Hechos 23:16 - Kashibo-Kakataibo Biblia

¹⁶ Usai ꞌësë́naniabi ca Pablonën chirabacën tuacën cuacëxa. Cuabianxun ca suntárunën xubunu atsínxun Pablo ñuixuancëxa.

Nukën 'Ibu Diosan ain unikama 'inan ain bana

¹⁶ Usai 'ësë́naniabi ca Pablonën chirabacën tuacën cuacëxa. Cuabianxun ca suntárunën xubunu atsínxun Pablo ñuixuancëxa.

Hechos 23:16 ပူးပေါင်းရင်းမြစ်များ

2 Samuel 17:17

Usakin kakëx kuanx ka Jonatán ꞌimainun Ahimaas ax achúshi xëxá En-roguel kakë anu pain unikaman isma Jerusalénnu atsinia isia kixun sinani bërúakëxa, anuxun ka an ñu ꞌaxunkë xanu David kaxuntanun kixun xuakëxa, xukëx kuanxua kakëbëshi atúxribi bënëtishi anu kuanxun ka David bana ñuixuankëxa.

Job 5:13

Usa ꞌixun ka an bëtsi ꞌatimoti sinánxun ꞌaisataniabi uni Diosan atun sinánkëa ꞌaxuma ꞌanun ꞌamima, usakin ꞌakin ka atun ñu ꞌatima ꞌati sinánxua ꞌakë ax ñankáishi ꞌinun ꞌimia:

Hechos 21:34

Ñucácëbëbia unicamax bëtsi bëtsi bana ñui sharácëbëtan upí oquin cuaquinma ca comandantenën anua suntáru bucucë xubunua buánun quixun cacëxa.

Hechos 21:37

Usoquin buánxuan atun xubunu suntárucaman atsínmicëxunbi ca Pablonën comandante cacëxa: —¿Bananun caina ꞌë ꞌimitima ꞌain? Cacëxun ca comandantenën cacëxa: —¿Griego banan banati caina ꞌunan?

Hechos 23:10

Usaría ꞌaisamairai cuëbicanáncëbë ca comandante, unicaman Pablo ꞌati sinani racuë́acëxa. Usai ꞌiquin ca comandantenën —unicama nëbë́tsinuabi bibianquin camina Pablo anunu ꞌicë xubunu buánti ꞌai —quixun aín suntárucama cacëxa. Cacëxun ca suntárucaman anua atux ꞌicënu buánxun atsínmiacëxa.

Hechos 23:17

Ñuixuncëxun cuaquin cuënxun ca Pablonën capitán achúshi cacëxa: —Ënë xu camina comandantebë ca banatisa tania anu buánti ꞌain.

Hechos 23:32

Buón pëcaracëbë ca caballonën nicë suntárucamainshi Pablo buántamainun taën nicë suntárucamax anua ꞌicë Jerusalénu cuantëcëancëxa.

Hechos 24:23

Catancëxun ca Felixnën aín capitán cacëxa: —Chiquíti rabanan camina Pablo bërúanti ꞌain. Bërúanquinbi camina añu cara ꞌaisa tania a ꞌamianan axa abë nuibanancë unicaman a istisa tania ismianan añu ñu cara cuëënia a ꞌaxunun ꞌamiti ꞌain.

1 Corintios 3:19

Abia unin sináncë bana ax ca Nucën Papa Diosan iscëx ñancáishi ꞌicën. Nucën Papa Diosan bana aín unin cuënëo, ax ca ësai quia: “Ui unin cara bëtsi uni parania, a uni ca Nucën Papa Diosan ꞌamicëxun bëtsi unínribi usaribi oquin cupiti ꞌicën”.