Hechos 22:6 - Kashibo-Kakataibo Biblia

⁶ Bain cuani Damasconu bëbai cuanquin, ꞌën usai ꞌiti sináncëma ꞌaínbi ca bari xamáruti ꞌurama ꞌain, naínuax cushiira pëqui ichúquin nëbë́tsioraquin ꞌë pëcacëxa.

Nukën 'Ibu Diosan ain unikama 'inan ain bana

⁶ Bain cuani Damasconu bëbai cuanquin, 'ën usai 'iti sináncëma 'aínbi ca bari xamáruti 'urama 'ain, naínuax cushiira pëqui ichúquin nëbë́tsioraquin 'ë pëcacëxa.

Hechos 22:6 ပူးပေါင်းရင်းမြစ်များ

Génesis 14:15

Anu bëbax ñantabukëbëtan ka Abramnën aín unikamabëtan atun sinánkënumashi ratukinshi anu bukukë ami bëbarukin ꞌakëxa, abë ꞌakanankin ka a ꞌapukama abámikin Hobá anu sënën ꞌakëxa, ax ka Damasco ëma aín tsipumi ꞌikë au ꞌiakëxa,

Génesis 15:2

ꞌAínbi ka Abramnën kakëxa: —ꞌËn ꞌIbu ꞌimainun ꞌën Dios, ¿uisa karana minmi ñu ꞌinánkëxun, ñankáishibi bixun ꞌati ꞌain, minbi kamina ꞌëx kana achúshi bëchikëñumabi ꞌai kixun ꞌunanin minbi kamina achúshi bëchikëbi ꞌë ꞌinankëma ꞌain? Usa ꞌain ka kamabi ꞌën ñukama an biti Eliézer Damasconu ꞌikë uni ꞌën kaniokë, an ꞌëx ñukëbëtan ꞌën kasunania ñukama biti ꞌikën.

Mateo 17:2

Anu cuantancëx ca a unicaman ismainunbi Jesús bëtsiacëxa. Bëtsii ca barin pëcacësa ꞌinun aín bëmánan ichúacëxa. Aín chuparibi ca uxuira ꞌaish bari upí uruia iscësa ꞌiacëxa.

Hechos 22:7

Usaquian pëcacëx menu nipacëxun cana ësaquian ꞌë cacë bana cuacën: “Saulo, Saulo, ¿uisoti caramina ꞌë bëtsi bëtsi oin?”

Hechos 23:9

Usa ꞌaísha camáxbi cuëbícanani sharámainun ca fariseo uni raíri, an Moisésnën cuënëo bana ꞌunáncë, an niruquin munuma banaquin cacëxa: —Nun iscëx ca ënë unix añu ñubi ꞌacëma ꞌicën. Sapi ca ñunshin banaia cuaxa, ángel banaia sapi ca cuaxa. An ꞌimicëxuan nu bana ñuixuncëxunbi ënë uni ꞌatimoi atununa Nucën Papa Diosmiribi nishi, usa ꞌain cananuna ꞌatimotima ꞌain.

1 Corintios 15:8

Acamami chiquiracëtancëx ca ꞌëmiribi chiquiracëacëxa. ꞌËx aín ꞌunánmicë uni ꞌicëmabi ca an ꞌë ami sinánun sinanamiacëxa. Usa ꞌain ca acamami pain chiquiracëa ꞌaish ꞌëmiribi chiquiracëacëxa.

Apocalipsis 1:16

Aín mëcën mëqueunën mëcën achúshi ꞌimainun rabë́ ꞌispa tuíanan aín cuëbínuax machítusa manë xëtocë, amo rabë́bi cuënucë ꞌaish, chiquitia cana isan. Isanan cana aín bëmánanëxa barin cushíinra pëcacësaribiti pëquia isan.