Hechos 24:25 - Kashibo-Kakataibo Biblia

²⁵ Camicëx uxuan, Jesucristomi catamëtia uni, aín ꞌuchacama tërë́ncë ꞌaish Nucën Papa Dios cuëëncësabi oi ꞌiti bana ñuixuanan ꞌatima ñu ꞌatëcëinsa tanquinbi tënëti banaribi ñuixuanan aín ñu ꞌatima ꞌacë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti ꞌain. A ꞌën ꞌati ñu ꞌaíma ꞌain cana amiribishi mi camitëcënti ꞌain.

Nukën 'Ibu Diosan ain unikama 'inan ain bana

²⁵ Camicëx uxuan, Jesucristomi catamëtia uni, aín 'uchacama tërë́ncë 'aish Nucën Papa Dios cuëëncësabi oi 'iti bana ñuixuanan 'atima ñu 'atëcëinsa tanquinbi tënëti banaribi ñuixuanan aín ñu 'atima 'acë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti 'ain. A 'ën 'ati ñu 'aíma 'ain cana amiribishi mi camitëcënti 'ain.

Hechos 24:25 ပူးပေါင်းရင်းမြစ်များ

Juan 16:8

An ca Nucën Papa Diosan bana cuacëma unicama atux ca ꞌuchañu ꞌicë quixun ꞌunánmianan, usai ca ꞌëmi catamëti, uni upí nuituñu ꞌiti ꞌicë quixun ꞌunánmianan, Nucën Papa Diosan ca ꞌëmi sináncëma unicama atun ꞌucha cupí castícanti ꞌicë quixun ꞌunánmiti ꞌicën.

1 Pedro 3:15

Usai ꞌíma camina min nuitu mëu —Cristo ca asérabi ꞌën ꞌibu ꞌicë —quixun sinani ami catamëti ꞌain. Unin mitsu —uisa cupí caramina Jesucristomi catamëquin abë tsoti sinani —quixun ñucácëxun anun cati bana ꞌunáncë camina ꞌiti ꞌain. Usa ꞌixun camina cëruti rabíquinma upí oquinshi cati ꞌain.

2 Pedro 1:6

Usai ꞌiti ꞌunáncë ꞌixun camina ñu ꞌaisama ꞌaisa tanquinbi tënëanan cushixun Nucën Papa Diosan a ꞌanun mitsu ꞌináncë ñu asérabi ꞌati ꞌain. Usaquin ꞌacë ꞌixun camina mitsumi uisa ñu cara ꞌicëbëtanbi bënë́quinma tanshiti ꞌain. Usaquin ꞌai camina Nucën Papa Diosmi asérabi sinánti ꞌain.

Gálatas 5:23

rabícëma, aín cuëëncësari ꞌiisa tanquinbi tënëcë. Usa uni ñuia, ax —usai ꞌitima ca —quicë bana ca ꞌaíma ꞌicën.

Hechos 10:42

Usa ꞌicë ca aín bana unicama ñuixunun xuquin nu ësaquin cacëxa: Nucën Papa Diosan ꞌimicëxun cana ꞌën, uni bamacëmacama ꞌimainun bamacë unicamaribi, uisaira cara ënë menuax ꞌiaxa quixun ꞌunánquin, Nucën Papa Diosbë cara ꞌiti ꞌicë, cara ꞌitima ꞌicë quixun cati ꞌain. Usaquin camina unicama ñuixunti ꞌai quixun ca Jesusan nu cacëxa.

1 Juan 3:7

ꞌËn bëchicësa ꞌicë, cana mitsu cain, unin paráncë camina ꞌitima ꞌain. An upí ñu ꞌacë uni ax ca Jesucristosaribi ꞌaish aín nuitu upí ꞌicën.

Santiago 2:19

Min camina Nucën Papa Dios ax ca achúshishi ꞌicë quixun sinanin. Usaquin sinánti ca asábi ꞌicën. Usaquinmi sináncë ꞌaínbi ca ñunshin ꞌatimacamanribi —usa ca —quixun ꞌunani ami racuëtan bamai bërëruia.

Hebreos 9:27

Ënë nëtënu ꞌicë camabi unix ca achúshitishi bamati ꞌicën. Usa ꞌicë ca aín ñu ꞌacëcama ꞌunánquin Nucën Papa Diosan uicamax cara aín nëtënu abë ꞌiti ꞌicë quixun canan uicamax cara anu abë ꞌitima ꞌicë quixun cati ꞌicën.

Hebreos 4:1

Usa ꞌain cananuna Nucën Papa Diosan ainan ꞌinun nu ꞌimiti nëtë inúcëma ꞌaínshi, ainan ꞌiti sinánti ꞌain. Mitsu raírinëxmi Nucën Papa Diosnanma ꞌitin rabanan camina bërúancati ꞌain.

Hebreos 3:13

Usai ꞌima camina micama uinu ꞌicëxbi ꞌatima ñu ꞌatishi sinani Nucën Papa Diosmi manúti rabanan, camabi nëtën, axa Jesucristomi catamëcë unicamabë ami upiti sinánmiananti ꞌain, ënë nëtëa cëñútisama pan ꞌaínshi.

Gálatas 3:22

Usa ꞌaínbi ca Nucën Papa Diosan bana cuënëo —camabi unin ca ñu ꞌatima ꞌaia —quia. A banaxa asérabi ꞌain ca axa Jesucristo cupí ami catamëcë unicamaxëshi Nucën Papa Diosan iscëx upí ꞌiti ꞌicën, an aín rëbúnqui achúshi ñuiquin Abraham cásabi oi.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

2 Timoteo 4:1

Nucën Papa Dios ꞌimainun Nucën ꞌIbu Jesucristo, ax ꞌApuira ꞌaish uxuan uni bamacëmacama ꞌimainun uni bamacëcamaribi, uisa cara oti ꞌicë quixun isti, an cuamainun cana mi cain,

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

Hechos 24:15

Atúan sináncësaribi oquin cana, bama ꞌaish ca uni upícama ꞌimainun uni ꞌatimacamaxribi baísquiti ꞌicë quixun sinanin.

Hechos 17:32

Usaquian bamatancëx ca Jesús baísquiacëxa quixun ñuia cuati ca uni raírinëx Pablomi cuaiacëxa. Cuaimainun ca raírinën Pablo cacëxa: —Minmi ñuicë bana ënëmi ñuitëcënia cananuna bëtsi nëtën cuatëcënti ꞌain.

Hechos 17:2

Usa ꞌain ca rabë́ ꞌimainun achúshi semana anu ꞌi, Pablo axa ꞌicësabi oi anun ñu mëëtima nëtë ꞌicëbë ꞌicëbë, anua judíos unicama timë́ti xubunu atsínxun, anua timëtia unicama cuënëo bana ꞌunánmiquin, Jesús ax ca asérabi Cristo ꞌicë quixun cai atubë canancëxa.

Hechos 2:37

Ësoquian cacëxun cuati —ꞌatimabi cananuna ꞌa —quixun sinani ratúquin ca Pedrocëñun abëa ꞌicë unicama ñucáquin cacancëxa: —ꞌËn xucë́antu, ꞌatimabi cananuna usoquin a ꞌan. ¿Upí ꞌinux caranuna bërí uisai ꞌiti ꞌain?

Hebreos 6:2

ꞌimainun Jesús sinani nashimicë ꞌiti, ꞌimainun Jesúsnan ꞌixun axa ami catamëcë uni itsinu nun mëcën nanquin Nucën Papa Dios ñucáxunti, ꞌimainun camabi uníxa baísquia ca Nucën Papa Diosan an ꞌacë ñucama ꞌunánquin uisa cara oti ꞌicë quixun cati, acama.

Habacuc 3:16

Ënëkama ñu ꞌiti kuati kana rakuëan, usai ꞌi kana ꞌën kuëbí bërëkai ꞌian, ꞌianan kana ꞌën kisikama anun nisama ꞌimainun ka ꞌën namikamaribi kushima ꞌiaxa. Usa ꞌixunbi kana bënë́kinma uínsaran nëtën kara Diosan an nu ꞌatimokin ꞌakë unikama masánuitutanun aín suntárukama ꞌimia kaínti ꞌain.

Amós 6:12

¿Caballokamax kara xaxun pobu anun abáti ꞌik? Ka ꞌitima ꞌikën. ¿Parúmpapax kara me ꞌakësaribi okin tukapakin buinaisa ꞌik? Ka ꞌaisama ꞌikën, ꞌaínbi kamina mitsun upíokin ñu ꞌati ꞌikëbi muka ro ꞌakësokin ꞌakan ¡usakin ꞌakin kamina upíokin asérabi bëtsi ꞌatima onux këmëi banatima ꞌain!

Amós 5:24

ꞌAínbi ka bëtsi uni ꞌatima oima upiti tsóanan nuibanankë ax kuni ꞌumpax shióbukë usaribi ꞌiti ꞌikën, ꞌimainun ka nuibanankë ax kuni ꞌumpax upíira këñúkëma usaribi ꞌiti ꞌikën.

Daniel 4:27

Usa ꞌain kamina ꞌën mi kakësokinbi ꞌati ꞌain, ꞌai kamina amiribishi ꞌuchatëkënkinma ꞌupiokin ñu ꞌati ꞌain, ꞌakin kamina ꞌatima okinmi ñu ꞌakë ënkin uni ñuñumakama ꞌakinti ꞌain, usokin ꞌai kamina ꞌapu ꞌaish uínbi uisabi okëma kuëëni tsóti ꞌain kixun ka Danielnën ꞌapu kakëxa.

Jeremías 23:29

¡Nun karanuna basikëñun trigo abëtan sënën kara kixun tupúnti ꞌain! ꞌËx kikë bana ax ka tsi rëkirukësa ꞌimainun achúshi manë taxuñunën mapara tukapakësa usaribi ꞌikën. ꞌËx min ꞌIbu ꞌaish kana ësai kin.

Isaías 61:8

Usa ꞌain ka Nukën ꞌIbun upí ñuishi ꞌati kuëënia, ꞌianan ka mëkamanan an usai ꞌiti bana nankë a tankinma ꞌatima ñuira ꞌakin bëtsin uni ꞌakë a kuëënima. Usa ꞌixun ka ax kikësabiokin ënkinma ꞌakinkin an biti ñu upí ꞌinánti ꞌikën, ꞌianan ka ax kiásabiokin achúshi ñu këñutima okin atubëtan ꞌati ꞌikën.

Isaías 55:6

‘Bërí kamina mëratisa ꞌikëishi Nukën ꞌIbu barikanti ꞌain, ꞌianan kamina bëría mi ꞌurama ꞌikëishi kuënti ꞌain.

Isaías 41:21

ꞌApuira Jacobnën rëbúnkikaman ꞌIbu ax ka ësai kiaxa: “A rabinuxun unin bëtsi ñukama tankin uniokë akamax ka uisakin kara ñu ꞌaia kixun ꞌë ñuixuni ukanti ꞌikën.

Isaías 32:11

Xanukama añu ñubi ꞌati sinánkëma, mikamax kamina rakuë́ti bërëti ꞌain; mitsux kamina uisa ñubi kana ꞌinútima ꞌai kiax kin, usa ꞌain kamina rakuë́ti ꞌain, mitsunribi kamina ami pañukankë chupa pëtankëxun chupa xëni masá nuitukin ꞌakësa ꞌinun pañukanti ꞌain.

Isaías 1:21

¡Jerusalén ëmanu ꞌikë unikamax ka upiti buküakëxa, ꞌaínbi ka bërí bëtsi bëtsi unibë ꞌikë xanusa ꞌikën! Bëráma kamina mitsux upiti tsókin upíokin ñu ꞌakë ꞌiakën, ꞌanan kamina upiti tsóakën, ꞌaínbi kamina bërí an uni ꞌakë unikamasaribi ꞌikanin.

Hebreos 12:21

Usaía ꞌaisamaira ñu ꞌia isi ca Moisésnëxribi quiacëxa: “ꞌËxribi cana racuëti bërëin”.

Romanos 14:12

Usoxun ca Nucën Papa Diosan nu achúshi achúshi uisa ñucama caranuna ꞌacën, uisai caranuna ꞌiacën, acama ꞌunánquin, uisa cara oti ꞌicë isti ꞌicën.

Romanos 12:1

Usa ꞌain cana ësaquin mitsu cain, ꞌën xucë́antu. Nucën Papa Diosan mitsu nuibaquin ainan ꞌinun caíscë ꞌixun camina ꞌatima ñu ꞌaquinma asérabi ax cuëëncësabi oquinshi ꞌanan, ainanshi ꞌiti ꞌain. Mitsúxmi usa ꞌiti ca Nucën Papa Dios cuëënia.

Hechos 26:28

Cacëxun ca Agripanën Pablo cacëxa: —Bënë́nquinshi camina ꞌë Cristonën uni ꞌimitisa tanin.

Hechos 17:13

Usaía ꞌicëbëbi ca Tesalónicanu ꞌicë judíos unicamax, Pablonëan Bereanuxun Nucën Papa Diosan bana ñuixunia ñuicania cuabiani anuribishi cuancëxa. Cuanxun ca Pablomia nishnun quixun anu ꞌicë unicamaribi tsuáquirumiacëxa.

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

Mateo 22:5

Usaquian ꞌapun camicëxbi ca a camicë unicamax cuainsama tanxa. Cuainsama tanía bëtsix aín naënu cuantamainun ca bëtsix anuxuan ñu marucë xubunu cuanxa.

Daniel 5:30

A ꞌimë́bi ka Beltsasar caldeo unikaman ꞌapu ꞌikëbi uni itsin ꞌakëx ñuakëxa.

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Isaías 1:18

Ësai ka Dios kiaxa: “Bërí kamina uisai kaina ꞌikanti ꞌai kiax ënë bana mëníonanti timë́ti ꞌuti ꞌain: Mitsun ꞌuchakamaxa uvas baka chininkë chëxëira iskësa ꞌikëbi kana, axa matsi irukë uxuira uxu iskësa ꞌitánun mitsu mëníoxunti ꞌain; atun ꞌuchakamaxa chupa bëtsi bëtsi ñun pukukë iskësaribi ꞌikëbi kana, ꞌën xapu uxuira uxu iskësa ꞌitánun mëníokin tërënxunti ꞌain.

Salmos 72:2

usakin ꞌanun min ꞌamikëxun ka min unikama ꞌimainun uni ñuñumakama aribi upíokin ꞌakinti ꞌikën.

2 Reyes 22:19

min kamina masá nuitukin ꞌëmi sinani ꞌën ënë mekama këñunbi anu ꞌikë unikama këñuti sinani, usai ꞌikin kamina min chupabi tukai masá nuituti ꞌën ismainunbi min unikama ꞌimainun min ꞌaintsikama ꞌianan min chaitiokëkama ënë bana kuatima ꞌucha a sinani ꞌian, usaími ꞌia kana ꞌënbi min bana kuan. ꞌËx Dios ꞌaish kana ësai kin.

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

2 Samuel 23:3

Israel kaman Dios ax ka ësai kiaxa: An Israel kama ꞌakinkë Dios an ka ꞌë ësokin kakëxa: An unikama aín ꞌapu ꞌixun ꞌakinti ax ka uisa ñu ꞌatimabi ꞌakëma ꞌiti ꞌikën, usa ꞌixun ka Diosan kuëënkësabi okin unikama ꞌakinti ꞌikën,

1 Samuel 12:7

Usa ꞌain kamina bërí mëníokakanti ꞌain, ꞌën kana Nukën ꞌIbun ismainunbi mitsu uisakin kara an mitsu ꞌakianxa kanan, uisakin kara nun chaitiokë ꞌakiankëxa akama mitsu ñuixunti ꞌain.

Hechos 24:26

Usaquin cacë́xa cuan ca Felixnën —ꞌën chiquínun ca Pablonën ꞌë curíqui ꞌinánti ꞌicë —quixun sináncëxa. Usaquin sinánquin camicëxa cuancëbë cuancëbë ca Pablobë ꞌitsai banacëxa.

Jeremías 36:16

usokin ꞌaxunkëxun kuatishi ka ꞌitsaira rakuë́ti bëtsibë bëtsibë isánani kanankankëxa. —Ënë banakama kananuna ꞌapu bënë́kin kati ꞌain.

Tito 1:8

Usai ꞌiquinma ca a isi aia cuëënquin uni biti ꞌicën. Añu ñucamax cara upí ꞌicë ashi ꞌati ca sinánti ꞌicën. Upí oquin sináncë ꞌixun ñu ꞌatima ꞌacëma ca ꞌiti ꞌicën. Nucën Papa Diosan bana quicësabi oi ca ꞌaisama ñu ꞌaíma upíshi ꞌiti ꞌicën.