Hechos 26:11 - Kashibo-Kakataibo Biblia

¹¹ ꞌItsa oquin cana amia sinaniabi Jesucristomi catamëti ënía, ami ꞌatimati bananun quixun aín unicama bëtsi bëtsi ocën. Anua judíos unicama timë́ti xubucamanubi cuanquin cana usoquin ꞌacën. Usonan cana ñunshinacëquin bëtsi bëtsi menu ꞌicë ëmacamanuribi cuanquin, anu ꞌicë axa Jesucristomi catamëcë unicama bëtsi bëtsi ocën.

Nukën 'Ibu Diosan ain unikama 'inan ain bana

¹¹ 'Itsa oquin cana amia sinaniabi Jesucristomi catamëti ënía, ami 'atimati bananun quixun aín unicama bëtsi bëtsi ocën. Anua judíos unicama timë́ti xubucamanubi cuanquin cana usoquin 'acën. Usonan cana ñunshinacëquin bëtsi bëtsi menu 'icë ëmacamanuribi cuanquin, anu 'icë axa Jesucristomi catamëcë unicama bëtsi bëtsi ocën.

Hechos 26:11 ပူးပေါင်းရင်းမြစ်များ

Mateo 10:17

Axa mitsumi nishcë unicaman ca judíos unibunën ꞌapucamanu mitsua ꞌatimonun buánti ꞌicën. Usonan ca anua judíos unicama timë́ti xubucamanuxun mitsu rishquiti ꞌicën. Usa ca uni ꞌicë quixun ꞌunani camina ami catamëtima bërúancati ꞌain.

Marcos 13:9

ꞌËmi sináncëma uni raírinën ca ꞌapucamanu ami manánuxun mitsu buánti ꞌicën. Usonan ca anua judíos unicama timë́ti xubucamanuxun mitsu manë xon rishquiti ꞌicën. Mitsúnmi ꞌën bana uni ñuixuncë cupí ca unin mitsumi nishqiun judíosma unicaman ꞌapunu mitsu buánti ꞌicën, ami mitsu ñui manánuxun. Usai ca ꞌiti ꞌicë quixun ꞌunanx camina usaía ꞌicëbë ratútima ꞌain. Usocëxunbi camina a ꞌapucama ꞌë ñuiquin bana ñuixunti ꞌain.

Marcos 3:28

Asérabi cana mitsu cain, Nucën Papa Diosan ca unin ꞌatima ñu ꞌacë camabi tërë́nti ꞌicën, amia ꞌatimati banacëribi.

Lucas 15:17

Piti, chupa, ñuñuma ꞌaish sináncasmatancëx sinanaquin ca sinánxa: ꞌItsaira ca ꞌën papan ñu mëëmicë uni ꞌicën. ꞌItsa ꞌixunbi ca a piti ñua ꞌitsaira ꞌicë atun pucháquin piia. Piti ꞌitsanuxuan atun pucháquin pimainun cana ꞌëx ënuax ꞌacëñuma bamain.

Lucas 21:12

Usai ꞌicëma pan ꞌain ca mitsúxmi ꞌëmi catamëti ꞌën uni ꞌicë cupí, unin mitsu bixun bëtsi bëtsi onan anu judíos unibunëx timë́ti xubunu ꞌicë unin mitsu ꞌuchonun buánan, mitsu sipuanan, ꞌapu cha ꞌimainun ꞌapu chucúmaribi mitsu ñui ami manánquin mitsu ꞌinánti ꞌicën.

Lucas 6:11

Usaquian ꞌaia isi xuamati nishi ca uisa caranuna Jesús oti ꞌai quiax ꞌësë́nani canancëxa.

Hechos 13:45

Usaía ꞌitsaira uni timë́cë isi ca judíos unicamax pishui Pablomi nishacëxa. Ami nishi ca —cëmëi ca quia —quiax ꞌatimati Pablomi banacëxa.

Hechos 18:6

Cacëxbi ca aín bana timanan ami ꞌatimati banai ami nishacëxa. Usaía ꞌia ca Pablonën anuax ca cuania quixuan atun ꞌunánun aín chupa tacaquin cacëxa: —Mitsúxbi ꞌiisama tani camina Nucën Papa Diosnan ꞌitima ꞌain. Usaími ꞌicëxbi ca ꞌën ꞌuchama ꞌicën. Mitsúnmi ënë bana cuaisama tancëbëtan cana judíosma unicama ñuixuni cuanin.

Hechos 22:19

Usaquian cacëxunbi cana Nucën ꞌIbu Jesús cacën: Ënu ꞌicë judíos unicaman ca ꞌunánxa, ꞌën cana anua judíos unicama timë́ti xubucamanu cuanquin, axa mimi catamëcë unicama sipuanuxun buánan mëëa quixun.

Hechos 22:5

Sacerdotnën cushicaman ꞌapubëtan ca caniacëcë unicamanribi ꞌunánxa, atun ca Damasconu ꞌicë judíos unicama ꞌinani cuanun quirica ꞌë ꞌináncëxa quixun. ꞌInáncëx cana axa Jesucristomi sináncë unicama Jerusalén ënuxun tëmëraminuxun bitsi cuancën.

Hechos 9:1

Usa ꞌain ca Saulo, axa Nucën ꞌIbu Jesúsmi catamëcë unicama cëñucatsi quiax, atumi xuamati nishacëxa. Nishquin ca sacerdotenën cushicaman ꞌapu anu cuanxun cacëxa:

Santiago 2:7

Usaquin ꞌai ca Cristo, ax upí ꞌixuan an mitsu ainan ꞌimicë a ñui ꞌatimati banaia. ¿Atux cara usama ꞌic?

2 Pedro 2:16

An cacëxunbia aín bana cuacëma cupí ca Nucën Papa Diosan, ñu ꞌatima ꞌaxunma ꞌanun quixun anúan cuancë aín burro bëaracëxa. Bëaracëx Nucën Papa Diosan ꞌimicëx, uni ꞌicësari banaquin, ca aín burron Balaam sinanamiacëxa. A unicamax ca Balaam ꞌiásaribiti ꞌia.