Hechos 24:10 - Kashibo-Kakataibo Biblia

¹⁰ Ësaquian cacëxun cuatancëxun ca Felixnën Pablo axribia bananun quixun aín mëcënan sanánquin tanxuancëxa. Tanxuncëxun ca Pablonën cacëxa: —Minmi ꞌitsa baritian ënë menuxun uni itsi ñuia mimi uni manáncëxun cuacë ꞌicë cana racuëtima cuëënquin uisai carana ꞌia quixun mi cain.

Nukën 'Ibu Diosan ain unikama 'inan ain bana

¹⁰ Ësaquian cacëxun cuatancëxun ca Felixnën Pablo axribia bananun quixun aín mëcënan sanánquin tanxuancëxa. Tanxuncëxun ca Pablonën cacëxa: —Minmi 'itsa baritian ënë menuxun uni itsi ñuia mimi uni manáncëxun cuacë 'icë cana racuëtima cuëënquin uisai carana 'ia quixun mi cain.

Hechos 24:10 ပူးပေါင်းရင်းမြစ်များ

Lucas 12:11

Unin mitsu anu judíos unicama timë́ti xubunu ꞌicë unicama ꞌimainun mitsun ꞌapucamami manánuxun buáncëxun camina racuë́quin —uisai carana quiti ꞌai —quixun sinánan —uisa banan carana cati ꞌai —quixun sinántima ꞌain.

Lucas 12:14

Cacëxun ca Jesusan cacëxa: —Usai ca mibë min xucën ꞌiti ꞌicë quixun cana ꞌën mëníotima ꞌain. Ax ca ꞌën ꞌatima ꞌicën.

Lucas 18:2

Jesusan ësaquin aín ꞌunánmicë unicama cacëxa: —Ënëx ca ësa ꞌicën. Achúshi ëmanu ꞌicë uni an ca amia uni itsi manáncëxunbi ꞌaquinsama tanan Nucën Papa Diosmi sináncëma ꞌianan unicamaribi sinánquin ꞌaquincëma ꞌiaxa.

Hechos 12:17

Ratúcaniabi ca nëtë́nun quixun aín mëcënan sanánquin, usoquin ca Nucën ꞌIbu Diosan sipunua ꞌë chiquínbëtsinquin bëaxa quixun atu ñuixuancëxa. Ñuixuntancëxun ca cacëxa: —ꞌËn mi cacë banacama ënë camina Jacobo ꞌimainun nun xucë́antu ñuixunti ꞌai —quixun. Cabiani ca ëma itsinu cuancëxa.

Hechos 13:16

Cacëxun ca Pablonën niruquin an cacëxun cuanun quixun aín mëcënan sanánquin ësaquin cacëxa: —Israel unicama ꞌimainun an Nucën Papa Diosan bana sináncë unicama, ꞌën mi camainun ca ꞌën bana cuacan.

Hechos 18:15

ꞌAínbi ca an mitsun cuati banaishi ñuixunquin, usai ca quia quixun ñuixunia. Usa ꞌain camina mitsúnbi mëníoti ꞌain. ꞌËn cana ënë ñu mitsu mëníoxuntima ꞌain.

Hechos 19:33

Pablomia ꞌicësaribiti ca anua timë́cë unicamax anua atubë ꞌicë judíos unicamamiribi nishacëxa. Usaía ami nishcëxun ca judíos unicama an Alejandro, uisai ꞌi cara timë́axa quixun an anua timë́cë unicama canun quixun cacëxa. Cacëxun ca Alejandronën aín mëcënan sanánquin aín bana cuanun quixun cacëxa.

Hechos 21:40

Cacëxun ca comandantenën —camina cati ꞌai —quixun cacëxa. Cacëx tapitinu nixun mëcënan sanáncëxa nëtëtia ca Pablonën hebreo banan banaquin ësaquin unicama cacëxa:

Hechos 23:24

ꞌImainun camina anúan Pablo cuanun bëtsi caballoribi mëníoti ꞌain, anúnmi unínma ꞌaia bërúanxun, Pablo gobernador Felix anu buánun.

Hechos 26:1

Festonën cacëxun ca Agripanën Pablo cacëxa: —Mixribi camina banati ꞌain. Usaquian cacëx ca camabi unin cuamainun aín mëcënan sanani ësai Pablo quiacëxa:

1 Pedro 3:15

Usai ꞌíma camina min nuitu mëu —Cristo ca asérabi ꞌën ꞌibu ꞌicë —quixun sinani ami catamëti ꞌain. Unin mitsu —uisa cupí caramina Jesucristomi catamëquin abë tsoti sinani —quixun ñucácëxun anun cati bana ꞌunáncë camina ꞌiti ꞌain. Usa ꞌixun camina cëruti rabíquinma upí oquinshi cati ꞌain.

1 Samuel 2:25

Achúshi uníxa bëtsi unimi ꞌatimati banakë a ka Nukën ꞌIbun mëníoti ꞌikën; ꞌaínbi ka achúshi uníxa Nukën ꞌIbu ñui banakë a ¿kara uin mëníoxunti ꞌik? Kixun kakëxunbi ka aín papan bana atun kuaisama tankëxa, usai ka Nukën ꞌIbunbi usai ꞌia atu këñumiti sinánkë ꞌain ꞌiakëxa.