Hechos 22:14 - Kashibo-Kakataibo Biblia

¹⁴ Iscëxun ca ꞌë cacëxa: Nucën Papa Dios, a nucën raracamanribi rabia, an ca mi caísacëxa, añu cara ax cuëënia quixun ꞌunánanmi aín Bëchicë aín sinan upíira aribi ꞌunánan ax banaia cuanun.

Nukën 'Ibu Diosan ain unikama 'inan ain bana

¹⁴ Iscëxun ca 'ë cacëxa: Nucën Papa Dios, a nucën raracamanribi rabia, an ca mi caísacëxa, añu cara ax cuëënia quixun 'unánanmi aín Bëchicë aín sinan upíira aribi 'unánan ax banaia cuanun.

Hechos 22:14 ပူးပေါင်းရင်းမြစ်များ

Esdras 7:27

Usakin kirika uamikë a isi banatankëxun ka Esdrasnën Dios ñukákin kakëxa: Nukën ꞌIbu Dios nun rarakaman rabia mix kamina upíokin rabikë ꞌiti ꞌain, min kamina ꞌapu anuxun mi rabiti xubu amiribishi Jerusalénnu ꞌamitëkënun sinánmia,

Éxodo 15:2

ꞌËx ami kantaia ka kuatia, an ka ꞌë kushionan ië́miaxa, ax ka Dios ꞌën a rabiti ꞌikën. Ax ka ꞌën papan Dios ꞌikën, usa ꞌikë kana asábi ka kakin rabiti ꞌain.

Jeremías 1:5

ꞌËn kana min titan puku ꞌukëmëu ꞌikëbi mi kaisakën; ꞌianan kana min titan mi bakënkë ꞌikëmashi mi kaisakën; ꞌanan kana kamabi menu ꞌikë unikama an Dios kikë bana ñuixunkëmi ꞌinun mi kaisankën.

Daniel 2:23

ꞌËn chaitiokëkaman rabia Dios mi kana, ꞌën asabika kakin rabin, min kamina sinánñuira ꞌimianan kushi ꞌinun ë ꞌimia; usa ꞌixun kamina bërí nun mi ñukákëkama nu ꞌunánmian: usa ꞌixun kamina a sinania ꞌapu masá nuitukë akama ꞌunánun nu ꞌunánmian.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Hechos 13:17

Nucën Papa Dios, Israel unibunën Dios, an ca nucën raracama ainan ꞌinun caísacëxa. Caístancëxuan an ꞌimicëx ca Egipto menu pain tsoti anuax uácëxa. Uatia ca Nucën Papa Diosan aín cushínbi atu Egiptonua bëacëxa.

Hechos 22:15

Usa ꞌixun camina min ami iscë ñucama ꞌimainun usaquian mi cacëxunmi cuacë banacamaribi camabi menu ꞌicë unicama ñuixunti ꞌain.

Hechos 22:18

Iscëxun ca ësaquin ꞌë cacëxa: Jerusalénu ꞌicë unicaman ca mínmi ꞌë ñuiquin cacëxunbi cuaisama tanti ꞌicën. Usa ꞌain camina bënëti Jerusalénuax cuanti ꞌain.

Hechos 24:14

Usa ꞌain cana mi cain, Nucën Papa Dios a ꞌën raracaman rabia, a cana ꞌënribi rabin. Aín bana, Moisésnën cuënëo ꞌimainun an Nucën Papa Dios quicë bana uni ñuixuncë unicamanribi cuënëo, a banacamax ca asérabi ꞌicë quixun cana ꞌunan. Usa ꞌaish cana a banacama quicësabi oía uá aín Bëchicë amia ax ꞌëbë sináncë unicamabë ami catamëtin, judíos unicama raírinëxa ami sinántisama tancëbëbi.

Hechos 26:16

Ca nirut. Minmi ꞌë ñuiquin, unicama canan bërími ꞌë iscë ñuianan, minmi ꞌën ꞌaia isti ñucamaribi ñuiquin, unicama canun cana mi cain.

Hechos 5:30

Aín Bëchicë, mitsun i curúsocënu uni matásmicë, a ca Nucën Papa Dios, a nun rabicësaribi oquin nucën raracaman rabia, an baísquimiaxa.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Hechos 9:17

Usaquian Jesusan cacëx ca Ananías anua Saulo ꞌicë xubunu cuancëxa. Cuanx atsínxun ca aín mëcënan ramëquin Saulo cacëxa: —ꞌËn xucën Saulo, axa anúnmi ucë bainuax mibë banaëxancë, Nucën ꞌIbu Jesús, an ca minu unun ꞌë xuaxa, amiribishi istëcëananmi aín Bëru Ñumshin Upíñu ꞌinun.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

1 Corintios 11:23

Nucën ꞌIbu Jesusan ꞌë cacë bana ñuiquin cana ësaquin mitsu can, anúan uni itsin ꞌanun quixun unin a ꞌinánti, a ñantan ca Nucën ꞌIbu Jesusan pán biacëxa.

1 Corintios 15:3

Jesusan aín bana ñuixunun caíscë unicaman ꞌë unánmicë bana, a paínmi ꞌunánun quixun cana ësaquin mitsu cacën: Nun ñu ꞌaisama ꞌacë nu tërë́nxunux ca Cristo bamacëxa. Usai ca ꞌiti ꞌicë quiax ca Nucën Papa Diosan bana cuënëo quia.

1 Corintios 15:8

Acamami chiquiracëtancëx ca ꞌëmiribi chiquiracëacëxa. ꞌËx aín ꞌunánmicë uni ꞌicëmabi ca an ꞌë ami sinánun sinanamiacëxa. Usa ꞌain ca acamami pain chiquiracëa ꞌaish ꞌëmiribi chiquiracëacëxa.

1 Corintios 9:1

Nucën ꞌIbu Jesusan aín bana uni ñuixunti caísa cana ꞌëx ꞌain. An caíscë unicaman ꞌacësaribi oquin cana ꞌënribi Nucën ꞌIbu Jesús isacën. ꞌËn aín bana ñuixuncë cupí camina mitsúxribi ami catamëtin. Usa ꞌain camina mitsúnbi ꞌunánti ꞌain, ꞌëx cana asérabi a usaquin ꞌanúan Nucën Papa Diosan caísa ꞌain.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Gálatas 1:12

A bana cana unin ñuia cuacëma ꞌain. Uinu ꞌicë unínbi ca a bana ꞌë ꞌunánmicëma ꞌicën. Jesucristonënshi ca a bana ꞌë ꞌunánmiaxa.

Gálatas 1:15

Usai ꞌiabi ca Nucën Papa Diosan, ꞌën titan pucu mëucüabi ꞌë aín bana ñuixunun caísa ꞌixun nuibaquin asérabi ainan ꞌinun ꞌë sinánmiquin,

2 Timoteo 1:1

ꞌËx cana Pablo, aín bana ñuixunuan Jesucristonën caísa ꞌain, Nucën Papa Dios cuëëncësabi oquin. —Jesucristomi catamëtíshi ca uni Nucën Papa Diosnan ꞌiti ꞌicë —quixun unicama canun ca Jesucristonën ꞌë ꞌimiacëxa.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

1 Pedro 2:22

Cristonën ca uisa ñu ꞌatimabi ꞌama ꞌicën. ꞌAnan ca uisaquinbi uni paránma ꞌicën.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.