Hechos 23:12 - Kashibo-Kakataibo Biblia

¹² Usaquian Nucën ꞌIbu Jesusan Pablo can pëcaran ca judíos unicama raírinëx timë́ax ꞌësë́nani ësai canancëxa: Pablo ꞌaxunma cananuna pima ꞌianan añu ñubi xëatima ꞌain. Nun nux quicësabi oquin ꞌacëma ꞌicë ca Nucën Papa Diosan nu uisa cara oti ꞌicë usoquin nu ꞌati ꞌicën.

Nukën 'Ibu Diosan ain unikama 'inan ain bana

¹² Usaquian Nucën 'Ibu Jesusan Pablo can pëcaran ca judíos unicama raírinëx timë́ax 'ësë́nani ësai canancëxa: Pablo 'axunma cananuna pima 'ianan añu ñubi xëatima 'ain. Nun nux quicësabi oquin 'acëma 'icë ca Nucën Papa Diosan nu uisa cara oti 'icë usoquin nu 'ati 'icën.

Hechos 23:12 ပူးပေါင်းရင်းမြစ်များ

Génesis 37:18

Mërabëtsini aia ꞌurakëo isi ka aín xukë́nkama José ñui ꞌatimai banai uisa karanuna oti ꞌain kiax kanankëxa, kánani ka José rëkatsi kiax kikankëxa.

1 Reyes 19:2

Usakian ñuixunkëxun kuatankëxun ka Jezabelnën achúshi uni an Elías ësokin kaxuntanun kixun xuakëxa: “¡Mix kamina Elías ꞌain ꞌëx kana Jezabel ꞌain! Min kamina an Baalnu ꞌikë an bana ñuikë unikama rëtëmian, usa ꞌain ka dioskaman, imë́ishi ënë horanbi ka an Baalnën bana ñuikë unikama ꞌamikësaribi okin ꞌaiama ꞌë tëmëramiti ꞌikë kixun ka kamiakëxa.”

2 Reyes 6:31

Usakin ꞌai ka ꞌapu munuma kuënkëni kiakëxa: “¡Diosan ka Eliseo Safatnën bakë bëchikë a ënë nëtënbi aín maxká tëbískaiama ꞌaisamaira okin ꞌë tëmëramiti ꞌikën!”

Mateo 26:4

Anu timë́ax ca —ꞌanuxun caranuna uisoxun Jesús unían ꞌunánunmaishi biti ꞌai —quiax ꞌësë́nancëxa.

Mateo 26:74

Cacëxun ca Pedronën munuma banaquin cacëxa: —ꞌËx cëmëia ca Nucën Papa Diosan ꞌë ꞌatimoti ꞌicën. An cuamainun cana mitsu cain, ꞌën cana a uni ꞌunaniman. Usaía quicëbëshi ca ꞌatapa banacëxa.

Mateo 27:25

Cacëxun ca anu ꞌicë unicaman cacëxa: —Ca nun ꞌucha ꞌimainun nun rëbúnquicamananribi ꞌiti ꞌicën.

Hechos 23:13

Axa usai ꞌësë́nancë unicama ax ca cuarenta unibëtan sënë́nma ꞌiacëxa.

Hechos 23:14

A unicaman ca anu cuanxun sacerdotenën cushicamacëñun caniacëcë unicama ësaquin cacëxa: —Nux cananuna, Pablo ꞌaxunma cananuna añu ñubi pima quiax canan. Nun nux quicësabi oquin ꞌacëma ꞌicëa Nucën Papa Diosan nu uisa cara oti ꞌicë usoquin nu ꞌanun cananuna quia.

Hechos 23:21

Usaquian cacëxunbi camina an mi cacësabi oquin ꞌatima ꞌain. Axa Pablomi ꞌësë́nancë uni ax ca cuarenta unibëtan sënë́nma ꞌicën. Acaman ca ꞌanuxun unë́xun Pablo cainia. Ësai ca quiaxa: Pablo ꞌaxunma cananuna añu ñubi pima ꞌianan añu ñubi xëatima ꞌain. Nun nux quicësabi oquin ꞌacëma ꞌicëa ca Nucën Papa Diosan nu uisa cara oti ꞌicë usoquin nu ꞌati ꞌicën. Usaquin Pablo ꞌacatsi quixun ca minmi cacëxuan min suntárucaman Pablo buántishi unë́xun cainia.

Hechos 23:30

Judíos unicamaxa a ꞌacatsi quiax ami ꞌësë́nania ñuia cuaquin cana bënë́nquinshi minua cuanun Pablo xutin. Xuanan cana axa ami manáncë unicamaribi añu cupí cara ami ꞌësë́nania quixuan mi canun quixun minu xutin. Ënëishi cana mi cain”.

Hechos 25:3

ësaquin, —Nux cuëëncësabi oquin camina Pabloa Jerusalénu min unin bënun camiti ꞌain. Bain aia ꞌacatsi quiax ꞌësë́nanxun ca Pabloa bënun quixuan caminun quixun judíos unicaman Festo usaquin cacëxa.

Hechos 9:23

Usoquin atu bana ñuixunía ꞌitsa nëtë anu ꞌicëbë ca judíos unicama Saulo ꞌacatsi quiax ꞌësë́nancëxa.

Hechos 9:24

A ꞌacatsi quiáxa ꞌësë́nancania ñuia ca Saulonën cuacëxa. Usa ꞌain ca chiquitia ꞌanuxun nëtë́nbi ꞌanan imë́bi Damasconën cënë xëcuëcamanuxun bëaraquin caíancëxa.

1 Corintios 16:22

Ui unin cara Nucën ꞌIbu Jesucristo sinaníma ax ca Nucën Papa Diosan iscëx ꞌaisama ꞌicën. Nucën ꞌIbu Jesucristo axa uti cana ꞌëx cuëënin.

2 Corintios 11:26

ꞌËn nicënuax cana ꞌaisamaira tëmëracën, bacan cuani ꞌianan men cuaniribi. Bëtsi nëtën cana bacamiquisa ꞌiacën, bëtsi nëtën cana an ñu mëcamacë unin ꞌaisa ꞌiacën. Bëtsi nëtën ca judíos unibu ꞌimainun judíosma unibu, acamanribi ꞌë bëtsi bëtsi oti sináncëxa. Bëtsi nëtën ca ëma chanu ꞌicë unicamaribi ꞌëmi tsuáquiruacëxa. Bëtsi nëtën cana anu uni ꞌicëma menuax tëmëracën. Bëtsi nëtën cana parúnpapanuax tëmëracën. Bëtsi nëtën ca axa —Cristonan cana ꞌai —quibi cëmëcë unicamaxribi ꞌëmi nishacëxa.

Gálatas 3:13

A bana, usai ca judíos unicama ꞌiti ꞌicë quixun Moisésnën cuënëo, a banacamaxa quicësabi oquiinra ꞌacëma ꞌicë, nu uisa cara oti ꞌicë usoquin ꞌati ꞌixunbi ca Nucën Papa Diosan nu ꞌaquinma, Cristo, nun ꞌucha cupí tëmëramia cupí, nu ami catamëtia uisotima ꞌicën. Camabi unin ꞌucha cupí ca ꞌuchañuira uni ꞌicësari Cristo i curúsocënu bamacëxa, Nucën Papa Diosan bana cuënëo ësai quicësabi oi: “Ui unix cara i curúsocënu matáscë ꞌicë ax ca asérabi ꞌuchañuira ꞌaish Nucën Papa Diosan uisaira cara oti ꞌicë usoquin ꞌacë ꞌiti ꞌicën”.

1 Tesalonicenses 2:16

Nun judíosma unicama Cristomi sinánun bana ñuixuinsa taniabi ca usaquinu bana ñuixunun nu ëncëma ꞌicën. Usai ꞌia aín ꞌucha cëxtutia ca Nucën Papa Diosan ꞌaisamaira oquin castícanti ꞌicën.

Josué 6:26

Usokin ꞌatankëx ka Josué ësai kiakëxa: “Nukën ꞌIbun ka ꞌëx kikë bana ënëx ka asérabi ꞌikë kixun ꞌunánia, uin kara Jericó ëma ꞌatëkënkin birutëkëntisa tania a unin bëchikë apanëx ka anun ëma bëararakin kënëkë ax ami rurukubukin chakakëx bamakë ꞌiti ꞌikën, ꞌimainun ka aín bëchikë ꞌanáka aribi anun ëmanu atsínti xëputi ꞌakin amibi birukin ꞌakë a chakamikë ꞌiti ꞌikën” (kiax ka Josué kiakëxa).

1 Samuel 14:24

ꞌAínbi ka israel suntárukama a nëtë́an, añu ñubi pima panankë ꞌaish atun nami kushima ꞌaish bënainsabu ꞌiakëxa, ësakian Saúlnën manukinma a sinánun kikë ꞌain: Uin kara bari xupibukëbëtan ꞌën ꞌëmi nishkë unikama ꞌakin pëukë ꞌaímabi ñu pia ax ka ꞌatima okë ꞌiti ꞌikë, kiaxa Saúl kikë ꞌain ka a nëtën ñu pikëma ꞌaish Israel unikama usai ꞌiakëxa.