Hechos 24:5 - Kashibo-Kakataibo Biblia

⁵ Ënë unix ca nun iscëx an camabi menua judíos unicama bëtsi bana ñuixunquin ubíoquin tsuáquirumicë ꞌianan nazareno cacë unicaman cushi a ꞌicën.

Nukën 'Ibu Diosan ain unikama 'inan ain bana

⁵ Ënë unix ca nun iscëx an camabi menua judíos unicama bëtsi bana ñuixunquin ubíoquin tsuáquirumicë 'ianan nazareno cacë unicaman cushi a 'icën.

Hechos 24:5 ပူးပေါင်းရင်းမြစ်များ

Jeremías 37:13

ꞌAínbi ka Benjamínën xëputi kakë anu bëbakëbëbi achúshi uni Irías kakë Selemíasnën bëchikë Hananíasnën xuta suntárukama an ëma bëruankë ꞌain kushi capitán ax anu ꞌiakëxa, an ka Jeremías kuaniabi bërunkin kakëxa: —Mix kaina Babilonia unikamanu abati kuani ain.

Jeremías 38:4

Usa ꞌain ka aín unikama raírinën ꞌapu kakëxa: —Ënë uni kananuna ꞌati ꞌain, aín bana kuakin ka suntáru axa ëmanu bërúkëkama ꞌimainun kamabi unikama atúnribi bëtsiokin sinania. Ënë unin bana kuati ka suntárukama axa ëmanu bërúkë ꞌimainun kamabi unikama rakuë́tia.

Amós 7:10

Amasías sacerdote Betelnu ꞌikë an ka Jeroboam Israel unikaman ꞌapu ësokin katánun uni xuakëxa: “Amós an ka Israel unikama mix ꞌapu ꞌain ꞌatimai mimi banakin atu ësëia. Usa ꞌain kananuna Israel unikama nun usaía bananun ëntima ꞌain.

Mateo 10:25

Mitsux ꞌën ꞌunánmicë unicama ꞌain ca axa ꞌëmi nishcë unicamax mitsumiribi nishti ꞌicën. Atúan ꞌë bëtsi bëtsi ocësaribi oquin ca mitsuribi bëtsi bëtsi oti ꞌicën. Atun ꞌë ñunshin ꞌatimanën cushi, Beelzebú, caquin anëquin ca mitsúxmi ꞌën unicama ꞌicë, mitsuribi usaribi oquin anëti ꞌicën.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Marcos 1:24

—Jesús, Nazaretnu ꞌicë, min caina nu uisa oti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë a ꞌain.

Lucas 23:19

An ꞌapu ñui ꞌatimati banaquin, Jerusalénu ꞌicë unicama tsuáquirumicë, ꞌianan an uni ꞌacë cupí ca Barrabás sipuacë ꞌiacëxa.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Lucas 23:25

Caxun ca Barrabás, an unicama tsuáquirumianan uni ꞌacë cupí sipuacë uni, a judíos unicaman ñucácësabi oquin chiquíancëxa. Usaquin chiquíanan ca Jesús, judíos unibunën ꞌapucamaxa cuëëncësabi oquian ꞌanun quixun, aín suntárucama cacëxa.

Lucas 23:5

Usaía Piláto quicëbëbi Jesúsmi xuamati nishi ca munuma quicancëxa: —An ca Galilea mecamanuxun unicama ꞌatimaquin ꞌunánmiquin tsuáquirumianan Judea mecamanuxunribi usoquin ꞌaia.

Hechos 15:5

Usa ꞌain ca axa Jesucristomi catamëcë fariseo unicama raírinëx nirui quiacëxa: —Judíosma ꞌaíshbia ax Jesucristomi catamëcë unicamax ca ꞌunántiocë ꞌianan usaía judíos unicama ꞌiti Moisésnën cuënëo bana raíri quicësaribi oi ꞌiti ꞌicë —quiax.

Hechos 21:28

Bitsi ca munuma cuënishi quicancëxa: —Israel unicama, nu ca ꞌaquin. Ënë unix ca an camabi menu cuanquin judíos unicamamia ꞌinun quixun unicama ñuixuncë a ꞌicën. Usa ꞌixun ca nun cuati bana Moisésnën cuënëo quicësabi oi ꞌiaxma ꞌinun quixun canan, anuxun Nucën Papa Dios rabiti xubu ënë ꞌatimaquin ñuiquinribi unicama caia. Usa ꞌixun ca anuxun Nucën Papa Dios rabiti xubunu judíosma, axa griego banan banacë unicama raíriribi atsínmiaxa. Atsínmixun ca ënë xubu upí ꞌatimamiaxa —quiax.

Hechos 22:22

Usaquian Pablonën ñuixuncëxun pascësarua ꞌaish sëtë́xun cuatibi ca judíosma unicama ñuia quia cuati sharatëcëni quicancëxa: —Ënë uni ca bamati ꞌicën, ꞌaíma ꞌinun.

Hechos 24:14

Usa ꞌain cana mi cain, Nucën Papa Dios a ꞌën raracaman rabia, a cana ꞌënribi rabin. Aín bana, Moisésnën cuënëo ꞌimainun an Nucën Papa Dios quicë bana uni ñuixuncë unicamanribi cuënëo, a banacamax ca asérabi ꞌicë quixun cana ꞌunan. Usa ꞌaish cana a banacama quicësabi oía uá aín Bëchicë amia ax ꞌëbë sináncë unicamabë ami catamëtin, judíos unicama raírinëxa ami sinántisama tancëbëbi.

Hechos 24:4

Usa ꞌain camina mix upí nuituñu ꞌixun, nun ꞌitsaira ñuixunquinma bana ꞌitsamashi mi ñuixunmainun, nun cacëxun cuati ꞌain.

Hechos 25:7

Camicëxuan bëcëbë ca Jerusalénuaxa ricuatsíncë judíos unicamax a nëbë́tsiorati, ënë unin ca ꞌatima ñuira ꞌaxa quiacëxa. Usaía quicancëbëbi ca Pablo ñuia, usai quicancë bana ax ca asérabi ꞌicë quiáxa ax quiti uni raíri ꞌaíma ꞌiacëxa.

Hechos 26:5

Usa ꞌain ca atun ꞌunáncë ꞌixun, ꞌëx cana ꞌitsa baritian fariseo uni ꞌai quixun caisa tanquin mi cati ꞌicën. Nux fariseo ꞌaish cananuna nux judíos unicama raíri ꞌicësamairai Moisésnën usai judíos unicama ꞌiti cuënëo bana quicësabi oi ꞌain.

Hechos 28:22

Cananuna ꞌunanin, mecama oquin ca axa Jesúsmi sináncë unicama ami nishquin unin ñuia. Usa ꞌain cananuna minmi a uisaira cara a ñucama ꞌicë quixun ñuia cuaisa tanin.

Hechos 5:17

ꞌAisamaira uni Jesúsmi sinania isi ca judíos sacerdotenën cushicaman ꞌapu ꞌimainun abë ꞌicë saduceo unicama nishacëxa.

Hechos 6:13

Abë cërúanancë unicaman ca uni raíriribi cëmëi isa Estebanmi manánun quixun cacëxa. Cacëx cuanxun ca ësaquin cacëxa: —Ënë unix ca Nucën Papa Diosan xubu upí ñuianan Moisésnën cuënëo banaribi ñui nëtëtima ꞌatimati banaia.

1 Corintios 11:19

Usaquin bëtsi bëtsi oquin sinania raírinëx cuamiananmainunbi raírinëx nishananiama isquin ca unin isti ꞌicën, uicamax cara asérabi Cristonan ꞌicë quixun.

1 Corintios 4:13

Nu ñui ꞌatimati banaiabi cananuna nun abë nuibanainsa tanquin upí oquinshi ꞌësëin. Unin sináncëx cananuna nux ꞌaisama ꞌicëa unin pucë chinan usaribi ꞌain, bëríribi cananuna unin nu sináncëx usa ꞌain.

1 Pedro 2:19

An ñu mëëxuncë unían upí oquin ñu mëëxuncëxunbia an ñu mëëmicë unin ꞌatimoquin tëmëramicëxunbi ca an uni ñu mëëxuncë unin —ꞌëx cana Nucën Papa Diosnan ꞌai —quixun sinánquin tanshiti ꞌicën. Usai ꞌiti ca Nucën Papa Diosan iscëx upí ꞌicën.