuncë bana axa ꞌëx cëmëi banacësa ꞌaish ñancáishi ꞌitin rabanan.

Efesios 3:3

A bana uisai quicë cara quixun unin ꞌunánma ꞌicëbi ca bërí unin ꞌunania. Nucën Papa Diosanbi ca ꞌëribi ꞌunánmiaxa. ꞌItsamashi pain cana an ꞌë ꞌunánmicë bana mitsu ñuixunquin cuënëon.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Colosenses 1:25

Aín unicamabëtanmi mitsúnribi upí oquin aín banacama cuanun a bana ñuixunun ca Nucën Papa Diosan ꞌë ꞌimiacëxa.

Colosenses 1:7

A bana ca nun nuibacë Epafrasnën, axribi nubëtan uni bana ñuixuncë ꞌixun nux cuancëbëtanmabi ñuixunquin upí oquin mitsu ꞌunánmiaxa.

1 Tesalonicenses 3:2

nucën xucën Timoteo mitsu istánun quixun xuti cananuna sinan. Anribi ca ami sináncë ꞌixun —Jesucristomi catamëti ca uni ainan ꞌiti ꞌicë —quixun Nucën Papa Diosan bana nubëtan camabi uni ñuixuanxa. Usa ꞌixun ca cuantancëxun an mitsúxmi Jesucristonan ꞌaish tëmëraíbi ami manuaxma ꞌinun upí oquin ꞌësëquin mitsu cushioti ꞌicën. Mitsúnbi camina ꞌunanin, Nucën Papa Diosan unicamax ca bëtsi unían bëtsi bëtsi ocë ꞌiti ꞌicë quixun.

1 Timoteo 1:12

Nucën ꞌIbu Jesucristonën ca ꞌën an cacësabi oquin ꞌati ꞌunánxun, aín bana ñuixunun caxun, usoquin ꞌanun ꞌë cushioxa. Usa ꞌain cana a ñucama sinánquin —asábi ca —quixun a cain.

1 Timoteo 4:6

ꞌËn mi cacë bana ënë axa Jesucristomi catamëcë unicama ñuixuncë ꞌaish camina an Jesucristo cuëëncësabi oquin bana ñuixuncë ꞌiti ꞌain. ꞌIanan camina ami ñuixuncë bana upí oquin ꞌunánquin a banaxa quicësabi oquin ꞌati ꞌain.

2 Timoteo 4:5

Usa ꞌaínbi camina min upí oquinra sinánxun ñu ꞌati ꞌain. Tëmëraquinbi tanshiquin camina ënquinma —Jesucristomi catamëti ca uni Nucën Papa Diosnan ꞌiti ꞌicë —quixun caquin uni bana ñuixunti ꞌain. Nucën Papa Dios cuëëncësabi oquin camina sënë́onuxun ënquinma min ñu mëëti ꞌati ꞌain.