Hechos 24:17 - Kashibo-Kakataibo Biblia

¹⁷ Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

Nukën 'Ibu Diosan ain unikama 'inan ain bana

¹⁷ Usa 'ain cana 'itsa barin bëtsi bëtsi menu 'itancëx Jerusalénu utëcëan. Uquin cana nun aintsi ñuñumacama 'inánun quixuan uni raírinën 'ë bëmicë curíqui bëan. Bëanan cana 'ën curíquiribi anuxun Nucën Papa Dios rabiti xubunuxun 'inánuxun bëan.

Hechos 24:17 ပူးပေါင်းရင်းမြစ်များ

Hechos 20:16

Anuxun ca Pablonën Pentecostés cacë nëtë ꞌiisama pain ꞌain Jerusalénu bëbati sinánquin ꞌuran Asia menu ꞌiisama tanquin, Efeso ëma ꞌurama ꞌaínbi anu cuantima sináncëxa.

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

Hechos 21:26

Usaquian abëa ꞌicëcamabëtan Jacobonën cacësabi oquin, rabë́ ꞌimainun rabë́ uni a buonx ca Pablo judíos unicama ꞌicësaribiti nashi abë mëníocacëxa. Mëníocanan ca uisa nëtën cara anun mëníocati nëtë sënë́nti ꞌicë quixun canan uisa nëtën cara Nucën Papa Dios rabiquin ñuina rëti ꞌicë quixun anu ꞌicë sacerdotebëtan mëníoi anuxun Nucën Papa Dios rabiti xubunu cuancëxa.

Hechos 24:26

Usaquin cacë́xa cuan ca Felixnën —ꞌën chiquínun ca Pablonën ꞌë curíqui ꞌinánti ꞌicë —quixun sináncëxa. Usaquin sinánquin camicëxa cuancëbë cuancëbë ca Pablobë ꞌitsai banacëxa.

Romanos 15:31

Uisabi ꞌë oxunma ꞌanuan Judea nëtënu ꞌicë axa Jesucristomi catamëcëma unicama sinánminun camina Nucën Papa Dios ñucáti ꞌain. Ñucánan camina ꞌën Jerusalénu ꞌicë axa Jesucristomi catamëcë unicama ꞌinánti buáncë curíquia atun cuëënquin binuan sinánminun Nucën Papa Dios ñucáti ꞌain.

2 Corintios 8:6

Macedonianu ꞌicë unían ꞌacë sinánquin cananuna an bëráma mitsúnmi Jerusalénu buánmiti curíqui biquinbi sënë́onma cupí, a sënë́onquin bitsia isía cuanun quixun Tito xutin.

2 Corintios 8:9

Uisaira oquin cara Nucën ꞌIbu Jesucristonën nu nuibatia quixun camina ꞌunanin. Mitsúxmi chuámarua ꞌianan aín nëtënu xënibua ꞌaínbi abë ꞌiti cupí ca ax aín Papan nëtë upí ëbëtsini ënë menu ñuñuma ꞌinux uacëxa.

2 Corintios 9:12

Usoquin ꞌaquinquin cananuna anun aín cuëëncë ñuñu ꞌinun ꞌinanin. Usaquin ꞌinánquin cananuna —asábi ca —caquin rabia Nucën Papa Diosmi sinánun acama ꞌaquinin.

Gálatas 2:10

Canan ca ësoquinshi nu cacëxa, —camina ñuñuma uni ꞌaquinti ꞌai —quixun. Usoquin ꞌati cana sináncën.