Hechos 23:11 - Kashibo-Kakataibo Biblia

¹¹ Usaquian ꞌoon ñantánbucëbëtan ca Nucën ꞌIbu Jesusan a rapasu niracëquin Pablo cacëxa: —Masá nuituti bënë́axma ca ꞌit. Jerusalén ënuxunmi ꞌë ñuiquin cacësaribi oquin camina Roma ëmanuxunribi ꞌë ñuiquin unicama bana ñuixunti ꞌain.

Nukën 'Ibu Diosan ain unikama 'inan ain bana

¹¹ Usaquian 'oon ñantánbucëbëtan ca Nucën 'Ibu Jesusan a rapasu niracëquin Pablo cacëxa: —Masá nuituti bënë́axma ca 'it. Jerusalén ënuxunmi 'ë ñuiquin cacësaribi oquin camina Roma ëmanuxunribi 'ë ñuiquin unicama bana ñuixunti 'ain.

Hechos 23:11 ပူးပေါင်းရင်းမြစ်များ

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Isaías 46:10

ꞌËx kikë ënëx usai ka ñu ꞌinuxun ꞌaia ꞌëx kia ꞌikën; kianan kana axa ꞌiti ñuribi ñui bërámabi kiakën. Usa ꞌain kana ꞌëx kin: Usa ꞌain ka ꞌën sinánkë ñukama ax usaibi ꞌiti ꞌikën; ꞌën kana uisa ñu ꞌanux karana kia a kamabi ꞌati ꞌain.

Mateo 14:27

Usai quia ca Jesusan atu cacëxa: —Camina cushicanti ꞌain. Racuëaxma ca ꞌit, ꞌë cana ꞌain.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Mateo 9:2

Bëbacëbëa ꞌitsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Chuámashi ca ꞌit. Min ꞌuchacama ca tërë́ncë ꞌicën.

Lucas 16:28

ꞌËx cana mëcën achúshi xucë́nñu ꞌain. Atúxribi ënu paë tani tëmërai uaxma ꞌinuan, uisa cara ënu ꞌicë quixun atu canun camina Lázaro xuti ꞌain.

Juan 14:18

ꞌËn cana mitsu ꞌibuñumoima, cana mitsunu utëcënin.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Hechos 18:9

Usa ꞌain ca Pablonën namáquin cuacësa oquin ësaquian Nucën ꞌIbu Jesusan cacëxun imë́ cuacëxa: —ꞌË cana mibë ꞌain. Usa ꞌain ca uinu ꞌicë unínbi mi paë tanmiquin mëëtima ꞌicën. Ënë ëmanuax ca ꞌaisamaira uni ꞌënan ꞌiti ꞌicën. Usa ꞌain camina racuë́quin ënquinma ꞌën bana ñuixunti ꞌain.

Hechos 19:21

Usa ꞌain ca Pablonën Macedonia me ꞌimainun Acaya menu pain cuantancëx Jerusalénu cuanti sináncëxa. Jerusalénu cuanti sinani ca quiacëxa: Anu pain ꞌitancëx cana Roma ëmanuribi cuanti ꞌain.

Hechos 2:25

David ax ca Jesús ñui ësai quiacëxa: ꞌËn cana Nucën ꞌIbu ꞌëbëbi ꞌia isan. ꞌËx racuëti masá nuitununma ca ax ꞌën mëqueu ꞌicën.

Hechos 20:22

Usa ꞌain cana Nucën Papa Diosan Bëru Ñunshin Upitan sinánmicësabi oi Jerusalénu cuanin, uisai carana anuax ꞌiti ꞌai quixun ꞌunanimabi.

Hechos 22:15

Usa ꞌixun camina min ami iscë ñucama ꞌimainun usaquian mi cacëxunmi cuacë banacamaribi camabi menu ꞌicë unicama ñuixunti ꞌain.

Hechos 22:18

Iscëxun ca ësaquin ꞌë cacëxa: Jerusalénu ꞌicë unicaman ca mínmi ꞌë ñuiquin cacëxunbi cuaisama tanti ꞌicën. Usa ꞌain camina bënëti Jerusalénuax cuanti ꞌain.

1 Corintios 9:1

Nucën ꞌIbu Jesusan aín bana uni ñuixunti caísa cana ꞌëx ꞌain. An caíscë unicaman ꞌacësaribi oquin cana ꞌënribi Nucën ꞌIbu Jesús isacën. ꞌËn aín bana ñuixuncë cupí camina mitsúxribi ami catamëtin. Usa ꞌain camina mitsúnbi ꞌunánti ꞌain, ꞌëx cana asérabi a usaquin ꞌanúan Nucën Papa Diosan caísa ꞌain.

Filipenses 1:13

ꞌApun suntárucama ꞌimainun camabi unínribi ca ꞌunania, Jesucristo ñuiquin uni bana ñuixuncë cupí cana sipuacë ꞌai quixun.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.