Hechos 22:30 - Kashibo-Kakataibo Biblia

³⁰ Usa ꞌain ca pëcaracëbëtan comandantenën añu cupí cara Pablomi judíos unicama manania quixun ꞌunántisa tanquin, anúan nëacë manë risi tubunun quixun cacëxa. Canan ca sacerdotenën cushicama ꞌimainun judíos unibunën cushicaman ꞌapucama timënun quixun aín unicama cacëxa. Cacëxuan an cacësabi oquin timëan ca comandantenën Pablo axa timë́cë ꞌapucaman isnun chiquímiacëxa.

Nukën 'Ibu Diosan ain unikama 'inan ain bana

³⁰ Usa 'ain ca pëcaracëbëtan comandantenën añu cupí cara Pablomi judíos unicama manania quixun 'unántisa tanquin, anúan nëacë manë risi tubunun quixun cacëxa. Canan ca sacerdotenën cushicama 'imainun judíos unibunën cushicaman 'apucama timënun quixun aín unicama cacëxa. Cacëxuan an cacësabi oquin timëan ca comandantenën Pablo axa timë́cë 'apucaman isnun chiquímiacëxa.

Hechos 22:30 ပူးပေါင်းရင်းမြစ်များ

Mateo 10:17

Axa mitsumi nishcë unicaman ca judíos unibunën ꞌapucamanu mitsua ꞌatimonun buánti ꞌicën. Usonan ca anua judíos unicama timë́ti xubucamanuxun mitsu rishquiti ꞌicën. Usa ca uni ꞌicë quixun ꞌunani camina ami catamëtima bërúancati ꞌain.

Mateo 27:2

Usai quitancëxun nëaxun ca Poncio Pilato, a nëtënu ꞌicë unicaman cushi, anu buáncëxa.

Mateo 5:22

Usaía quiá ꞌaínbi cana ꞌën mitsu cain, axa uni itsi, aín xucë́nsa ꞌicëbi ami nishcë uni ax ca ꞌuchocë ꞌaish castꞌicancë ꞌiti ꞌicën. Axa uni itsi ñu cai ꞌatimati banacë uni a ca mitsun cushibunën ꞌapucaman ꞌuchoti ꞌicën. ꞌImainun ca an ami nishquin uni itsi —ñunshin bacë camina ꞌai —quixun cacë uni ax, axa manë tsinu ꞌiti uníxa ꞌuchacësaribi ꞌicën.

Hechos 21:11

Bëbax nu isi uxun anun Pablo tsitëcërëquicë, a biax anun tanëacanan anun mënëacati ca quiacëxa: —Nucën Papa Diosan Bëru Ñunshin Upí ca ësari quia: Ënën ꞌibu ca ësaribi oquin nëaxun Jerusalénu ꞌicë judíos unicaman judíosma unían binun ꞌinánti ꞌicën.

Hechos 21:33

Usocëbë uquin ca Pablo biquin comandantenën aín suntárucama manë risi rabëtan tëcërëcanun quixun cacëxa. Caquin ca ui cara ax ꞌicë quixun ñucánan añu cara ꞌaxa quixun ñucácëxa.

Hechos 22:5

Sacerdotnën cushicaman ꞌapubëtan ca caniacëcë unicamanribi ꞌunánxa, atun ca Damasconu ꞌicë judíos unicama ꞌinani cuanun quirica ꞌë ꞌináncëxa quixun. ꞌInáncëx cana axa Jesucristomi sináncë unicama Jerusalén ënuxun tëmëraminuxun bitsi cuancën.

Hechos 23:1

Usa ꞌain ca suntárucaman bëcëxun isquin Pablonën judíos unibunën ꞌapucama cacëxa: —Mitsux judíos uni ꞌaish camina ꞌën xucë́antu ꞌain. ꞌIcë cana mitsu cain, ꞌën cana ñu ꞌatima ꞌacëma ꞌai quixun ca Nucën Papa Diosan ꞌë isia.

Hechos 23:15

Usa ꞌain camina ꞌapu raíribëtan paránquin mitsun ësaquin comandante cati ꞌain: An ñu ꞌacë a upíira oquin ꞌunánuxun cananuna Pablo ñucátëcëntisa tanin. Nun nu ñucátëcënun camina pëcaracëbëtan min suntárucama bëmiti ꞌain. Mitsúnmi usaquin cacësabi oquian comandantenën cacëxun aín suntárucaman bëia cananuna Pablo ꞌati ꞌain.

Hechos 23:20

Cacëxun ca cacëxa: —Judíos unicaman ca Pablomi ꞌësë́nanquin sinánxa, pëcaracëbëtanmi, atun isa aín ñu ꞌacë upí oquin istëcë́nun, judíos ꞌapucamanu Pablo buántëcënun cëmëquin mi camicatsi quixun.

Hechos 23:28

Añu cupí cara ami manancania quixun ꞌunántisa tanquin cana judíosnën ꞌapucamaxa timë́cënu Pablo buan.

Hechos 23:6

Usaquin catancëxun ca Pablonën anua timë́cë ꞌapucama, a raírinëxa saduceo uni ꞌimainun raírinëx fariseo uni ꞌicë ꞌunáncëxa. ꞌUnánquin ca munuma banaquin cacëxa: —ꞌËn aintsicama, ꞌëx cana fariseo uni ꞌain, fariseo unin bëchicë cana ꞌëx ꞌain. Usa ꞌixun cana bama ꞌaish ca Cristo utëcëncëbë uni baísquiti ꞌicë quixun sinanin. ꞌËn usaquin sináncë ꞌain ca ꞌëmi manáncania.

Hechos 26:29

Quia ca Pablonën cacëxa: —Nucën Papa Dios cuëëncësabi oi cana mishima an ꞌëx quia cuacë unicamaxribia, ꞌëx ꞌicësaribiti, bënëtishi Cristonën uni ꞌiti cuëënin. Bënëtishi ꞌiananbia abi munu sinanati Cristonan ꞌiti cana cuëënin. Mix ꞌëx ꞌicësaribiti Cristonan ꞌaíshmi, ꞌëx ꞌicësaribiti manë risin tëcërëcacëma ꞌiti, cana cuëënin.

Hechos 5:21

Ësoquian ángelnën cacësabi oquin ca pëcaracëbë cuanxun anuxun Nucën Papa Dios rabiti xubunu atsínxun anu ꞌicë unicama bana ñuixuancëxa. Bana ñuixunmainun ca sacerdotenën cushicaman ꞌapu ꞌimainun abë ꞌicë unicaman, judíos cushibunën ꞌapucama timë́mianan sipuacë unicama bënun quixun policía xuacëxa.